လံာ်စီၤဧ့စြၤ 10:14 - Sgaw Karen Common Bible

¹⁴ မ်ပဒိၣ်ပပှၢ်တဖၣ်အိၣ်လၢဝ့ၢ်ယရူၤၡလ့ၣ်အပူၤဒီးဟံးန့ၢ်မူဒါ လၢတၢ်ဂ့ၢ်အံၤအဂီၢ်တက့ၢ်. ဒီးမ်ပှၤတဂၤဂ့ၤတဂၤဂ့ၤလၢအအိၣ်ဒီးအမါတဂၤလၢအမ့ၢ်ပှၤတခီ ဘီမုၢ်ဖိ, ဟဲဖဲတၢ်ဆၢကတီၢ်လၢတၢ်သ့ၣ်ပာ်အီၤ, ဃုာ်ဒီးအဝ့ၢ်အပှၤခိၣ်ပှၤ နၢ်တဖၣ်ဒီးအပှၤစံၣ်ညီၣ်ကွီၢ်တဖၣ်တက့ၢ်. လၢကျဲဒ်သိးအံၤန့ၣ်ကစၢ်ယွၤအတၢ်သးထီၣ်လၢတၢ်မၤအသးဒ်သိး အံၤအဖီခိၣ်, ကဘိးကဒါကွံာ်အသးန့ၣ်လီၤ.”

လံာ်စီၤဧ့စြၤ 10:14 Iomraidhean Croise

လံာ်စီၤပၤခံဘ့ၣ်တဘ့ၣ် 23:26

ဘၣ်ဆၣ်ယွၤအတၢ်သးဒိၣ်ကဲၤထီၣ်ဒိၣ်ထီၣ်လၢအဘၣ်တၢ်ထိၣ်ဂဲၤထီၣ် အီၤထီဒါကီၢ်ယူဒၤခီဖျိတၢ်လၢစီၤပၤမနၤၡ့ၤမၤတ့ၢ်ဝဲန့ၣ်, တုၤခဲကနံၣ်အံၤဒၣ်လဲာ်တလီၤပံာ်ကွံာ်ဝဲဒံးဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 28:11

ဒိကနၣ်ယၤတက့ၢ်. ပှၤဘၣ်တၢ်စၢဃာ်တဖၣ်အံၤန့ၣ်, မ့ၢ်ဒၣ်သုဒီပုၢ်ဝဲၢ်ခွါတဖၣ်ဒီးသုဒီပုၢ်ဝဲၢ်မုၣ်တဖၣ်န့ၣ် လီၤ. ပျဲအဝဲသ့ၣ်က့ၤက့ၤတက့ၢ်. မ့တမ့ၢ်ဘၣ်ဒီးယွၤကစံၣ်ညီၣ်သုလၢ အတၢ်သးဒိၣ်အပူၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်စီၤဧ့စြၤ 10:13

ဘၣ်ဆၣ်အဝဲသ့ၣ်စံးအါထီၣ်ကဒီးဝဲ, “ပှၤဂီၢ်မုၢ်အံၤအါကဲာ် ဆိးဒီးတၢ်စူၤဆူၣ်ဒိၣ်မးလီၤ. ပဆၢထၢၣ်ဖဲအံၤလၢတၢ်ပျီပူၤဒ်သိးအံၤတကဲဘၣ်. တၢ်အံၤတမ့ၢ်တၢ်တမံၤလၢအဘၣ်တၢ်မၤအီၤလၢတသီခံသီအတီၢ်ပူၤ သ့ဝဲဘၣ်. အဂ့ၢ်ဒ်အံၤ, ပဝဲဒၣ်အါဂၤပအိၣ်ဃါဃုာ်လၢတၢ်ဒဲးဘးအံၤအပူၤ န့ၣ်လီၤ.

လံာ်စီၤဧ့စြၤ 10:15

မ့တမ့ၢ်ဘၣ်လၢစီၤဧစၤအ့လးအဖိခွါစီၤယိနၤသၣ်, ဒီးစီၤတံးကဝၤအဖိခွါစီၤဃၤစယၤလၢအဘၣ်တၢ်မၤစၢၤအီၤလၢ စီၤမၡူလၣ်ဒီးပှၤလ့ၤဝံဖိစီၤၡၤဘသဲၤဘၣ်န့ၣ်, ပှၤတထီဒါဘၣ်တၢ်ကူၣ်ကျဲၤအံၤနီတဂၤဘၣ်န့ၣ်လီၤ.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်သိၣ်လီၤသီလီၤတၢ် 13:17

ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 17:9

ဒီးဆှၢထီၣ်သုကွီၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်ဒီး ဆူပှၤစံၣ်ညီၣ်ကွီၢ်တဖၣ်လၢအအိၣ်ဖဲတၢ်မၤအပူၤဖဲဆၢကတီၢ်အဝဲန့ၣ်, ဒီးပျဲအဝဲသ့ၣ်စံၣ်ညီၣ်တဲာ်ကွီၢ်န့ၣ်တက့ၢ်.

လံာ်စီၤယိၤၡူ 7:26

ဝံၤဒီးအဝဲသ့ၣ်ပာ်ဖှိၣ်လၢၢ် သ့ၣ်တဖၣ်လၢအဖီခိၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ. လၢတၢ်န့ၣ်အဃိ, တၢ်ကိးန့ၢ်တၢ်လီၢ်တတီၤအံၤအမံၤလၢတၢ်ပၢၤ ခိၣ်လၢကစၢၢ်ကဆူးဧၤကိၢ်, အခီပညီတၢ်ကီတၢ်ခဲန့ၣ်လီၤ. အန့ၣ်ဝံၤဒီးယွၤတသးဒိၣ်အဝဲသ့ၣ်လၢၤဘၣ်န့ၣ်လီၤ.