လံာ်စီၤဧ့စြၤ 10:18 - Sgaw Karen Common Bible

¹⁸ အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤပိာ်ခွါတဖၣ်လၢအအိၣ်ဒီး အမါပှၤတခီဘီမုၢ်ဖိတဖၣ်န့ၣ်လီၤ. ပှၤလုၢ်တၢ်အခိၣ်တဖၣ်, ဘၣ်တၢ်ကွဲးနီၣ်အီၤဒ်အဒူၣ်ထၢတဖၣ်ဟဲဝဲန့ၣ်လီၤ. လၢစီၤယိၤၡူဒီးအဒီပုၢ်ဝဲၢ်ခွါတဖၣ်အဒူၣ်ထၢပူၤန့ၣ်, စီၤယိၤစဒးအဖိခွါတဖၣ်လၢအမ့ၢ်ဝဲ, စီၤမၤစ့ယၤ, စီၤအလၤဧစၢ်, စီၤယၤရံာ်ဒီးစီၤကဒါလယၤန့ၣ်လီၤ.

လံာ်စီၤဧ့စြၤ 10:18 Iomraidhean Croise

လံာ်စီၤဧ့စြၤ 10:17

ဒီးလၢခံသၢလါအတီၢ်ပူၤန့ၣ်, အဝဲသ့ၣ်သမံသမိးဝံၤကွံာ်ကယဲၢ် တၢ်မူးတၢ်ရၢ်တဖၣ်လၢအဘၣ်ထွဲဒီးပှၤပိာ်ခွါလၢအအိၣ်ဒီးအမါ ပှၤတခီဘီမုၢ်ဖိတဖၣ်အဂ့ၢ်န့ၣ်လီၤ.

လံာ်စီၤဧ့စြၤ 2:2

အဝဲသ့ၣ်အခိၣ်အနၢ်တဖၣ်မ့ၢ်ဝဲစီၤစရူၤဘၤဘ့လး, စီၤယိၤရူ, စီၤနဃ့မယၤ, စီၤစရါယၤ, စီၤရ့လယၤ, စီၤမၢ်ဒကဲၤ, စီၤဘံးလၡၣ်, စီၤမံးစပၢ်, စီၤဘံးကဝဲၤ, စီၤရဃူၣ်ဒီးစီၤဘၤနါလီၤ. အအံၤမ့ၢ်ပှၤအံၣ်စရ့လးဖိအဒူၣ်အထၢအတၢ်ကွဲးနီၣ်ဃုာ်ဒီးအနီၣ်ဂံၢ် လၢဒူၣ်ထၢတဒူၣ်စုာ်စုာ်လၢအဟဲက့ၤကဒါက့ၤလၢတၢ်စိာ်မၢကဲကုၢ် န့ၣ်လီၤ.

လံာ်စီၤဧ့စြၤ 2:36

အအံၤမ့ၢ်တၢ်ကွဲးနီၣ်ဘၣ်ဃးဒီးပှၤလုၢ်တၢ်အခိၣ်အဒူၣ်ဖိ ထၢဖိလၢအဟဲက့ၤကဒါက့ၤလၢတၢ်စိာ်မၢကဲကုၢ်န့ၣ်လီၤ. ပှၤယဒါယၤဖိ (စီၤယ့ၤၡူအစၢၤအသွဲၣ်တဖၣ်) - ခွံကယၤနွံဆံလွံၢ်

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

လံာ်စီၤဧ့စြၤ 3:8

လၢတၢ်န့ၣ်အဃိအဝဲသ့ၣ်စးထီၣ်အတၢ်မၤဖဲလါခံလါတလါလၢနံၣ် န့ၣ်အပူၤ, ဖဲအဝဲသ့ၣ်ဟဲက့ၤကဒါက့ၤဆူတၢ်လုၢ်ဟံၣ်အလီၢ်လၢဝ့ၢ်ယရူၤ ၡလ့ၣ်ဝံၤအလီၢ်ခံလီၤ. စီၤစရူၤဘၤဘ့လး, စီၤယိၤၡူဒီးအပှၤထံဖိကီၢ်ဖိကဒဲကဒဲလၢအအိၣ်လီၤတဲာ်တဖၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, ဒီးကယဲၢ်ပှၤဘၣ်စိာ်မၢကဲကုၢ်လၢအဟဲက့ၤကဒါက့ၤဆူ ဝ့ၢ်ယရူၤၡလ့ၣ်တဖၣ်, မၤသကိးတၢ်လၢတၢ်မၤအပူၤန့ၣ်လီၤ. ကယဲၢ်ပှၤလ့ၤဝံဖိတဖၣ်လၢအသးအိၣ်အနံၣ်ခံဆံမ့ၢ်ဂ့ၤပှၢ်န့ၣ် အဝဲန့ၣ်မ့ၢ်ဂ့ၤဘၣ်တၢ်ပာ်လီၤအီၤလၢပှၤကွၢ်ထွဲပၢဆှၢတၢ်ဖံး တၢ်မၤဘၣ်ဃးဒီးတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 5:2

တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

လံာ်စီၤဧ့စြၤ 9:1

ဖဲတၢ်တဖၣ်အံၤဘၣ်တၢ်မၤဝံၤအီၤအလီၢ်ခံန့ၣ်, အံၣ်စရ့လးအပှၤဂီၢ်မုၢ်အခိၣ်အနၢ်တနီၤဟဲဒီးတဲဘၣ်ယၤလၢပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်တအိၣ်မၤလီၤဖးအသး ဒီးထံကီၢ်အိၣ်ဘူးအိၣ်တံၢ်တဖၣ်လၢအမ့ၢ်ဝဲကီၢ်ဧၣ်မိၣ်, ကီၢ်မိၤအး, ဒီးကီၢ်အဲၤကူပတူးအပှၤဂီၢ်မုၢ်တဖၣ်မ့ၢ်ဂ့ၤ, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤယဘူၣ်ဖိတဖၣ်, ဒီးပှၤအမိၢ်ဖိတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤတၢ်လၢအလီၤသးဘၣ်အၢတဖၣ်တမံၤဃီဒ်ပှၤဂီၢ်မုၢ်တဖၣ် အံၤမၤတ့ၢ်ဝဲအသိးန့ၣ်လီၤ.

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

လံာ်စီၤနဃ့မယၤ 12:10

ဒီးစီၤယိၤၡူထီၣ်ဖိစီၤယိယၤကံၣ်, စီၤယိယၤကံၣ်ထီၣ်ဖိ စီၤအ့လယၤၡံာ်, စီၤအ့လယၤၡံာ်ထီၣ်ဖိစီၤယိယဒၤန့ၣ်လီၤ.

လံာ်စီၤနဃ့မယၤ 13:28

စီၤယဟိယဒါမ့ၢ်ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်အဖိ ခွါ, ဘၣ်ဆၣ်, စီၤယဟိယဒါအဖိခွါတဖၣ်အကျါတဂၤဒိးတ့ဒိးဖျီအသး ဒီးစီၤစၤနဘလးလၢဝ့ၢ်ဃိရၣ်တခီအဖိမုၣ်အဃိယဟီထီၣ် ကွံာ်စီၤယဟိယဒါလၢဝ့ၢ်ယရူၤရှလ့ၣ်န့ၣ်လီၤ.

လံာ်စီၤနဃ့မယၤ 8:4

စီၤဧ့စြၤဆၢထၢၣ်ဝဲလၢစိၤမိၤသ့ၣ်အလိၤ, လၢအဘၣ်တၢ်မၤအီၤလၢမူးလီၤဆီအဂီၢ်န့ၣ်လီၤ. ဒီးစီၤမၤတံးသယၤ, စီၤၡမၤ, စီၤဧနၤယၤ, စီၤအူၤရံယၤ, စီၤဃံးလကံယၤ, စီၤမၤစ့ယၤတဖၣ်ဆၢထၢၣ်လၢအစုထွဲ, ဒီးစီၤပဒါယၤ, စီၤမံၤၡအ့လး, စီၤမၤလကံယၤ, စီၤဃၤၡူာ်, စီၤဃၤၡဘးဒနၤ, စီၤစကၤရယၤဒီးစီၤမၡူလၣ်တဖၣ် ဆၢထၢၣ်လၢအစုစ့ၣ်န့ၣ်လီၤ.

လံာ်စီၤနဃ့မယၤ 8:7

အန့ၣ်ဝံၤဒီးအဝဲသ့ၣ်ဆၢထၢၣ်လၢအလီၢ်တဖၣ်, ဒီးပှၤလ့ၤဝံဖိ လၢလာ်တဖၣ်အံၤတဲနၢ်ပၢၢ်အဝဲသ့ၣ်လၢယူဒၤအတၢ်သိၣ်တၢ်သီန့ၣ် လီၤ. စီၤယ့ၤၡူ, စီၤဘၤနံ, စီၤၡ့ရ့ဘယၤ, စီၤယၤမံၣ်, စီၤဧးကူာ်, စီၤၡံၤဘသဲၤ, စီၤဟိၤဒံယၤ, စီၤမၤစ့ယၤ, စီၤက့လံတၤ, စီၤဧစၤရယၤ, စီၤယိစဘး, စီၤဃၤနၣ်, စီၤပလါယၤသ့ၣ်တဖၣ်န့ၣ်လီၤ.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 23:11

ယွၤစံးဝဲဒၣ်, “ဝံတဖၣ်ဒီးပှၤလုၢ်တၢ်အခိၣ်တဖၣ်န့ၣ် တယူးယီၣ်ဘၣ်ယွၤဘၣ်. ယထံၣ်ဘၣ်တ့ၢ်အဝဲသ့ၣ်မၤတၢ်အၢလၢ ယတၢ်လုၢ်ဟံၣ်အပူၤဒၣ်လဲာ်န့ၣ်လီၤ.

လံာ်ယံးရမံယၤ 23:14

မ့မ့ၢ်ယထံၣ်ဘၣ်တ့ၢ်ဝ့ၢ်ယရူၤၡလ့ၣ်အဝံတဖၣ်မၤတၢ်အၢဒိၣ်န့ၢ် တၢ်အံၤဒၣ်လဲာ်န့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီးကတိၤတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်မၤစၢၤပှၤဂီၢ်မုၢ်လၢကမၤကမၣ်တၢ်အဂီၢ်, တုၤဒၣ်လဲာ်ပှၤတဆိကတီၢ်လၢတၢ်မၤတၢ်အၢတၢ်သီနီတဂၤ လၢၤဘၣ်န့ၣ်လီၤ. လၢယဂီၢ်န့ၣ်, အဝဲသ့ၣ်ခဲလၢာ်အၢဝဲသီဝဲ ဒ်သိးဝ့ၢ်စဒိၣ်ဒီးဝ့ၢ်ဂမိရၤအပှၤဂီၢ်မုၢ်န့ၣ်လီၤ.

လံာ်ယဃ့းစက့လး 44:22

ပှၤလုၢ်တၢ်အခိၣ်တဂၤဂ့ၤတဂၤဂ့ၤတဘၣ်ဒိးတ့ဒိးဖျီအသးဒီး ပိာ်မုၣ်လၢအလီၤဖးဒီးအဝၤဘၣ်. အဝဲကဘၣ်ဒိးတ့ဒိးဖျီဒၣ်အ သးထဲဒၣ်ဒီးပှၤအံၣ်စရ့လးဖိအပှၤမုၣ်ကနီၤမ့တမ့ၢ်ပှၤလုၢ်တၢ် အခိၣ်တဂၤဂၤအမုၣ်ကမဲမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:7

ပှၤလုၢ်တၢ်အခိၣ်တဂၤန့ၣ်တဘၣ်ဒိးတ့ဒိးဖျီအသးဒီးပိာ်မုၣ်တ ဂၤလၢအကဲတ့ၢ်ဃဲသဲမုၣ်မ့ၢ်ဂ့ၤ, ပိာ်မုၣ်လၢအတမ့ၢ်မုၣ်ကနီၤဆှံဆှံဘၣ်မ့ၢ်ဂ့ၤ, ပိာ်မုၣ်လၢအလီၤဖးဒီးအဝၤမ့ၢ်ဂ့ၤန့ၣ်ဘၣ်. အဂ့ၢ်ဒ်အံၤအဝဲမ့ၢ်ပှၤစီဆှံန့ၣ်လီၤ.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:12

တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

လံာ်စကၤရယၤ 3:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယွၤဒုးနဲၣ်ယၤလၢပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဆၢထၢၣ် လၢယွၤအကလူးအမဲာ်ညါလီၤ. ဖဲန့ၣ်မုၣ်ကီၤလံၢ်ဆၢထၢၣ်ဖဲ စီၤယိၤၡူအကပၤ, ဒီးအိၣ်ကတဲာ်ကတီၤအသးဒ်သိးကလိာ်ကွီၢ်ထီဒါအီၤန့ၣ်လီၤ.

လံာ်စကၤရယၤ 6:11

မၤကဲထီၣ်ခိၣ်သလုးတဖျၢၣ်လၢစ့ဒီးထူလၢအဝဲသ့ၣ်တဖၣ် ဟ့ၣ်တ့ၢ်ဒီးဒုးကုာ်ထီၣ်အီၤလၢစီၤယိၤစါဒးအဖိခွါ, ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူအခိၣ်လိၤတက့ၢ်.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.