လံာ်စီၤဧ့စြၤ 10:5 - Sgaw Karen Common Bible

⁵ လၢတၢ်န့ၣ်အဃိ, စီၤဧ့စြၤစးထီၣ်မၤဝဲခီဖျိ, ဒုးဆိၣ်ပှၤလုၢ်တၢ်အခိၣ်အပှၤခိၣ်ပှၤနၢ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်အဂၤအတၢ်ဆိၣ်တမံၤလၢအဝဲသ့ၣ် ကမၤတၢ်ဒ်စီၤၡကါနယၤဟ့ၣ်ကူၣ်ဆှၢထီၣ်ဝဲန့ၣ်လီၤ.

လံာ်စီၤဧ့စြၤ 10:5 Iomraidhean Croise

လံာ်စီၤဧ့စြၤ 10:3

ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်စီၤနဃ့မယၤ 13:25

ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 5:12

ဒီးပှၤခိၣ်ပှၤနၢ်တဖၣ်စံးဆၢဝဲ “ပကမၤဒ်နစံးအသိးလီၤ. ပကဟ့ၣ်က့ၤအတၢ်ဖိတၢ်လံၤဒီးပတပာ်ဖှိၣ်က့ၤအဒ့ၣ်ကမၢ်တဖၣ်လၢၤ န့ၣ်ဘၣ်.” ဒီးယကိးပှၤလုၢ်တၢ်အခိၣ်တဖၣ်ဒီးမၢပှၤခိၣ်ပှၤနၢ်တဖၣ်ဆိၣ်လီၤ အသးလၢအဝဲသ့ၣ်အမဲာ်ညါလၢကပၢၤဃာ်တၢ်အၢၣ်လီၤလၢအဝဲသ့ၣ်မၤ တ့ၢ်ဝဲဒၣ်န့ၣ်လီၤ.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 15:23

တၢ်ကတိၤအဘၣ်လၢတၢ်ဆၢဂ့ၤကတီၢ်ဘၣ်အပူၤန့ၣ်မ့ၢ်တၢ်သးခု ဆံးဒိၣ်လဲၣ်.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

တၢ်ကတိၤဒိ. 9:9

တၢ်တမံၤဂ့ၤတမံၤဂ့ၤလၢနစံးဘၣ်တဲဘၣ်ပှၤကူၣ်သ့တဂၤန့ၣ်, ကဒုးကူၣ်သ့အါထီၣ်အီၤလီၤ. တၢ်တမံၤဂ့ၤတမံၤဂ့ၤလၢနတဲဘၣ် ပှၤတီပှၤလိၤတဂၤန့ၣ်, ကပာ်ဖှိၣ်အါထီၣ်အတၢ်သ့ၣ်ညါနၢ်ပၢၢ်န့ၣ်လီၤ.

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”