လံာ်စီၤဧ့စြၤ 3:4 - Sgaw Karen Common Bible

⁴ အဝဲသ့ၣ်, သ့ၣ်နီၣ်မၤလၤကပီၤဘူၣ်ဒဲဒ်တၢ်သိၣ်တၢ်သီတဖၣ်အိၣ်ဝဲ အသိးဒီးကိးမုၢ်နံၤဒဲးန့ၣ်အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဒ်မုၢ်တနံၤန့ၣ်အတၢ်အိၣ်ဝဲအသိး,

လံာ်စီၤဧ့စြၤ 3:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:37

စီၤပၤဒၤဝံးပာ်စီၤအၤစာ်ဒီးပှၤလ့ၤဝံဖိကဒဲကဒဲတဖၣ်ဒ်ပှၤ အခိၣ်အဂၢၢ်အကျၢၤအသိးလၢတၢ်ဘူၣ်ထီၣ်ဘါထီၣ်ယွၤလၢအဘၣ်တၢ်မၤ အီၤဖဲတၢ်အၢၣ်လီၤအီလီၤအတလါစီဆှံဘၣ်တၢ်ပာ်အီၤအလီၢ်န့ၣ်လီၤ. အဝဲသ့ၣ်ဘၣ်မၤအမူအဒါတဖၣ်ဖဲန့ၣ်တနံၤဘၣ်တနံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:16

ကယဲၢ်ပှၤပိာ်ခွါတဖၣ်လၢအသးအိၣ်အနံၣ်သၢဆံဒီးဆူအဖီခိၣ်လၢ အမံၤအိၣ်ကွဲးအသးလၢတၢ်ကရၢကရိအတၢ်ကွဲးနီၣ်အပူၤ, လၢကိးနံၤဒဲးမၤအမူအဒါလၢယွၤအတၢ်လုၢ်ဟံၣ်အပူၤန့ၣ်, အဝဲသ့ၣ်ဟ့ၣ်အီၤလၢတၢ်နီၤဟ့ၣ်တဂၤတမံၤဒ်အကြၢးဒီးအမူဒါ လီၢ်လၤအတီၤတဖၣ်အသိးစုာ်စုာ်န့ၣ်လီၤ.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:38

လုၢ်ထီၣ်ပာ်ထီၣ်သိဖိတနံၣ်ဖိခံဒုလၢတၢ်လုၢ်လီၢ်အဖီခိၣ်ကိး မုၢ်နံၤဒဲးတဘိယူၢ်ဃီလၢဆၢကတီၢ်လၢအကဟဲန့ၣ်တက့ၢ်.

လံာ်တၢ်ဟးထီၣ်ကွံာ် 5:13

ဒီးပှၤအဲၤကူပတူးဖိလၢအမၢကုၢ်တၢ်သ့ၣ်တဖၣ်မၢဆူၣ်အဝဲသ့ၣ် လၢကမၤတၢးခီအနီၣ်ဂံၢ်ဒ်သိးဒီးနီၣ်ဂံၢ်လၢအမၤတ့ၢ်ဝဲဒ်လၢ ညါဖဲအဘၣ်တၢ်ဟ့ၣ်အီၤလၢဘုလီၢ်အခါအသိးကိးနံၤဒဲးလီၤ.

လံာ်ယံးရမံယၤ 52:34

တနံၤဘၣ်တနံၤဖဲ အဝဲအိၣ်မူဒံးဝဲန့ၣ်, အဝဲဘၣ်တၢ်ဟ့ၣ် အီၤလၢ တၢ်ဟ့ၣ်ဘၣ်ဆၢဘၣ်ကတီၢ်တဖၣ်ဒ် အဝဲအတၢ်လိၣ်ဘၣ်အိၣ်ဝဲ အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:33

ဒီးယွၤစံးဘၣ်စီၤမိၤၡ့, “စံးဘၣ်ပှၤအံၣ်စရ့လးဖိတဖၣ် လၢလါနွံလါတလါထီၣ်စးထီၣ်လၢတဆံယဲၢ်နံၤတနံၤ ဒီးလၢနွံနံၤအတီၢ်ပူၤန့ၣ်မ့ၢ်ဘူၣ်ဒဲလၢယွၤအဂီၢ်လီၤ.

လံာ်တၢ်ဂံၢ် 29:39

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်လၢအဘၣ်ဃးဒီးတၢ်လုၢ်မ့ၣ်အူ တဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်စပံးထံတဖၣ်ဒီးတၢ်လုၢ်မၤ ဃူမၤဖိးတဖၣ်လၢသုကဘၣ်လုၢ်ထီၣ်အီၤဆူယွၤအအိၣ်ဖဲမူးဖးဒိၣ် တဖၣ်ဒ်တၢ်သ့ၣ်ဆၢဖးကတီၢ်အိၣ်ဝဲအသိးန့ၣ်လီၤ. တၢ်သ့ၣ်တဖၣ်အံၤမ့ၢ်တၢ်လုၢ်ပာ်ဖှိၣ်အါထီၣ်ဆူ, တၢ်လုၢ်မၤဘူၣ်တဖၣ်လၢသုဟံးထီၣ်အီၤဒ်တၢ်မၤလၢပှဲၤတၢ်ဆိၣ် တမံၤမ့ၢ်ဂ့ၤ, ဒ်သုတၢ်သးအိၣ်အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်ယိၤဟၣ် 7:2

ပှၤယူဒၤဖိအဘူၣ်ဒဲကဘၣ်ဘူးထီၣ်လံအဃိ,

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”