လံာ်စီၤဧ့စြၤ 3:9 - Sgaw Karen Common Bible

⁹ ပှၤလ့ၤဝံဖိစီၤယ့ၤၡူဒီးအဖိခွါတဖၣ်ဒီးအဘူးအတံၢ်တဖၣ်, စီၤကးမံၤအ့လးဒီးအဖိခွါတဖၣ် (ပှၤဟိဒၤဝယ့ၤအဒူၣ်အထၢ) ပာ်ဖှိၣ်တ့ၢ်အသးလၢတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ. (အဝဲသ့ၣ်ဘၣ်တၢ်မၤစၢၤအီၤလၢပှၤလ့ၤဝံဖိတဖၣ်လၢပှၤဃ့နါဒး အဒူၣ်အထၢတခီန့ၣ်လီၤ.)

လံာ်စီၤဧ့စြၤ 3:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:4

စီၤပၤဃုထၢပာ်လီၤတ့ၢ်ပှၤ ခံကလးလွံၢ်ကထိ ဂၤလၢကပၢဆှၢယွၤအတၢ်လုၢ်ဟံၣ်အတၢ်မၤအဂီၢ်, ပှၤဃုကထိဂၤလၢကပၢၤဃာ်တၢ်ကွဲးနီၣ်တဖၣ်ဒီးကမ့ၢ်ပှၤစံၣ်ညီၣ်ကွီၢ်တဖၣ်အဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 34:12

ပှၤလၢအမၤတၢ်တဖၣ်မ့ၢ်ပှၤသူၣ်တီသးလိၤနီၢ်နီၢ်န့ၣ်လီၤ. အဝဲသ့ၣ်ဘၣ်တၢ်ကွၢ်ထွဲပၢဆှၢအီၤလၢပှၤလ့ၤဝံဖိလွံၢ်ဂၤလၢ အမ့ၢ်ဝဲစီၤယၤဃးဒီးစီၤဧိၤဘါဒယၤလၢပှၤမရၤရံအဒူၣ်ထၢ, ဒီးစီၤစကၤရယၤဒီးစီၤမၡူလၣ်လၢပှၤကဃးဖိအဒူၣ်ထၢန့ၣ်လီၤ. (ပှၤလ့ၤဝံဖိတဖၣ်န့ၣ်မ့ၢ်ပှၤသ့ပှၤဘၣ်လၢတၢ်ဒ့တၢ်အူ တကပၤန့ၣ်လီၤ.)

လံာ်စီၤဧ့စြၤ 2:40

ပှၤလ့ၤဝံအဒူၣ်ဖိထၢဖိလၢအဟဲက့ၤကဒါက့ၤလၢတၢ်စိာ်မၢကဲ ကုၢ်အလီၢ်န့ၣ်မ့ၢ်ဝဲ, ပှၤယ့ၤၡူဖိဒီးပှၤကးမံၤအ့လးဖိ (စီၤဟိဒၤဝယၤအစၢၤအသွဲၣ် တဖၣ်), နွံဆံလွံၢ် ဂၤ,

လံာ်စီၤဧ့စြၤ 3:8

လၢတၢ်န့ၣ်အဃိအဝဲသ့ၣ်စးထီၣ်အတၢ်မၤဖဲလါခံလါတလါလၢနံၣ် န့ၣ်အပူၤ, ဖဲအဝဲသ့ၣ်ဟဲက့ၤကဒါက့ၤဆူတၢ်လုၢ်ဟံၣ်အလီၢ်လၢဝ့ၢ်ယရူၤ ၡလ့ၣ်ဝံၤအလီၢ်ခံလီၤ. စီၤစရူၤဘၤဘ့လး, စီၤယိၤၡူဒီးအပှၤထံဖိကီၢ်ဖိကဒဲကဒဲလၢအအိၣ်လီၤတဲာ်တဖၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, ဒီးကယဲၢ်ပှၤဘၣ်စိာ်မၢကဲကုၢ်လၢအဟဲက့ၤကဒါက့ၤဆူ ဝ့ၢ်ယရူၤၡလ့ၣ်တဖၣ်, မၤသကိးတၢ်လၢတၢ်မၤအပူၤန့ၣ်လီၤ. ကယဲၢ်ပှၤလ့ၤဝံဖိတဖၣ်လၢအသးအိၣ်အနံၣ်ခံဆံမ့ၢ်ဂ့ၤပှၢ်န့ၣ် အဝဲန့ၣ်မ့ၢ်ဂ့ၤဘၣ်တၢ်ပာ်လီၤအီၤလၢပှၤကွၢ်ထွဲပၢဆှၢတၢ်ဖံး တၢ်မၤဘၣ်ဃးဒီးတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 3:24

ဒီးစီၤဃ့နါဒးအဖိခွါစီၤဘံနူၤဘှီဝဲလၢခံတပတီၢ်စး ထီၣ်လၢစီၤဧစၤရယၤအဟံၣ်တုၤလီၤလၢဝ့ၢ်ခိၣ်ဒူသနၢၣ်န့ၣ်လီၤ.

လံာ်စီၤနဃ့မယၤ 7:43

ပှၤလ့ၤဝံဖိအဒူၣ်ထၢလၢအဟဲက့ၤလၢတၢ်စိာ်မၢကဲကုၢ်အလီၢ်မ့ၢ် ဝဲ စီၤယ့ၤၡူအဒူၣ်ဖိထၢဖိဒီးစီၤကးမံၤအ့လးအဒူၣ်ဖိထၢဖိ (လၢအဟဲလီၤစၢၤလၢစီၤဟိၤဒၤဝယၤ), နွံဆံလွံၢ် ဂၤ