လံာ်စီၤဧ့စြၤ 2:68 - Sgaw Karen Common Bible

⁶⁸ တုၤပှၤဘၣ်တၢ်စိာ်မၢကဲကုၢ်တဖၣ်အံၤဟဲက့ၤတုၤဆူယွၤအတၢ်လုၢ် ဟံၣ်လၢဝ့ၢ်ယရူၤၡလ့ၣ်န့ၣ်, ပှၤအခိၣ်တနီၤလၢဒူၣ်ထၢတဖၣ်အကျါဟ့ၣ်တၢ်သးအိၣ်အတၢ်မၤဘူၣ်လၢ တၢ်ကသူၣ်ထီၣ်ကဒါက့ၤတၢ်လုၢ်ဟံၣ်လၢအလီၢ်, လီၢ်လံၤန့ၣ်လီၤ.

လံာ်စီၤဧ့စြၤ 2:68 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 21:18

ယွၤအကလူးန့ၣ်တဲဘၣ်စီၤကးလၢကမၤလိာ်စီၤဒၤဝံးဒ်သိးကလဲၤ ဒီးသူၣ်ထီၣ်တၢ်လုၢ်လီၢ်တခါလၢယွၤအဂီၢ်ဖဲစီၤအၤရနၤအကြဲၢ် ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:1

လၢတၢ်န့ၣ်အဃိစီၤဒၤဝံးစံးဝဲ, “တၢ်အံၤမ့ၢ်တၢ်လီၢ်ဖဲယွၤ, ကစၢ်ယွၤအတၢ်လုၢ်ဟံၣ်ကအိၣ်ဝဲန့ၣ်လီၤ. အအံၤမ့ၢ်တၢ်လုၢ်လီၢ်ဖဲအံၣ်စရ့လးအပှၤဂီၢ်မုၢ်ကဆူး ကဲၤထီၣ်တၢ်လုၢ်မ့ၣ်အူတဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

လံာ်စီၤဧ့စြၤ 2:67

ကီၤလၤအူး, လွံၢ်ကယၤသၢဆံယဲၢ် ဒု, ကသ့ၣ်ယီၤ, ဃုကထိနွံကယၤခံဆံ ဒု,

လံာ်စီၤဧ့စြၤ 2:69

အဝဲသ့ၣ်ဟ့ၣ်တၢ်ဒ်အဟ့ၣ်ဝဲန့ၢ်အသိးလၢတၢ်မၤအံၤအဂီၢ်, တုၤတၢ်ပာ်ဖှိၣ်ခဲလၢာ်အိၣ်ဝဲ, ပှၤပၤရၣ်ဖိအထူကဘျၣ်ဃုကလး တကထိဘ့ၣ်, စ့အတၢ်ဃီၣ်ယဲၢ်ကထိမၤနၤဒီးပှၤလုၢ်တၢ်အခိၣ်အဆ့ကၤဒိၣ်အဘ့ၣ် တကယၤန့ၣ်လီၤ.

လံာ်စီၤဧ့စြၤ 3:3

ပှၤဘၣ်တၢ်စိာ်မၢကဲကုၢ်လၢအဟဲက့ၤကဒါက့ၤတဖၣ်မ့ၢ်ပျံၤဘၣ်ပှၤ ဂီၢ်မုၢ်လၢအအိၣ်ဆိးဝဲဖဲကီၢ်ပူၤဒၣ်လဲာ်, အဝဲသ့ၣ်ဘှီထီၣ်ကဒါက့ၤတၢ်လုၢ်လီၢ်ဖဲအအိၣ်ပာ်စၢၤတ့ၢ်အလီၢ် လၢညါလီၤ. အန့ၣ်ဝံၤဒီးလၢတၢ်လုၢ်လီၢ်န့ၣ်အဖီခိၣ်အဝဲသ့ၣ်စးထီၣ်ဆိၣ် ကဲၤကဒါက့ၤတၢ်လုၢ်တၢ်ပာ်တဖၣ်လၢဂီၤဒီးဟါဒ်အညီနုၢ်အသိးန့ၣ်လီၤ.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်တၢ်ဟးထီၣ်ကွံာ် 36:3

အဝဲသ့ၣ်ဒိးန့ၢ်ကယဲၢ်တၢ်လုၢ်မၤဘူၣ်လၢပှၤအံၣ်စရ့လးဖိတဖၣ် ဟဲစိာ်ဝဲခဲလၢာ်လၢတၢ်သူၣ်ထီၣ်ဒဲစီဆှံအဂီၢ်လၢစီၤမိၤၡ့အစုပူၤလီၤ. ဘၣ်ဆၣ်ဒီးကီၢ်အံၣ်စရ့လးအပှၤဂီၢ်မုၢ်ဟဲစိာ်ဒံးအတၢ်လုၢ်မၤဘူၣ်တဖၣ်ဆူ စီၤမိၤၡ့အအိၣ်ကိးမုၢ်ဂီၤဒဲးလီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

၂ ကရံၣ်သူး 8:3

ယစံးဘၣ်သုနီၢ်ကတုၤသ့ဝဲ, လၢအဝဲသ့ၣ်ဟ့ၣ်တၢ်ဖဲ အဟ့ၣ်ဝဲသ့, ဒီးအါန့ၢ်အဟ့ၣ်ဝဲသ့တက့ၢ်လီၤ. လၢအတၢ်သး ဆူၣ်ဒၣ်ဝဲအပူၤန့ၣ်

၂ ကရံၣ်သူး 9:7

လၢတၢ်န့ၣ်အဃိ, ပှၤတဂၤဘၣ်တဂၤကြၢးဟ့ၣ်တၢ်ဒ် အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ်လၢတၢ်သ့ၣ်ညါအမူအဒါအဃိဘၣ်န့ၣ်လီၤ. အဂ့ၢ်ဒ်အံၤ, ယွၤအဲၣ်ပှၤတဂၤလၢအဟ့ၣ်တၢ်လၢတၢ်သးခု အပူၤန့ၣ်လီၤ.