လံာ်စီၤဧ့စြၤ 3:7 - Sgaw Karen Common Bible

⁷ ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 3:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 12:10

တဘျီလၢ်လၢ်ဖဲစ့အါထီၣ်လၢတလါအပူၤန့ၣ်, စီၤပၤအပှၤကွဲးလံာ်ဒိၣ်, ဒီးပှၤလုၢ်တၢ်အခိၣ်အဒိၣ်ကတၢၢ်ကဟဲဝဲ, ဒီးဂံၢ်စ့န့ၣ်, ဒီးဒၢနုာ်ဝဲဆူထၢၣ်တဖၣ်တပူၤဒီးစၢဃာ်ဝဲအခိၣ်လီၤ.

လံာ်စီၤပၤခံဘ့ၣ်တဘ့ၣ် 12:13

ဘၣ်ဆၣ်ဒီးစ့တဘၣ်တၢ်သူအီၤနီတစဲးလၢတၢ်ကဟ့ၣ်တၢ်အပှ့ၤလၢတၢ် မၤလီခီစ့တဖၣ်မ့ၢ်ဂ့ၤ, သလၢတဖၣ်မ့ၢ်ဂ့ၤ, ကွဲၤတဖၣ်မ့ၢ်ဂ့ၤ, တၢ်ပီးတၢ်လီလၢတၢ်မၤကဆှီမ့ၣ်အူဒၢတဖၣ် အဂီၢ်လၢတၢ်အဃၢၤအဃိၣ်အဂၤလၢစ့ဒီးထူတဖၣ်အဂီၢ်မ့ၢ်ဂ့ၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 34:10

ဝံၤဒီးစ့အံၤဘၣ်တၢ်ဟ့ၣ်လီၤအီၤဆူပှၤအခိၣ်သၢဂၤလၢအကွၢ် ထွဲတၢ်ဘှီဂ့ၤက့ၤယွၤအတၢ်လုၢ်ဟံၣ်ဒီးအဝဲသ့ၣ်ဟ့ၣ်လီၤဝဲဆူ,

လံာ်စီၤဧ့စြၤ 3:6

ပှၤဂီၢ်မုၢ်မ့ၢ်တစးထီၣ်ဘှီထီၣ်ကဒါက့ၤဒံးတၢ်လုၢ်ဟံၣ်နာ်က့, လၢလါနွံလါတလါထီၣ်တသီအနံၤန့ၣ်, အဝဲသ့ၣ်စးထီၣ်ဆူးကဲၤတၢ် လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်ယဃ့းစက့လး 27:17

ကီၢ်ယူဒၤဒီးကီၢ်အံၣ်စရ့လးတဖၣ် ဟ့ၣ်နၤတၢ်အပှ့ၤလၢဘုကၠူၣ်, ကနဲစီ, သ့ၣ်စၤယံးအသိဒီးတၢ်နၢမူတဖၣ်လၢတၢ်ဖိတၢ်လံၤတဖၣ် လၢနဆါအီၤအဂီၢ်န့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

မၤတၢ် 9:43

စီၤပ့းတရူးအိၣ်ဝဲဖဲဝ့ၢ်ယၤဖိၤအပူၤန့ၣ်တဘျုးနံၤတဘျုးသီ, လၢစီၤၡံမိၣ်, ပှၤလၢအဟံးန့ၢ်ဆၣ်ဖိကီၢ်ဖိအဖံးအဘ့ၣ်ဒီးမၤကဲထီၣ်ဝဲလၢ တၢ်ဖံးတဂၤန့ၣ်, အဟံၣ်လီၤ.