လံာ်စီၤဧ့စြၤ 3:13 - Sgaw Karen Common Bible

¹³ ပှၤနီၤဖးတၢ်သူၣ်ခုသးခုအတၢ်ကိးပသူထီၣ်ဒီးတၢ်ဟီၣ်တၢ်ယၢၤ အဆၢတသ့နီတဂၤဘၣ်. အဂ့ၢ်ဒ်အံၤ, တၢ်သီၣ်လၢအဝဲသ့ၣ်ဒုးအိၣ်ထီၣ်န့ၣ်သီၣ်ဒိၣ်ဝဲတုၤ ဒၣ်လဲာ်ဘၣ်တၢ်နၢ်ဟူအီၤလၢတၢ်ဖးယံၤဖးကွ့ၤသ့ဝဲန့ၣ်လီၤ.

လံာ်စီၤဧ့စြၤ 3:13 Iomraidhean Croise

လံာ်စီၤပၤအခီၣ်ထံးတဘ့ၣ် 1:40

အန့ၣ်ဝံၤဒီး, အဝဲသ့ၣ်ခဲလၢာ်ဟဲက့ၤပိာ်အခံ, ကိးထီၣ်လၢတၢ်သူၣ်ခုသးခုဒီးအူပံတဖၣ်တုၤဒၣ်လဲာ်ဟီၣ်ခိၣ် သထြူးဝဲလၢတၢ်သီၣ်တၢ်သဲအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:45

ဒီးစီၤစၤဒိးဒီးစီၤနၤသၣ်ဖှူအီၤဒ်စီၤပၤအသိးဖဲကံဃိၣ် အထံထီၣ်ပၢၢ်န့ၣ်လီၤ. အန့ၣ်ဝံၤအဝဲသ့ၣ်လဲၤဆူဝ့ၢ်ပူၤ, ကိးထီၣ်လၢတၢ်သးခုဒီး, ပှၤဂီၢ်မုၢ်သ့ၣ်တဖၣ်ခဲကနံၣ်အံၤ, သီၣ်တထူၣ်ဘးလီန့ၣ်လီၤ. တၢ်အသီၣ်န့ၣ်, မ့ၢ်တၢ်လၢနနၢ်ဟူတ့ၢ်န့ၣ်လီၤ.

လံာ်စီၤဧ့စြၤ 3:12

ပှၤလုၢ်တၢ်အခိၣ်လၢအသးပှၢ်အါဂၤ, ပှၤလ့ၤဝံဖိတဖၣ်, ဒီးပှၤအခိၣ်တဖၣ်လၢဒူၣ်ထၢတဖၣ်အပူၤလၢအထံၣ်ဘၣ်တ့ၢ်တၢ်လုၢ်ဟံၣ် အဂံၢ်ခိၣ်တဖျၢၣ်န့ၣ်, အဝဲသ့ၣ်ဟီၣ်တၢ်ယၢၤတၢ်ဖဲအဝဲသ့ၣ်ကွၢ်ဃီၤတၢ်လုၢ်ဟံၣ်အံၤအလၢၢ် သနၢၣ်ဘၣ်တၢ်ပာ်လီၤအီၤန့ၣ်လီၤ. မ့မ့ၢ်ပှၤအဂၤလၢအအိၣ်ဖဲန့ၣ်တဖၣ်ကိးပသူထီၣ်လၢတၢ်သူၣ်ခုသးခု အဃိန့ၣ်လီၤ.

လံာ်စီၤဧ့စြၤ 4:1

ယူဒၤဒီးဘံၣ်ယၤမံၣ်အပှၤဂီၢ်မုၢ်အဒုၣ်အဒါတဖၣ်နၢ်ဟူဝဲလၢပှၤ လၢအဟဲက့ၤကဒါက့ၤလၢတၢ်စိာ်မၢကဲကုၢ်တဖၣ်သူၣ်ထီၣ်ကဒါက့ၤ ယွၤ, ပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

စံးထီၣ်ပတြၢၤ 5:11

မ့မ့ၢ်ကယဲၢ်ပှၤလၢအအိၣ်တဒၢလၢနပူၤန့ၣ် မ်အသူၣ်ခုသးခု, သူၣ်ဖှံသးညီတက့ၢ်. မ်အသူၣ်ဝံၣ်သးဆၢတၢ်လၢတၢ်သးခုအပူၤ တဘိယူၢ်ဃီတက့ၢ်. ပှၤလၢအအဲၣ်နမံၤန့ၣ်ကဟုကယာ်အီၤ, ဒ်သိးကသူၣ်ဖှံသးညီလၢနပူၤန့ၣ်တက့ၢ်.

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:4

ယွၤစံးဝဲဒၣ်, “ဖဲတၢ်ဆၢကတီၢ်န့ၣ်ဟဲလံဒီး, ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်တဖၣ်ကဟဲဃုယၤ, အဝဲသ့ၣ်အကစၢ်ယွၤ, အိၣ်ဒီးမဲာ်ထံမဲာ်နိန့ၣ်လီၤ.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်ပှၤစံၣ်ညီၣ်ကွီၢ် 2:5

ဒီးတၢ်လီၢ်န့ၣ်ဘၣ်တၢ်ကိးအီၤလၢဘိးကံၣ်န့ၣ်လီၤ. ဒီးအဝဲသ့ၣ်လုၢ်ထီၣ်တၢ်ဆူယွၤအအိၣ်ဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:5

ဒီးတုၤယွၤအတၢ်အၢၣ်လီၤအီလီၤအတလါစီဆှံဟဲတုၤဝဲန့ၣ်ပှၤ အံၣ်စရ့လးဖိတဖၣ်ကိးထီၣ်လၢတၢ်သးခုဖးဒိၣ်အကလုၢ်တုၤဟီၣ် ခိၣ်သတြုးထီၣ်ဝဲလီၤ.