လံာ်စီၤဧ့စြၤ 3:11 - Sgaw Karen Common Bible

¹¹ အဝဲသ့ၣ်သးဝံၣ်စံးထီၣ်ပတြၢၤယွၤဒီးသးဝံၣ်ကဒါက့ၤတၢ်သး ဝံၣ်အကူာ်လၢအမ့ၢ်ဝဲ, “ယွၤန့ၣ်ဂ့ၤဝဲ, ဒီးအတၢ်အဲၣ်လၢအံၣ်စရ့လးအဂီၢ်မ့ၢ်တၢ်လီၤ ထူလီၤယိာ်လီၤ.” ပှၤကိးဂၤဒဲးကိးသတြီထီၣ်လၢအဂံၢ်အဘါခဲလၢာ်, စံးထီၣ်ပတြၢၤယွၤ, မ့ၢ်လၢတၢ်ပာ်လီၤတၢ်လုၢ်ဟံၣ်ခီၣ်ထံးအတၢ် မၤဘၣ်တၢ်စးထီၣ်လံအီၤအဃိန့ၣ်လီၤ.

လံာ်စီၤဧ့စြၤ 3:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:34

ဟ့ၣ်ယွၤလၢတၢ်စံးဘျုးစံးဖှိၣ်တက့ၢ်. အဂ့ၢ်ဒ်အံၤယွၤန့ၣ်ဂ့ၤဝဲ ဒီးအတၢ်အဲၣ်အိၣ်ဝဲလီၤထူလီၤယိာ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:41

ဖဲန့ၣ်စီၤဟ့မၣ်ဒီးစီၤယဒူသူၣ်ဒီးပှၤအဂၤတဖၣ်လၢအဘၣ်တၢ်ဃု ထၢလီၤဆီအီၤလၢကသးဝံၣ်တၢ်စံးထီၣ်ပတြၢၤယွၤလၢအတၢ်အဲၣ် လီၤထူလီၤယိာ်အဃိန့ၣ်, အိၣ်ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:3

တုၤအံၣ်စရ့လးအပှၤဂီၢ်မုၢ်ထံၣ်တ့ၢ်မ့ၣ်အူဟဲလီၤလၢမူခိၣ် ဒီးတၢ်ကပီၤမၤပှဲၤယွၤအတၢ်လုၢ်ဟံၣ်န့ၣ်ဒီး, အဝဲသ့ၣ်ထိၣ်တွံၤလီၤအသးလၢအမဲာ်ညါ, ဒါလီၤအမဲာ်သၣ်တဖၣ်လၢ တၢ်ဒါလၢၢ်အဖီခိၣ်, ဘူၣ်ထီၣ်ဘါထီၣ်ကစၢ်ယွၤ, ဒီးစံးထီၣ်ပတြၢၤအီၤလၢအဝဲအတၢ် ဂ့ၤတၢ်ဝါဒီးအတၢ်အဲၣ်လီၤထူလီၤယိာ်အဃိန့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 12:40

လၢတၢ်န့ၣ်အဃိပှၤခံဖုလၢာ်လၢအစံးဘျုးစံးဖှိၣ်ကစၢ်ယွၤလဲၤ ဝဲတုၤလၢတၢ်လုၢ်ဟံၣ်အလီၢ်ကဝီၤန့ၣ်လီၤ. ပာ်ဖှိၣ်ဃုာ်ဒီးခိၣ်နၢ်လၢအအိၣ်ဒီးယၤန့ၣ်

စံးထီၣ်ပတြၢၤ 100:5

အဂ့ၢ်ဒ်အံၤ, ယွၤန့ၣ်ဂ့ၤဝဲ, အတၢ်အဲၣ်ဂၢၢ်ကျၢၤအိၣ်ဝဲလီၤထူလီၤယိာ် ဒီးအကလုၢ်တီဝဲအစိၤစိၤအဃၣ်ဃၣ်လီၤ.

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 106:1

စံးထီၣ်ပတြၢၤယွၤတက့ၢ်. စံးဘျုးယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 107:1

“အိ, ဟ့ၣ်တၢ်စံးဘျုးစံးဖှိၣ်ဆူယွၤတက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 118:1

အိ, ဟ့ၣ်ထီၣ်တၢ်စံးဘျုးစံးဖှိၣ်တဖၣ်ဆူ ယွၤအအိၣ်န့ၣ်တက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်အိၣ်ဂၢၢ်ဆိးကျၢၤ လီၤထူလီၤယိာ်လီၤ.

စံးထီၣ်ပတြၢၤ 131:1

ယွၤဧၢ, ယညိကွံာ်ယတၢ်ပာ်ထီၣ်ထီသးဒီး ဃၣ်ကွံာ်ယသးလၢ တၢ်ပာ်ကဖၢလၢယသးန့ၣ်လံ. ယတသးအိၣ်တၢ်ဂ့ၢ်အဒိၣ်အမုၢ်တဖၣ် မ့တမ့ၢ် တၢ်ဂ့ၢ်တၢ်ကျိၤတဖၣ်လၢ အကီ ကဲာ်ဆိးလၢယဂီၢ်န့ၣ်ဘၣ်.

စံးထီၣ်ပတြၢၤ 135:3

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. သးဝံၣ်ထီၣ်အမံၤတက့ၢ်. အဂ့ၢ်ဒ်အံၤ, အဝဲဒၣ်န့ၣ် သူၣ်ကညီၤသးကညီၤတၢ်န့ၣ်လီၤ.

စံးထီၣ်ပတြၢၤ 47:1

ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 47:5

ကစၢ်ယွၤက့ၤထီၣ်ဆူအလီၢ်ပစိာ်လီၤ. တၢ်သူၣ်ဖှံသးညီအတၢ်ကိးထီၣ်တဖၣ် ဒီးကွဲၤတဖၣ်သီၣ်ထီၣ်ဝဲ ဖဲယွၤက့ၤထီၣ်ဆူထးန့ၣ်လီၤ.

လံာ်တၢ်ဟးထီၣ်ကွံာ် 15:21

နီၢ်မံးရယၣ်သးဝံၣ်ထီၣ်တၢ်လၢအဝဲသ့ၣ်အဂီၢ်, “သးဝံၣ်ထီၣ်ယွၤတက့ၢ်. အဂ့ၢ်ဒ်အံၤ, အဝဲမၤနၢၤတ့ၢ်လံ တၢ်မၤနၢၤလီၤကဟုကညီၢ်တမံၤလီၤ. အဝဲကွံာ်လီၤကသ့ၣ်တဖၣ်ဒီးပှၤဒိးအီၤတဖၣ်ဆူ ပီၣ်လဲၣ်အပူၤလီၤ.”

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 6:3

အဝဲသ့ၣ်ကိးထီၣ်ဝဲတဂၤဆူတဂၤအအိၣ်, “စီဆှံ, စီဆှံ, စီဆှံ, ယွၤသ့တၢ်လၢာ်ကစၢ်အံၤစီဆှံဝဲလီၤ. အလၤကပီၤပှဲၤလၢဟီၣ်ခိၣ်ဒီဘ့ၣ်ညါလီၤ.”

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဃးကဲ 2:3

“မ့ၢ်ပှၤအိၣ်လၢသုကျါတဂၤဂၤလၢအသ့ၣ်နီၣ် ထီၣ်ဒံးတၢ်လုၢ်ဟံၣ်န့ၣ်အတၢ်ဃံဒိၣ်လၤဒိၣ်အိၣ်ဒ်လဲၣ်န့ၣ်ဧါ. ခဲအံၤသုကွၢ်အီၤမၤသးဒ်လဲၣ်. ကအိၣ်ဖျါဒ်တမ့ၢ်ဘၣ်တၢ်နီ တမံၤအသိးန့ၣ်လီၤ.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.

လံာ်စီၤယိၤၡူ 6:10

ဘၣ်ဆၣ်ဒီး, စီၤယိၤၡူမၤလိာ်အပှၤဂီၢ်မုၢ်, “မ့တမ့ၢ်လၢယ ခါလီၤယကလုၢ်ဘၣ်ဒီး, သုတဘၣ်ကိးပသူထီၣ်ဒီးမၤသီၣ်မၤသဲတၢ်ဘၣ်, သုတဘၣ်ကတိၤတၢ်နီတဘီဘၣ်. တုၤယခါလီၤယကလုၢ်ဒီးသုကဘၣ်ကိးပသူထီၣ်လီၤ.”

လံာ်စီၤယိၤၡူ 6:16

ဖဲလဲၤတရံးဝ့ၢ်နွံဝီန့ၣ်, ပှၤလုၢ်တၢ်အခိၣ်တဖၣ်အူထီၣ်အကွဲၤဒီး, စီၤယိၤၡူစံးဘၣ်ပှၤဂီၢ်မုၢ်, “ကိးပသူထီၣ်တက့ၢ်. ယွၤဟ့ၣ်လီၤသုဝ့ၢ်အံၤလံ.

လံာ်စီၤယိၤၡူ 6:5

ဝံၤဒီးအဝဲသ့ၣ်ကအူထီၣ်ဖးထီကွဲၤန့ၣ်လီၤ. တဘျီဃီဖဲသုနၢ်ဟူတၢ်အံၤန့ၣ်, ပှၤပိာ်ခွါခဲလၢာ်ကကိးပသူ ထီၣ်လၢအကလုၢ်ဖးဒိၣ်, အန့ၣ်ဒီးဝ့ၢ်အခိၣ်ဒူတဖၣ်ကလီၤပှီၢ်ကွံာ်ဝဲန့ၣ်လီၤ. ဝံၤဒီး, သုးမုၢ်သံၣ်ဘိဒီဖုကလဲၤနုာ်လီၤဝဲလိၤလိၤဆူဝ့ၢ်ပူၤန့ၣ် လီၤ.”