လံာ်စီၤဧ့စြၤ 2:1 - Sgaw Karen Common Bible

¹ ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 2:1 Iomraidhean Croise

လံာ်စီၤပၤခံဘ့ၣ်တဘ့ၣ် 25:11

ဝံၤဒီးစီၤနဘူစၢ်ရဒၣ်စိာ်ထီၣ်ကွံာ်, ပှၤဂီၢ်မုၢ်လၢအအိၣ်လီၤ တဲာ်ဒံးလၢဝ့ၢ်ပူၤခဲလၢာ်, ပှၤမၤတၢ်သ့ဂ့ၤဂ့ၤလၢအအိၣ်လီၤတဲာ်ဒံးတဖၣ်, ဒီးပှၤတဖၣ်လၢအပာ်လီၤတဲာ်အကီၢ်ဒီးခီနုာ်ဆူပှၤဘၤဘူၤလိၣ် ဖိတဖၣ်အကျါ, န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:1

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဘၣ်တၢ်ကွဲးနီၣ်အမံၤဒ် အဝဲသ့ၣ်အဟံၣ်ဒူၣ်ဃီထၢတဖၣ်အိၣ်ဝဲအသိး, ဒီးတၢ်ဂ့ၢ်ကြၢးသ့ၣ်ညါအံၤဘၣ်တၢ်ကွဲးနီၣ်အီၤလၢကီၢ်အံၣ်စရ့ လးအစီၤပၤတဖၣ်အလံာ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်ဘၣ်တၢ်ဆှၢဖျိးကွံာ်အီၤဆူ ကီၢ်ဘၤဘူၤလိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကမၣ်တဖၣ်အဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:2

ပှၤအဆိကတၢၢ်တဖုလၢအဟဲက့ၤကဒါက့ၤဆူအဝဲသ့ၣ်အတၢ်စုလီၢ်ခီၣ် ခိၣ်အိၣ်အဝ့ၢ်တဖၣ်အကျါန့ၣ်အိၣ်ဃုာ်ဒီးပှၤအံၣ်စရ့လးဖိပတီၢ်မုၢ်တဖၣ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးတၢ်လုၢ်ဟံၣ်အပှၤမၤတၢ်ဖိသ့ၣ်တဖၣ်န့ၣ်လီၤ.

လံာ်စီၤဧ့စြၤ 1:11

တၢ်အဃၢၤအဃိၢ်ခဲလၢာ်လၢထူဒီးစ့န့ၣ်မ့ၢ်ဝဲယဲၢ်ကထိလွံၢ် ကယၤဒီးတၢ်အဂုၤအဂၤလၢစီၤၡ့ၡဘးစၢ်ဟဲက့ၤစိာ်ဝဲဖဲအဝဲဒီး ပှၤဘၣ်တၢ်စိာ်မၢကဲကုၢ်အဂၤတဖၣ်ဟးထီၣ်လၢကီၢ်ဘၤဘူၤလိၣ်ဒီး ဟဲက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤဧ့စြၤ 2:2

အဝဲသ့ၣ်အခိၣ်အနၢ်တဖၣ်မ့ၢ်ဝဲစီၤစရူၤဘၤဘ့လး, စီၤယိၤရူ, စီၤနဃ့မယၤ, စီၤစရါယၤ, စီၤရ့လယၤ, စီၤမၢ်ဒကဲၤ, စီၤဘံးလၡၣ်, စီၤမံးစပၢ်, စီၤဘံးကဝဲၤ, စီၤရဃူၣ်ဒီးစီၤဘၤနါလီၤ. အအံၤမ့ၢ်ပှၤအံၣ်စရ့လးဖိအဒူၣ်အထၢအတၢ်ကွဲးနီၣ်ဃုာ်ဒီးအနီၣ်ဂံၢ် လၢဒူၣ်ထၢတဒူၣ်စုာ်စုာ်လၢအဟဲက့ၤကဒါက့ၤလၢတၢ်စိာ်မၢကဲကုၢ် န့ၣ်လီၤ.

လံာ်စီၤဧ့စြၤ 2:70

ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်တနီၤဆီ လီၤအတၢ်အိၣ်တၢ်ဆိးအလီၢ်လၢဝ့ၢ်ယရူၤၡလ့ၣ်အပူၤ, မ့တမ့ၢ်ဘူးဒီးဝ့ၢ်ယရူၤၡလ့ၣ်န့ၣ်လီၤ. ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တဖၣ်ဒီးတၢ်လုၢ်ဟံၣ်အပှၤမၤတၢ်ဖိတဖၣ်ဆီလီၤ အတၢ်အိၣ်တၢ်ဆိးအလီၢ်လၢဝ့ၢ်အဘူးအတံၢ်တဖၣ်အပူၤဒီးပှၤအံၣ်စရ့ လးဖိအိၣ်လီၤတဲာ်တ့ၢ်အဂၤတဖၣ်ဆီလီၤအတၢ်အိၣ်တၢ်ဆိးအလီၢ်လၢ ဝ့ၢ်တဖၣ်ဖဲအမိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်လၢအပူၤန့ၣ်လီၤ.

လံာ်စီၤဧ့စြၤ 5:8

ကစၢ်စီၤပၤဖးဒိၣ်ကြၢးသ့ၣ်ညါဝဲလၢပလဲၤတ့ၢ်ဆူကီၢ်ယူဒၤ ဒီးထံၣ်ဘၣ်လၢတၢ်ဒိၣ်ကစၢ်ယွၤအတၢ်လုၢ်ဟံၣ်ဘၣ်တၢ်သူၣ်ထီၣ်ကဒါ က့ၤအီၤလၢလၢၢ်ကိၢ်လိၢ်ဖးဒိၣ်တဖၣ်, အိၣ်ဒီးသ့ၣ်ကျိၤတဖၣ်ဘၣ်တၢ်ထီထီၣ်အီၤလၢတၢ်ဒူၣ်အလိၤလံ. တၢ်ဖံးတၢ်မၤအံၤဘၣ်တၢ်မၤအီၤလီၤတံၢ်လီၤဆဲးဒီးလဲၤထီၣ်ဆူ ညါကွ့ၢ်ကွ့ၢ်လံန့ၣ်လီၤ.

လံာ်စီၤဧ့စြၤ 6:2

ဘၣ်ဆၣ်ဒီးလံာ်ထူတထူလၢအဘၣ်ထွဲဒီးတၢ်ဂ့ၢ်န့ၣ်, ဘၣ်တၢ်ထံၣ်န့ၢ်အီၤလၢဝ့ၢ်အၤဃမသါလၢကီၢ်မၤဒဲအပူၤတခီ, အိၣ်ဒီးအတၢ်ကွဲးနီၣ်ဒ်လာ်အံၤလီၤ.

လံာ်စီၤဧ့စြၤ 8:35

ကယဲၢ်ပှၤခဲလၢာ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ် န့ၣ်ဟဲစိာ်ဃီၤတၢ်မၤဘူၣ်တဖၣ်ဒ်တၢ်လုၢ်တၢ်ပာ်တဖၣ်လၢကဘၣ်တၢ် ဆိၣ်ကဲၤထီၣ်အီၤဆူပှၤအံၣ်စရ့လးဖိအကစၢ်ယွၤအအိၣ်န့ၣ်လီၤ. အဝဲသ့ၣ်မၤဘူၣ်လီၤဂီၤဖံးဖါတဆံခံဒုလၢပှၤအံၣ်စရ့လးဖိ ခဲလၢာ်အဂီၢ်, သိဖါခွံဆံဃုဒုဒီးသိဖိနွံဆံနွံဒု, ဒီးမဲာ်တဲးလဲးတဆံခံဒုစ့ၢ်ကီးလၢကမၤကဆှီထီၣ်က့ၤအသးလၢ တၢ်ဒဲးဘးအဂီၢ်န့ၣ်လီၤ. ကယဲၢ်ဆၣ်ဖိကီၢ်ဖိခဲလၢာ်အံၤဘၣ်တၢ်ဆိၣ်ကဲၤအီၤဒ်တၢ်လုၢ်တၢ် ပာ်တဖၣ်အသိးဆူယွၤန့ၣ်လီၤ.

လံာ်စီၤနဃ့မယၤ 12:1

အအံၤမ့ၢ်ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအဟဲ က့ၤလၢတၢ်စိာ်မၢကဲကုၢ်အလီၢ်ဃုာ်ဒီးစီၤစရူၤဘၤဘ့လးလၢ အမ့ၢ်စီၤၡၤလတံၤအ့လးအဖိခွါဒီးပှၤလုၢ်တၢ်အခိၣ်အဒိၣ်ကတၢၢ် စီၤယိၤၡူန့ၣ်လီၤ.

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်နီၢ်အ့ၤစတၢ် 1:11

စီၤပၤမၤလိာ်အဝဲသ့ၣ်ဒ်သိးအကဟဲကိးန့ၢ်အီၤနီၢ်ပၤမုၣ်ဝးၡတံၤ, အိၣ်ဒီးနီၢ်ပၤမုၣ်အခိၣ်သလုးလၢအခိၣ်လိၤလီၤ. နီၢ်ပၤမုၣ်မ့ၢ်ပိာ်မုၣ်လၢအဃံလၤဝဲဒီးစီၤပၤသးအိၣ်ပာ်ဖျါထီၣ် အတၢ်ဃံတၢ်လၤဆူပဒိၣ်ဖးဒိၣ်တဖၣ်ဒီးအပှၤတမှံၤတပျီၤခဲလၢာ် န့ၣ်လီၤ.

လံာ်နီၢ်အ့ၤစတၢ် 1:3

လၢအဝဲပၢတၢ်သၢနံၣ်တနံၣ်န့ၣ်, မၤတၢ်အီၣ်တၢ်အီအမူးဖးဒိၣ်တခါလၢအပဒိၣ်တဖၣ်ဒီးပှၤပၢတၢ် သ့ၣ်တဖၣ်အဂီၢ်န့ၣ်လီၤ. ကီၢ်ပၤရၣ်ဒီးကီၢ်မၤဒဲအသုးမုၢ်သံၣ်ဘိတဖၣ်, ဒီးဒ်န့ၣ်အသိးကီၢ်ဖိတဖၣ်အပဒိၣ်ဖးဒိၣ်ဒီးပှၤတူၢ်ဒိၣ်ကီၢ်ဒိၣ်တဖၣ် ဟဲဝဲစ့ၢ်ကီးန့ၣ်လီၤ.

လံာ်နီၢ်အ့ၤစတၢ် 1:8

တၢ်တြီတအိၣ်ဘၣ်နီတမံၤလၢတၢ်အီအဂီၢ်ဘၣ်. စီၤပၤဟ့ၣ်လီၤအကလုၢ်ဆူအခ့အပှၤအိၣ်လၢနီ ပူၤတဖၣ်ဒ်သိးပှၤကိးဂၤဒဲးကမၤန့ၢ်ဒ်အသးလီဝဲအသိးန့ၣ် လီၤ.

လံာ်နီၢ်အ့ၤစတၢ် 8:9

တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 1:5

အဒုၣ်အဒါတဖၣ်မၤနၢၤကွံာ်အီၤဒီးအိၣ်ဝဲဘီၣ်ထီၣ်ညီထီၣ်ဝဲ လီၤ. အဂ့ၢ်ဒ်အံၤ, ကစၢ်ယွၤဒုးတူၢ်ဘၣ်အီၤတၢ်လၢကယဲၢ်အတၢ်ဒဲးဘး တဖၣ်အဃိလီၤ. အဖိအလံၤတဖၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤဆူတၢ်မၢကဲ ကုၢ်အလီၢ်လီၤ.

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်စဖါနယၤ 2:7

ပှၤဂီၢ်မုၢ်လၢကီၢ်ယူဒၤလၢအအိၣ်မူတ့ၢ်တဖၣ်ကဟံးန့ၢ်သု တၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်ကဒုးကိာ်လီၤအသိ ဒီးအမဲာ်တဲးလဲးတဖၣ်ဖဲန့ၣ်ဒီးကမံဝဲလၢပှၤအၤၡကလိၣ်ဖိအ ဟံၣ်တဖၣ်အပူၤန့ၣ်လီၤ. ယွၤ, အဝဲသ့ၣ်အကစၢ်ယွၤကအိၣ်ဒီးအီၤဒီးဒုးဘီၣ်ထီၣ်ညီထီၣ် ကဒီးအီၤလီၤ.

မၤတၢ် 23:34

ပဒိၣ်ဖးဒိၣ်ဖးကွၢ်တၢ်ပရၢ, ဒီးသံကွၢ်စီၤပီလူးလၢအဟဲလၢကီၢ်မတၤလဲၣ်န့ၣ်လီၤ. ဖဲအဝဲသ့ၣ်ညါဘၣ်ဝဲလၢအဟဲလၢကီၢ်ကံၤလံၤကံန့ၣ်,