လံာ်စီၤဧ့စြၤ 3:5 - Sgaw Karen Common Bible

⁵ ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်စီၤဧ့စြၤ 3:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်စီၤဧ့စြၤ 3:6

ပှၤဂီၢ်မုၢ်မ့ၢ်တစးထီၣ်ဘှီထီၣ်ကဒါက့ၤဒံးတၢ်လုၢ်ဟံၣ်နာ်က့, လၢလါနွံလါတလါထီၣ်တသီအနံၤန့ၣ်, အဝဲသ့ၣ်စးထီၣ်ဆူးကဲၤတၢ် လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်စီၤနဃ့မယၤ 10:34

ပဝဲဒၣ်ပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ် ပကဖီၣ်တၢ်ဖးကိးနံၣ်ဒဲးလၢတၢ်စံၣ်ညီၣ်တဲာ်ဘၣ်ထွဲဒီးဒူၣ်ထၢမ တၤတဖၣ်ကဘၣ်ဟ့ၣ်ထီၣ်သ့ၣ်လၢတၢ်ကဆိၣ်ကဲၤတၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤပကစၢ်ယွၤဒ်ယူဒၤအတၢ်သိၣ်တၢ်သီပာ် ဖျါအသိးန့ၣ်လီၤ.

လံာ်ယံးရမံယၤ 33:18

ဒီးလၢပှၤလုၢ်တၢ်အခိၣ်တဖၣ် လၢလ့ၤဝံအဒူၣ်တခီကအိၣ်ဝဲထီဘိ လၢကမၤယတၢ်မၤဒီး ကလုၢ်ထီၣ်တၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 1:2

လၢပှၤအံၣ်စရ့လးဖိကတိၢ်နီၣ်မၤထွဲဝဲဖဲအလုၢ်ထီၣ်တၢ်လုၢ်တၢ် ပာ်တဖၣ်န့ၣ်လီၤ. ပှၤတဂၤလၢ်လၢ်မ့ၢ်လုၢ်ထီၣ်တၢ်လုၢ်တၢ်ပာ်ဘၣ်ဃးဒီးဆၣ်ဖိကီၢ်ဖိန့ၣ်, ကဘၣ်မ့ၢ်အဂီၤဖံး, မ့တမ့ၢ်အသိ, မ့တမ့ၢ်အမဲာ်တဲးလဲးအကျါတဒုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဂံၢ် 28:14

တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.

လံာ်တၢ်ဂံၢ် 28:19

လုၢ်ထီၣ်တၢ်လုၢ်မ့ၣ်အူတခါဒ်တၢ်လုၢ်ထီၣ်တၢ်အီၣ်တမံၤဆူယွၤ အအိၣ်အသိး, လၢအမ့ၢ်လၢကျီၣ်ဖါသးစၢ်ခံဒု, သိဖါတဒုဒီးသိဖါအသးအိၣ်တနံၣ်ဖိနွံဒုလၢအပူၤဖျဲးဒီး တၢ်သံၣ်သူမီၣ်ကျာ်ခဲလၢာ်န့ၣ်တက့ၢ်.

လံာ်တၢ်ဂံၢ် 28:27

လုၢ်ထီၣ်တၢ်လုၢ်မ့ၣ်အူတခါ, ဒ်တၢ်နၢမူတမံၤလၢအမၤမုာ်ယွၤ အသးတက့ၢ်. ကျီၢ်ဖါသးစၢ်ခံဒု, သိဖါတဒုဒီး, သိဖါဖိအသးအိၣ်တနံၣ်နွံဒုလၢအပူၤဒီးတၢ်သံၣ်သူမီၣ်ကျာ် တဖၣ်ကိးဒုဒဲးန့ၣ်လီၤ.

လံာ်တၢ်ဂံၢ် 29:13

လၢမုၢ်နံၤအခီၣ်ထံးကတၢၢ်တနံၤအံၤလုၢ်ထီၣ်တၢ်လုၢ်တၢ်အီၣ်တၢ် အီဆူယွၤအအိၣ်, တၢ်နၢမူတမံၤလၢအဘၣ်ယွၤအသးလၢအမ့ၢ်, ကျီၢ်ဖါသးစၢ်ဖိတဆံသၢဒု, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒုလၢအပူၤ ဖျဲးဒီးတၢ်လီၤတူာ်လီၤကာ်ခဲလၢာ်တက့ၢ်.

လံာ်တၢ်ဂံၢ် 29:2

ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢအမၤမုာ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒု, ဒီးသိဖါဖိအသးအိၣ်တနံၣ်ဖိနွံဒုတက့ၢ်. ဒီးကဘၣ်ပူၤဖျဲးဝဲလၢတၢ်သံၣ်သူမီၣ်ကျာ်ခဲလၢာ်လီၤ.

လံာ်တၢ်ဂံၢ် 29:39

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်လၢအဘၣ်ဃးဒီးတၢ်လုၢ်မ့ၣ်အူ တဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်စပံးထံတဖၣ်ဒီးတၢ်လုၢ်မၤ ဃူမၤဖိးတဖၣ်လၢသုကဘၣ်လုၢ်ထီၣ်အီၤဆူယွၤအအိၣ်ဖဲမူးဖးဒိၣ် တဖၣ်ဒ်တၢ်သ့ၣ်ဆၢဖးကတီၢ်အိၣ်ဝဲအသိးန့ၣ်လီၤ. တၢ်သ့ၣ်တဖၣ်အံၤမ့ၢ်တၢ်လုၢ်ပာ်ဖှိၣ်အါထီၣ်ဆူ, တၢ်လုၢ်မၤဘူၣ်တဖၣ်လၢသုဟံးထီၣ်အီၤဒ်တၢ်မၤလၢပှဲၤတၢ်ဆိၣ် တမံၤမ့ၢ်ဂ့ၤ, ဒ်သုတၢ်သးအိၣ်အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်တၢ်ဂံၢ် 29:8

လုၢ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢ အဘၣ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒုဒီးသိဖါ ဖိအသးအိၣ်တနံၣ်န့ၣ်နွံဒုတက့ၢ်. ဒီးကဘၣ်ပူၤဖျဲးဒီးတၢ်လီၤတူာ်လီၤကာ်ခဲလၢာ်လီၤ.

လံာ်သိၣ်လီၤသီလီၤတၢ် 12:17

လၢတၢ်လီၢ်တဖၣ်ဖဲသုအိၣ်ဆိးန့ၣ်, သုတဘၣ်အီၣ်တၢ်လၢသုလုၢ်ထီၣ် အီၤဆူယွၤအအိၣ်နီတမံၤဘၣ်. သုဘုဧိၤဟုဧိၤအဆံဆဲၣ်ပူ တပူမ့ၢ်ဂ့ၤ, သုစပံးထံမ့ၢ်ဂ့ၤ, သုသ့ၣ်စၤယံးအသိမ့ၢ်ဂ့ၤ, သုဂီၤဘုၣ်ဂီၤဖံးဒီးသုသိအဝဲၢ်ကိမ့ၢ်ဂ့ၤ, သုတၢ်ဟ့ၣ်တဖၣ်လၢသု အၢၣ်လီၤဒီးယွၤမ့ၢ်ဂ့ၤ, သုတၢ်သူၣ်အိၣ်သးအိၣ်အတၢ်မၤဘူၣ်တဖၣ် မ့ၢ်ဂ့ၤ, ဒီးတၢ်လုၢ်အဂၤတဖၣ်မ့ၢ်ဂ့ၤ, သုတဘၣ်အီၣ်အီၤဘၣ်.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.