လံာ်စီၤဧ့စြၤ 3:10 - Sgaw Karen Common Bible

¹⁰ တုၤပှၤတဖၣ်န့ၣ်စးထီၣ်ပာ်လီၤတၢ်လုၢ်ဟံၣ်အလၢၢ်သနၢၣ်ဒီးပှၤလုၢ် တၢ်အခိၣ်လၢအအိၣ်ဒီးအဆ့ကၤဒိၣ်တဖၣ်ဟံးန့ၢ်အလီၢ်အိၣ်ဒီးကွဲၤ တဖၣ်လၢအစုပူၤ, ဒီးပှၤလ့ၤဝံဖိတဖၣ်လၢစီၤအၤစာ်အဒူၣ်အထၢတဖၣ်ဆၢထၢၣ်ဖဲန့ၣ် အိၣ်ဒီးအစှၢၣ်စှံးတဖၣ်န့ၣ်လီၤ. အဝဲသ့ၣ်စံးထီၣ်ပတြၢၤယွၤဒ်တၢ်မၤလိာ်လၢအဘၣ်တၢ်ဟ့ၣ်လီၤတ့ၢ် အီၤလၢစီၤပၤစီၤဒၤဝံးအစိၤအသိးန့ၣ်လီၤ.

လံာ်စီၤဧ့စြၤ 3:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:24

ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤၡဘၤနယၤ, စီၤယဟိၡၤဖး, စီၤနၤသန့လး, စီၤဧမၤစဲ, စီၤစကၤရယါ, စီၤဘနါယၤဒီးစီၤ အလၤဧစၢ်တဖၣ်ဘၣ်တၢ်ဃုထၢအီၤလၢကအူကွဲၤတဖၣ်လၢတၢ်အၢၣ်လီၤအီ လီၤအတလါအမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:27

စီၤဒၤဝံးသိးဆ့ကၤဖးထီတဘ့ၣ်လၢတၢ်ဆးအီၤလၢဖှီဝါကဆှၣ် အဂ့ၤကတၢၢ်, ဒီးပှၤသးဝံၣ်တၢ်ဖိတဖၣ်, ဒီးအဝဲသ့ၣ်အပှၤအခိၣ်စီၤကနၤနယၤဒီးပှၤလ့ၤဝံဖိတဖၣ်လၢအစိာ် တလါစီဆှံသိးစ့ၢ်ကီးဆ့ဒ်န့ၣ်တဖၣ်လီၤ. စီၤဒၤဝံးသိးစ့ၢ်ကီးဝဲအ့ဖိးဖှီဝါကဆှၣ်တဘ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:37

စီၤပၤဒၤဝံးပာ်စီၤအၤစာ်ဒီးပှၤလ့ၤဝံဖိကဒဲကဒဲတဖၣ်ဒ်ပှၤ အခိၣ်အဂၢၢ်အကျၢၤအသိးလၢတၢ်ဘူၣ်ထီၣ်ဘါထီၣ်ယွၤလၢအဘၣ်တၢ်မၤ အီၤဖဲတၢ်အၢၣ်လီၤအီလီၤအတလါစီဆှံဘၣ်တၢ်ပာ်အီၤအလီၢ်န့ၣ်လီၤ. အဝဲသ့ၣ်ဘၣ်မၤအမူအဒါတဖၣ်ဖဲန့ၣ်တနံၤဘၣ်တနံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:42

စီၤဟ့မၣ်ဒီးစီၤယဒူသူၣ်မ့ၢ်စ့ၢ်ကီးပှၤအခိၣ်တဖၣ်လၢကွဲၤတ ဖၣ်, စှၢၢ်စှံးတဖၣ်, ဒီးတၢ်ဒ့တၢ်အူအပီးအလီအဂၤအဂီၢ်လၢအဘၣ်တၢ် ဒ့အီၤဖဲတၢ်သးဝံၣ်စံးထီၣ်ပတြၢၤဘၣ်တၢ်သးဝံၣ်အီၤအခါန့ၣ်လီၤ. စီၤယဒူသူၣ်အဒူၣ်ထၢဖိတဖၣ်န့ၣ်မ့ၢ်ပှၤအခိၣ်လၢတၢ်ပၢၤတြဲၤ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:25

တဆံဃိးဖုတဖုစီၤဃနၤနံ, အကရူၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 35:14

တုၤတၢ်အံၤမၤအသးဝံၤန့ၣ်, ပှၤလ့ၤဝံဖိတဖၣ်ကတဲာ်ကတီၤတၢ်ညၣ် လၢအဝဲသ့ၣ်အကစၢ်ဒၣ်ဝဲအဂီၢ်ဒီးလၢပှၤလုၢ်တၢ်အခိၣ်တဖၣ်လၢအဟဲ လီၤစၢၤလီၤသွဲၣ်လၢစီၤအၤဟရိၣ်အဂီၢ်, မ့ၢ်လၢပှၤလုၢ်တၢ်အခိၣ်တဖၣ်အတၢ်မၤအါဝဲလၢတၢ်ဆူးကဲၤထီၣ်ဆၣ် ဖိကီၢ်ဖိတဖၣ်လၢအဘၣ်တၢ်ဆူးကဲၤအီၤဒီတဒုဒီးတၢ်လုၢ်တၢ်ပာ် တဖၣ်အသိတုၤလၢမုၢ်နၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:15

ပှၤဒ့တၢ်အူတၢ်ဖိဒီးပှၤသူၣ်ဝံၣ်သးဆၢတၢ်ဖိတဖၣ်လၢလ့ၤဝံ အဒူၣ်ထၢလၢအဟဲလီၤစၢၤလၢစီၤအၤစာ်န့ၣ်, ဘၣ်အိၣ်ဖဲတၢ်လီၢ်တဖၣ်လၢစီၤပၤဒၤဝံးအတၢ်သိၣ်လိနဲၣ်ယုၤပာ် လီၤန့ၢ်အီၤန့ၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲ, စီၤအၤစာ်, စီၤဟ့မၣ်ဒီးစီၤပၤအဝံစီၤယဒူသူၣ်န့ၣ်လီၤ. ပှၤခိးယွၤအတၢ်လုၢ်ဟံၣ်အတြဲၤတဖၣ်အလီၢ် တအိၣ်ဘၣ်လၢကဘၣ်သုးအသးလၢအမူအဒါအလီၢ်တဖၣ်ဘၣ်. မ့ၢ်လၢပှၤလ့ၤဝံဖိအဂၤတဖၣ်ကတဲာ်ကတီၤဘူၣ်လဲၤကပာ်လၢအဂီၢ် အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:12

ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.

လံာ်စီၤဧ့စြၤ 2:41

တၢ်လုၢ်ဟံၣ်အပှၤသးဝံၣ်တၢ်ဖိတဖၣ် (စီၤအၤစာ်အစၢၤအသွဲၣ်တဖၣ်), တကယၤခံဆံဃိး ဂၤ,

လံာ်စီၤဧ့စြၤ 5:16

လၢတၢ်န့ၣ်အဃိ, စီၤၡ့ၡဘးစၢ်ဟဲဒီးပာ်လီၤတၢ်လုၢ်ဟံၣ်အခီၣ် ထံးန့ၣ်လီၤ. တၢ်သူၣ်ထီၣ်ဘှီထီၣ်စးထီၣ်အသးဖဲန့ၣ်တုၤခဲ ကနံၣ်အံၤ, ဘၣ်ဆၣ်တၢ်လုၢ်ဟံၣ်န့ၣ်တဝံၤဒံးဘၣ်.

စံးထီၣ်ပတြၢၤ 150:5

စံးထီၣ်ပတြၢၤအီၤလၢစှၢၢ်စှံးအသီၣ်ထီၣ်မုာ်တက့ၢ်. စံးထီၣ်ပတြၢၤအီၤလၢစှၢၢ်စှံးလၢ အသီၣ်ဒိၣ်န့ၣ်တက့ၢ်.

လံာ်ဃးကဲ 2:15

ယွၤစံးဝဲ, “တၢ်မနုၤမၤတ့ၢ်အသးဒီးသုလဲၣ်န့ၣ်, သုထံၣ်တသ့ဘၣ်ဧါ. တချုးလၢသုစးထီၣ်ဘှီကဒါက့ၤတၢ်လုၢ်ဟံၣ်ဒံးဘၣ်န့ၣ်,

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်စီၤၡမူၤအ့လးအခီၣ်ထံးတဘ့ၣ် 22:18

မၤသးဒ်န့ၣ်ဒီး, စီၤစီလူးစံးဘၣ်စီၤဒိအ့း, “မၤသံကွံာ်အဝဲသ့ၣ်တဖၣ်, နဲဒၣ်တက့ၢ်.” ဒီးစီၤဒိအ့းမၤသံကွံာ်အဝဲသ့ၣ်ခဲလၢာ်လီၤ. လၢမုၢ်နံၤအဝဲန့ၣ်အပူၤ, အဝဲမၤသံကွံာ်ပှၤလုၢ်တၢ်အခိၣ်တဖၣ်လၢအထီၣ်ဘးဝဲလၢ ကသိးအ့ဖိးတဖၣ်န့ၣ်ခဲလၢာ်ဃိးဆံယဲၢ်ဂၤန့ၣ်လီၤ.