လံာ်စီၤဧ့စြၤ 2:2 - Sgaw Karen Common Bible

² အဝဲသ့ၣ်အခိၣ်အနၢ်တဖၣ်မ့ၢ်ဝဲစီၤစရူၤဘၤဘ့လး, စီၤယိၤရူ, စီၤနဃ့မယၤ, စီၤစရါယၤ, စီၤရ့လယၤ, စီၤမၢ်ဒကဲၤ, စီၤဘံးလၡၣ်, စီၤမံးစပၢ်, စီၤဘံးကဝဲၤ, စီၤရဃူၣ်ဒီးစီၤဘၤနါလီၤ. အအံၤမ့ၢ်ပှၤအံၣ်စရ့လးဖိအဒူၣ်အထၢအတၢ်ကွဲးနီၣ်ဃုာ်ဒီးအနီၣ်ဂံၢ် လၢဒူၣ်ထၢတဒူၣ်စုာ်စုာ်လၢအဟဲက့ၤကဒါက့ၤလၢတၢ်စိာ်မၢကဲကုၢ် န့ၣ်လီၤ.

လံာ်စီၤဧ့စြၤ 2:2 Iomraidhean Croise

လံာ်စီၤဧ့စြၤ 1:11

တၢ်အဃၢၤအဃိၢ်ခဲလၢာ်လၢထူဒီးစ့န့ၣ်မ့ၢ်ဝဲယဲၢ်ကထိလွံၢ် ကယၤဒီးတၢ်အဂုၤအဂၤလၢစီၤၡ့ၡဘးစၢ်ဟဲက့ၤစိာ်ဝဲဖဲအဝဲဒီး ပှၤဘၣ်တၢ်စိာ်မၢကဲကုၢ်အဂၤတဖၣ်ဟးထီၣ်လၢကီၢ်ဘၤဘူၤလိၣ်ဒီး ဟဲက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤဧ့စြၤ 1:8

အဝဲဟ့ၣ်က့ၤတၢ်သ့ၣ်တဖၣ်အံၤဆူစီၤပၤအပှၤပၢၤတၢ်လုၢ်ဒိၣ်ပှ့ၤဒိၣ် အခိၣ်စီၤမံးသြၤဒး, လၢအဂံၢ်ဒီးကွဲးနီၣ်တၢ်ဖိတၢ်လံၤအနီၣ်ဂံၢ်ဒီးကၢပှ့ၤကၢ ကလံၤလၢကီၢ်ယူဒၤအပဒိၣ်ဖးဒိၣ်စီၤၡ့ၡဘးစၢ်အဂီၢ်ဒ်လာ်အံၤလီၤ.

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 2:3

ပှၤပၤရိာ်ဖိ, ခံကထိတကယၤနွံဆံ ဂၤ, ပှၤၡဖးတယၤဖိ, သၢကယၤနွံဆံခံ ဂၤ,

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

လံာ်စီၤဧ့စြၤ 4:3

စီၤစရူၤဘၤဘ့လး, စီၤယိၤၡူဒီးဒူၣ်ထၢအခိၣ်တဖၣ်တဲဘၣ်အဝဲ သ့ၣ်, “ပတလိၣ်ဘၣ်သုတၢ်မၤစၢၤလၢတၢ်ဘှီထီၣ်တၢ်လုၢ်ဟံၣ်တ ဖျၢၣ်လၢယွၤ, ပကစၢ်ယွၤအဂီၢ်ဘၣ်. ပကဘှီထီၣ်ဒၣ်ပတၢ်ဒၣ်ဝဲဒ်ကီၢ်ပၤရၣ်အစီၤပၤစီၤကိရ့ၣ်မၤလိာ် တ့ၢ်ပှၤအသိးန့ၣ်လီၤ.”

လံာ်စီၤဧ့စြၤ 4:8

ဒ်န့ၣ်အသိးပဒိၣ်ဖးဒိၣ်စီၤရဃူၣ်ဒီးစီၤၡံးမၡဲလၢအမ့ၢ်ကီၢ်အပှၤကွဲးလံာ်, ကွဲးလံာ်ဒ်လာ်အံၤဆူစီၤပၤဖးဒိၣ်အၢ်တၤၡါၡဘၤအအိၣ်ဘၣ်ထွဲ ဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤဧ့စြၤ 5:2

တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

လံာ်စီၤဧ့စြၤ 8:1

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤခိၣ်ပှၤနၢ်တဖၣ်လၢဒူၣ်ထၢ တဖၣ်အပူၤ, ပှၤအိၣ်လၢကီၢ်ဘၤဘူၤလိၣ်အတၢ်မၢကဲကုၢ်အပူၤဒီးပှၤ တဖၣ်လၢအဟဲက့ၤကဒါက့ၤဃုာ်ဒီးစီၤဧ့စြၤဆူဝ့ၢ်ယရူၤၡလ့ၣ်ဖဲစီၤ အၢ်တၤၡါၡတၤမ့ၢ်စီၤပၤဖးဒိၣ်အခါန့ၣ်လီၤ.

လံာ်စီၤနဃ့မယၤ 10:15

စီၤဘူနံၤ, စီၤဧၤစကး, စီၤဘ့ဘဲၤ,

လံာ်စီၤနဃ့မယၤ 12:47

လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.

လံာ်စီၤနဃ့မယၤ 7:7

ဒီးအဝဲသ့ၣ်အခိၣ်အနၢ်တဖၣ်န့ၣ်မ့ၢ်ဝဲစီၤစရူၤဘၤဘ့လး, စီၤယိၤၡူ, စီၤနဃ့မယၤ, စီၤဧစၤရယၤ, စီၤရၤမယၤ, စီၤနဃၤမနံ, စီၤမၢ်ဒကဲၤ, စီၤဘံးလၡၣ်, စီၤမံးစပ့ရ့း, စီၤဘံးကဝဲၤ, စီၤရဃူၣ်ဒီးစီၤဘၤနါသ့ၣ်တဖၣ်န့ၣ်လီၤ. အအံၤမ့ၢ်ပှၤအံၣ်စရ့လးဖိအနီၣ်ဂံၢ်တဖၣ်,

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:12

တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်ဃးကဲ 1:14

ယွၤထိၣ်ဂဲၤတ့ၢ်ပှၤကိးဂၤဒဲး, ကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢတၢ်မၢကဲကုၢ်အပူၤအသး, ဒ်သိးကမၤတၢ်လၢတၢ်လုၢ်ဟံၣ်န့ၣ်လီၤ. အဝဲသ့ၣ်စးထီၣ်မၤတ့ၢ်တၢ်လၢယွၤသ့တၢ်လၢာ်ကစၢ်, အဝဲသ့ၣ်အကစၢ်ယွၤအတၢ်လုၢ်ဟံၣ်,

လံာ်ဃးကဲ 2:2

အဝဲစံးဘၣ်တ့ၢ်စီၤဃးကဲလၢကကတိၤတၢ်ဒီးကီၢ်ယူဒၤအပဒိၣ် ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးဆူပှၤဂီၢ်မုၢ်ဒီး ကဘၣ်စံးဘၣ်အဝဲသ့ၣ်,

လံာ်ဃးကဲ 2:21

လၢကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လးအဂီၢ်လီၤ. “ယကမၤဟူးမၤဝးမူခိၣ်ဒီးဟီၣ်ခိၣ်,

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

လံာ်စကၤရယၤ 3:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယွၤဒုးနဲၣ်ယၤလၢပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဆၢထၢၣ် လၢယွၤအကလူးအမဲာ်ညါလီၤ. ဖဲန့ၣ်မုၣ်ကီၤလံၢ်ဆၢထၢၣ်ဖဲ စီၤယိၤၡူအကပၤ, ဒီးအိၣ်ကတဲာ်ကတီၤအသးဒ်သိးကလိာ်ကွီၢ်ထီဒါအီၤန့ၣ်လီၤ.

လံာ်စကၤရယၤ 3:3

စီၤယိၤၡူဆၢထၢၣ်ဖဲန့ၣ်, ကူသိးဝဲဒၣ်ဒီးတၢ်ကူတၢ်သိးဘၣ်အၢဘၣ်သီန့ၣ်လီၤ.