လံာ်စီၤဧ့စြၤ 3:12 - Sgaw Karen Common Bible

¹² ပှၤလုၢ်တၢ်အခိၣ်လၢအသးပှၢ်အါဂၤ, ပှၤလ့ၤဝံဖိတဖၣ်, ဒီးပှၤအခိၣ်တဖၣ်လၢဒူၣ်ထၢတဖၣ်အပူၤလၢအထံၣ်ဘၣ်တ့ၢ်တၢ်လုၢ်ဟံၣ် အဂံၢ်ခိၣ်တဖျၢၣ်န့ၣ်, အဝဲသ့ၣ်ဟီၣ်တၢ်ယၢၤတၢ်ဖဲအဝဲသ့ၣ်ကွၢ်ဃီၤတၢ်လုၢ်ဟံၣ်အံၤအလၢၢ် သနၢၣ်ဘၣ်တၢ်ပာ်လီၤအီၤန့ၣ်လီၤ. မ့မ့ၢ်ပှၤအဂၤလၢအအိၣ်ဖဲန့ၣ်တဖၣ်ကိးပသူထီၣ်လၢတၢ်သူၣ်ခုသးခု အဃိန့ၣ်လီၤ.

လံာ်စီၤဧ့စြၤ 3:12 Iomraidhean Croise

လံာ်စီၤဧ့စြၤ 3:13

ပှၤနီၤဖးတၢ်သူၣ်ခုသးခုအတၢ်ကိးပသူထီၣ်ဒီးတၢ်ဟီၣ်တၢ်ယၢၤ အဆၢတသ့နီတဂၤဘၣ်. အဂ့ၢ်ဒ်အံၤ, တၢ်သီၣ်လၢအဝဲသ့ၣ်ဒုးအိၣ်ထီၣ်န့ၣ်သီၣ်ဒိၣ်ဝဲတုၤ ဒၣ်လဲာ်ဘၣ်တၢ်နၢ်ဟူအီၤလၢတၢ်ဖးယံၤဖးကွ့ၤသ့ဝဲန့ၣ်လီၤ.

လံာ်စီၤယိၤဘး 8:7

တၢ်ထူးတၢ်တီၤခဲလၢာ်လၢအလီၤမၢ်ကွံာ်ဒီးနၤတဖၣ်န့ၣ်တမ့ၢ် လၢၤတၢ်နီတမံၤဘၣ်, ဖဲနထိၣ်သတြီၤအီၤဒီးတၢ်လၢကစၢ် ယွၤကဟ့ၣ်နၤလၢခံန့ၣ်လီၤ.

စံးထီၣ်ပတြၢၤ 126:6

ပှၤလၢအလဲၤတၢ်အိၣ်ဒီးအမဲာ်ထံလီၤ, စိာ်တၢ်ချံလၢကဖှံလီၤတၢ်အဂီၢ်န့ၣ်, ကဟဲက့ၤဆူဟံၣ်လၢတၢ်သးခုအတၢ်ကိးထီၣ် စိာ်ဃုာ်ဒီးအဘုကဒိၣ်တဖၣ်န့ၣ်လီၤ.

စံးထီၣ်ပတြၢၤ 147:1

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, တၢ်သးဝံၣ်စံးထီၣ်ပတြၢၤ ပကစၢ်ယွၤန့ၣ်မ့ၢ်တၢ်ဂ့ၤလီၤ. တၢ်စံးထီၣ်ပတြၢၤအီၤန့ၣ် မ့ၢ်တၢ်မုာ်သူၣ်မုာ်သးဒီး တၢ်ကြၢးဝဲဘၣ်ဝဲလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယံးရမံယၤ 50:4

ယွၤစံးဝဲဒၣ်, “ဖဲတၢ်ဆၢကတီၢ်န့ၣ်ဟဲလံဒီး, ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်တဖၣ်ကဟဲဃုယၤ, အဝဲသ့ၣ်အကစၢ်ယွၤ, အိၣ်ဒီးမဲာ်ထံမဲာ်နိန့ၣ်လီၤ.

လံာ်ဃးကဲ 2:3

“မ့ၢ်ပှၤအိၣ်လၢသုကျါတဂၤဂၤလၢအသ့ၣ်နီၣ် ထီၣ်ဒံးတၢ်လုၢ်ဟံၣ်န့ၣ်အတၢ်ဃံဒိၣ်လၤဒိၣ်အိၣ်ဒ်လဲၣ်န့ၣ်ဧါ. ခဲအံၤသုကွၢ်အီၤမၤသးဒ်လဲၣ်. ကအိၣ်ဖျါဒ်တမ့ၢ်ဘၣ်တၢ်နီ တမံၤအသိးန့ၣ်လီၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”