လံာ်စီၤဧ့စြၤ 2:63 - Sgaw Karen Common Bible

⁶³ ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်စီၤဧ့စြၤ 2:63 Iomraidhean Croise

လံာ်စီၤဧ့စြၤ 2:64

ပှၤဘၣ်တၢ်စိာ်မၢကဲကုၢ်လၢအဟဲက့ၤကဒါက့ၤအနီၣ်ဂံၢ်ပာ်ဖှိၣ် ခဲလၢာ်မ့ၢ်ဝဲ - လွံၢ်ကလးခံကထိသၢကယၤဃုဆံ ဂၤန့ၣ်လီၤ.

လံာ်စီၤနဃ့မယၤ 10:1

ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.

လံာ်စီၤနဃ့မယၤ 10:2

ပှၤလုၢ်တၢ်အခိၣ်တဖၣ်လၢအမ့ၢ်, စီၤစရါယၤ, စီၤဧစၤရယၤ, စီၤယံးရမံယၤ,

လံာ်စီၤနဃ့မယၤ 7:65

ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.

လံာ်စီၤနဃ့မယၤ 8:9

တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.

လံာ်တၢ်ဟးထီၣ်ကွံာ် 28:30

ပာ်အူၣ်ရံၣ်ဒီးတူမံၣ်လၢသဃိးအပူၤဒ်သိးစီၤအၤဟရိၣ်ကစိာ် အီၤဖဲအဟဲနုာ်လီၤဆူယအိၣ်ယဆိးအလီၢ်စီဆှံအပူၤအဂီၢ်န့ၣ် လီၤ. လၢအကတီၢ်ဒ်န့ၣ်သိးတဖၣ်အပူၤန့ၣ်အဝဲကဘၣ်သိးထီၣ် ဃာ်သဃိးထီဘိဒ်သိးကသ့ၣ်ညါယတၢ်ဘၣ်သးလၢကီၢ် အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:10

ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:10

ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ. မ့မ့ၢ်ပှၤအဂၤလၢအမ့ၢ်ပှၤလၢအအိၣ်ဒီးပှၤလုၢ်တၢ်အခိၣ်တဂၤဂၤမ့ၢ်ဂ့ၤ, ပှၤဘၣ်တၢ်ဒိးလဲအီၤလၢပှၤလုၢ်တၢ်အခိၣ်မ့ၢ်ဂ့ၤတဘၣ်အီၣ်ဝဲဘၣ်.

လံာ်တၢ်ဘူၣ်ထီၣ်ဘါထီၣ် 22:13

မ့မ့ၢ်ပှၤလုၢ်တၢ်အခိၣ်အဖိမုၣ်မ့မ့ၢ်မုၣ်ကမဲမ့ၢ်ဂ့ၤ, မ့ၢ်လီၤဖှၣ်ဒီးအဝၤလၢအဖိတအိၣ်ဘၣ်နီတဂၤမ့ၢ်ဂ့ၤ, လၢအဟဲက့ၤအိၣ်လၢအပၢ်အဟံၣ်ဒီးသန့ၤသးလၢအီၤတဂၤန့ၣ် ကအီၣ်ဘၣ်တၢ်အီၣ်လၢအပၢ်ဒီးန့ၢ်ဘၣ်ဝဲဒ်ပှၤလုၢ်တၢ်အခိၣ်တဂၤ အသိးန့ၣ်လီၤ. ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:17

ယွၤဟ့ၣ်လီၤတၢ်အီၣ်အံၤဆူပှၤလုၢ်တၢ်အခိၣ်တဖၣ်အအိၣ်ဒ်တၢ်ဟ့ၣ် နီၤလီၤလၢအဂီၢ်အသိးန့ၣ်လီၤ. တၢ်အံၤစီဆှံဝဲဒ်တၢ်လုၢ်တၢ်ပျၢ်တၢ်ဒဲးဘးဒီးတၢ်ဟ့ၣ်ဆၢက့ၤ အတၢ်လုၢ်တၢ်ပျၢ်တၢ်ကမၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:29

ဒီးပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိအပူၤ န့ၣ်, ကအီၣ်ဘၣ်ဝဲတၢ်လုၢ်အံၤလီၤ. တၢ်အံၤမ့ၢ်တၢ်စီဆှံဒိၣ်မးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:16

ဘၣ်ဆၣ်ဒီးပှၤတဂၤမ့ၢ်ဟဲစိာ်အတၢ်လုၢ်မၤဃူမၤဖိးလၢအက မၤလၢပှဲၤအတၢ်အၢၣ်လီၤအီလီၤတမံၤမ့ၢ်ဂ့ၤ, လၢအသးအိၣ်မၤဒၣ်ဝဲအဃိမ့ၢ်ဂ့ၤန့ၣ်, တဘၣ်အီၣ်လၢာ်ဝဲလၢတၢ် လုၢ်ထီၣ်အီၤအနံၤန့ၣ်ဘၣ်. မ့မ့ၢ်တၢ်အိၣ်လီၤတဲာ်န့ၣ်, အီၣ်ကဒီးဝဲလၢမုၢ်ဆ့ၣ်ထီၣ်တနံၤသ့စ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:8

ဒီးပာ်သဃိးအိၣ်ဒီးအူရံၣ်ဒီးတူမံၣ်လၢအသးနါပှၢ်အလိၤန့ၣ်လီၤ.

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”

လံာ်တၢ်ဂံၢ် 18:32

ဖဲသုဟ့ၣ်ထီၣ်တၢ်နီၤဖးအဂ့ၤကတၢၢ်ဆူယွၤဝံၤတစုန့ၣ်တုၤသု အီၣ်တၢ်ဒီးတၢ်ကမၣ်တကဲထီၣ်လၢသုဂီၢ်ဘၣ်. ဘၣ်ဆၣ်ဒီးပလီၢ်သုသးလၢသုသုတမၤဘၣ်အၢတၢ်ဟ့ၣ်စီဆှံတဖၣ်လၢ ပှၤအံၣ်စရ့လးဖိတဖၣ်ဟ့ၣ်ဝဲခီဖျိတၢ်အီၣ်တၢ်ဟ့ၣ်တဖၣ်တမံၤ ဂ့ၤတမံၤဂ့ၤ, တချုးဖဲသုလုၢ်ထီၣ်ပာ်ထီၣ်ဘၣ်ဒံးတၢ်နီၤဖးအဂ့ၤ ကတၢၢ်န့ၣ်တဂ့ၤ. သုမ့ၢ်မၤဒီးသုကဘၣ်တၢ်မၤသံကွံာ်သုန့ၣ်လီၤ.”

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.