လံာ်စီၤဧ့စြၤ 10:19 - Sgaw Karen Common Bible

¹⁹ အဝဲသ့ၣ်အၢၣ်လီၤအီလီၤတ့ၢ်အသးလၢကပာ်မၢ်ကွံာ်အမါတဖၣ်ဒီး အဝဲသ့ၣ်လုၢ်ထီၣ်သိဖါတဒုဒ်တၢ်လုၢ်တၢ်ပာ်တမံၤလၢအဝဲသ့ၣ် အတၢ်ဒဲးဘးအဂီၢ်န့ၣ်လီၤ.

လံာ်စီၤဧ့စြၤ 10:19 Iomraidhean Croise

လံာ်စီၤပၤခံဘ့ၣ်တဘ့ၣ် 10:15

စီၤယ့ၤဟူစးထီၣ်လဲၤကဒီးတၢ်, ဒီးလၢကျဲန့ၣ်အဝဲဘၣ်တၢ်ဟဲ သဂၢၢ်အီၤလၢစီၤရ့ကာ်အဖိခွါစီၤယိၤနဒာ်န့ၣ်လီၤ. စီၤယ့ၤဟူဆၢဂ့ၤဆၢဝါအီၤဒီးစံးဘၣ်ဝဲ, “နၤဒီးယၤပဆိကမိၣ်တၢ်ဒ်သိးသိးလီၤ. မ့ၢ်နကဆီၣ်ထွဲ မၤစၢၤယၤဧါ.” စီၤယိၤနဒာ်စံးဆၢအီၤ, “မ့ၢ်, ယကမၤလီၤ.” စီၤယ့ၤဟူစံးဆၢဝဲ, “မ့မ့ၢ်ဒ်န့ၣ်ဒီး, ဟ့ၣ်ယၤနစုတက့ၢ်. အဝဲသ့ၣ်စှီၤတံၢ်လိာ်အစု, ဒီးစီၤယ့ၤဟူမၤစၢၤအီၤလၢကထီၣ်ဆူလ့ၣ်ကဟၣ်အပူၤ,

လံာ်ကွဲးနီၣ်တၢ်အခီၣ်ထံးတဘ့ၣ် 29:24

ကယဲၢ်ပဒိၣ်ပပှၢ်တဖၣ်ဒီးသုးမုၢ်သံၣ်ဘိတဖၣ်ဒီးကယဲၢ်စီၤဒၤဝံး အဖိခွါအဂၤခဲလၢာ်ဒၣ်လဲာ်အၢၣ်လီၤအီလီၤတ့ၢ်ဝဲလၢကတီ ဒီးစီၤၡလိၤမိၤဒ်စီၤပၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်စီၤဧ့စြၤ 10:20

လၢစီၤအံးမ့ၢ်အဒူၣ်ထၢပူၤန့ၣ်, စီၤဃနၤနံ ဒီးစီၤစဘၤဒယၤ

လံာ်သးသယုၢ်တၢ် 5:6

လၢပကန့ၢ်ဘၣ်တၢ်အီၣ်လၢဝဲလၢပကမူအဂီၢ်န့ၣ် ပလဲၤတ့ၢ်ဒီးဃ့အီၣ်တၢ်လၢ ကီၢ်အဲၤကူပတူးဒီးကီၢ်အၤၡူၢ်လီၤ.

လံာ်တၢ်ဘူၣ်ထီၣ်ဘါထီၣ် 6:4

ဒီးတုၤပှၤတဂၤဂၤမၤတၢ်ဒဲးဘးလၢအဘၣ်ထွဲဒီးတၢ်တမံၤမံၤအံၤန့ၣ်, အဝဲကဘၣ်ဟ့ၣ်က့ၤတၢ်လၢအမၤန့ၢ်ဝဲလၢတၢ်တတီတလိၤအပူၤတမံၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:6

ဒီးကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢ မဲၣ်သူမဲၣ်ဂီၤတအိၣ်ဘၣ်ဒ်တၢ်လုၢ်တၢ်ပာ်အလုၢ်အပှ့ၤအိၣ်ဝဲအသိး ဆူပှၤလုၢ်တၢ်အခိၣ်အအိၣ်လၢတၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ် ကမၣ်အဂီၢ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.