လံာ်စီၤဧ့စြၤ 3:1 - Sgaw Karen Common Bible

¹ တုၤလီၤလၢလါနွံလါတလါန့ၣ်, ကီၢ်အံၣ်စရ့လးအပှၤဂီၢ်မုၢ်ဆီ လီၤအတၢ်အိၣ်တၢ်ဆိးလၢအဝ့ၢ်ဒၣ်ဝဲတဖၣ်အပူၤဝံၤခဲလၢာ်လံ. အန့ၣ်ဒီးအိၣ်ဖှိၣ်ရိဖှိၣ်လၢဝ့ၢ်ယရူၤၡလ့ၣ်အပူၤ,

လံာ်စီၤဧ့စြၤ 3:1 Iomraidhean Croise

လံာ်စီၤနဃ့မယၤ 7:72

တၢ်လၢပှၤဂီၢ်မုၢ်အဂၤဟ့ၣ်ဝဲန့ၣ်မ့ၢ်, ထူလီၤတယၢၢ်ဒးရံးခံကလး, စ့လီၤတယၢၢ်အမၤနၤခံကထိဒီးပှၤလုၢ်တၢ်အခိၣ်အဆ့ကၤဖးထီဃုဆံနွံဘ့ၣ် န့ၣ်လီၤ.

လံာ်စီၤနဃ့မယၤ 7:73

ဒီးပှၤလုၢ်တၢ်အခိၣ်, ပှၤလ့ၤဝံဖိ, ပှၤပၢၤပဲတရီဖိ, ပှၤသးဝံၣ်တၢ်ဖိ, ပှၤပတီၢ်မုၢ်ဖိ, ပှၤမၤတၢ်လၢတၢ်လုၢ်ဟံၣ်, ဒီးကယဲၢ်ပှၤအံၣ်စရ့လးဖိခဲလၢာ်သူၣ်လီၤဆီလီၤအတၢ်အိၣ်တၢ် ဆိးအလီၢ်လၢဝ့ၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်စီၤနဃ့မယၤ 8:14

အဝဲသ့ၣ်ထံၣ်သ့ၣ်ညါဝဲလၢယူဒၤအတၢ်သိၣ်တၢ်သီလၢ ယွၤဟ့ၣ်လီၤခီဖျိစီၤမိၤၡ့န့ၣ်မၤလိာ်အံၣ်စရ့လးအပှၤဂီၢ်မုၢ်လၢ ကအိၣ်ဝဲဆိးဝဲလၢဒဲတစိၢ်တလီၢ်တဖၣ်အပူၤဖဲဘူၣ်ဒဲအဆၢ ကတီၢ်အပူၤအတ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:29

တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်စဖါနယၤ 3:9

အန့ၣ်တစု, ယကလဲလိာ်ကွံာ်ပှၤကလုာ်တဖၣ်အပှၤဂီၢ်မုၢ်, ဒီးအဝဲသ့ၣ်ကဃ့ထီၣ်တၢ်ထဲဆူယၤတဂၤလီၤ. ဒီးဆူကစၢ်အဂၤတဖၣ်အအိၣ်န့ၣ်တဃ့လၢၤတၢ်ဘၣ်န့ၣ်လီၤ. အဝဲသ့ၣ်ခဲလၢာ်ကစူၢ်ယၤလီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.