လံာ်စီၤဧ့စြၤ 10:12 - Sgaw Karen Common Bible

¹² ပှၤဂီၢ်မုၢ်ကိးသတြီထီၣ်ဒီးစံးဆၢဝဲ, “ပကမၤတၢ်ဒ်နစံးဘၣ် ပှၤတမံၤဂ့ၤတမံၤဂ့ၤလီၤ.”

လံာ်စီၤဧ့စြၤ 10:12 Iomraidhean Croise

လံာ်စီၤဧ့စြၤ 10:11

ဒီးခဲကနံၣ်အံၤ, တဲလီၤကျဲၤလီၤသုတၢ်ဒဲးဘးတဖၣ်ဆူယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်ဒီးမၤတၢ်လၢအဘၣ် အသးန့ၣ်တက့ၢ်. မၤလီၤဖးလိာ်သုသးဒီးပှၤတခီဘီမုၢ်ဖိ တဖၣ်လၢအအိၣ်အဆိးလၢပထံပကီၢ်အပူၤဒီးတၢၤကွံာ်သုမါပှၤတခီ ဘီမုၢ်ဖိတဖၣ်တက့ၢ်.”

လံာ်စီၤဧ့စြၤ 10:13

ဘၣ်ဆၣ်အဝဲသ့ၣ်စံးအါထီၣ်ကဒီးဝဲ, “ပှၤဂီၢ်မုၢ်အံၤအါကဲာ် ဆိးဒီးတၢ်စူၤဆူၣ်ဒိၣ်မးလီၤ. ပဆၢထၢၣ်ဖဲအံၤလၢတၢ်ပျီပူၤဒ်သိးအံၤတကဲဘၣ်. တၢ်အံၤတမ့ၢ်တၢ်တမံၤလၢအဘၣ်တၢ်မၤအီၤလၢတသီခံသီအတီၢ်ပူၤ သ့ဝဲဘၣ်. အဂ့ၢ်ဒ်အံၤ, ပဝဲဒၣ်အါဂၤပအိၣ်ဃါဃုာ်လၢတၢ်ဒဲးဘးအံၤအပူၤ န့ၣ်လီၤ.

လံာ်စီၤနဃ့မယၤ 13:23

လၢအကတီၢ်အဝဲန့ၣ်ယထံၣ်ဘၣ်စ့ၢ်ကီးပှၤယူဒၤဖိပိာ်ခွါအါဂၤ ဟံးန့ၢ်အမါလၢပိာ်မုၣ်တဖၣ်လၢကီၢ်အၤစဒိး, ကီၢ်ဧၣ်မိၣ်ဒီးကီၢ်မိၤအးန့ၣ်လီၤ.

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

စံးထီၣ်ပတြၢၤ 78:57

မ့မ့ၢ်အဝဲသ့ၣ်ပူထီၣ်လီထီၣ်တၢ်ဒီး အသးတတီဘၣ်ဒ် အမိၢ်ပၢ်ဖံဖုလၢပျၢၤတဖၣ်အသိးဒီး တၢ်နာ်န့ၢ်အီၤတသ့ဘၣ်ဒ်သိးဒၣ်ပျၢ်လၢ အက့ၣ်အဘိန့ၣ်လီၤ.