လံာ်စီၤဧ့စြၤ 10:11 - Sgaw Karen Common Bible

¹¹ ဒီးခဲကနံၣ်အံၤ, တဲလီၤကျဲၤလီၤသုတၢ်ဒဲးဘးတဖၣ်ဆူယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်ဒီးမၤတၢ်လၢအဘၣ် အသးန့ၣ်တက့ၢ်. မၤလီၤဖးလိာ်သုသးဒီးပှၤတခီဘီမုၢ်ဖိ တဖၣ်လၢအအိၣ်အဆိးလၢပထံပကီၢ်အပူၤဒီးတၢၤကွံာ်သုမါပှၤတခီ ဘီမုၢ်ဖိတဖၣ်တက့ၢ်.”

လံာ်စီၤဧ့စြၤ 10:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

လံာ်စီၤဧ့စြၤ 10:10

ပှၤလုၢ်တၢ်အခိၣ်စီၤဧ့စြၤဂဲၤဆၢထၢၣ်ဒီးကတိၤတၢ်ဒီးအဝဲသ့ၣ် န့ၣ်လီၤ. အဝဲစံးဝဲ, “သုမ့ၢ်တ့ၢ်ပှၤလၢအကလုၢ်တတီဒီးဒုးလီၤဘၣ်တၢ် ကမၣ်လၢကီၢ်အံၣ်စရ့လးအလိၤခီဖျိသုဆီဟံၣ်ဆီဃီ ဒီးပှၤတခီဘီမုၢ်ဖိပိာ်မုၣ်တဖၣ်န့ၣ်လီၤ.

လံာ်စီၤဧ့စြၤ 10:12

ပှၤဂီၢ်မုၢ်ကိးသတြီထီၣ်ဒီးစံးဆၢဝဲ, “ပကမၤတၢ်ဒ်နစံးဘၣ် ပှၤတမံၤဂ့ၤတမံၤဂ့ၤလီၤ.”

လံာ်စီၤဧ့စြၤ 10:3

ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.

လံာ်စီၤဧ့စြၤ 9:1

ဖဲတၢ်တဖၣ်အံၤဘၣ်တၢ်မၤဝံၤအီၤအလီၢ်ခံန့ၣ်, အံၣ်စရ့လးအပှၤဂီၢ်မုၢ်အခိၣ်အနၢ်တနီၤဟဲဒီးတဲဘၣ်ယၤလၢပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်တအိၣ်မၤလီၤဖးအသး ဒီးထံကီၢ်အိၣ်ဘူးအိၣ်တံၢ်တဖၣ်လၢအမ့ၢ်ဝဲကီၢ်ဧၣ်မိၣ်, ကီၢ်မိၤအး, ဒီးကီၢ်အဲၤကူပတူးအပှၤဂီၢ်မုၢ်တဖၣ်မ့ၢ်ဂ့ၤ, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤယဘူၣ်ဖိတဖၣ်, ဒီးပှၤအမိၢ်ဖိတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤတၢ်လၢအလီၤသးဘၣ်အၢတဖၣ်တမံၤဃီဒ်ပှၤဂီၢ်မုၢ်တဖၣ် အံၤမၤတ့ၢ်ဝဲအသိးန့ၣ်လီၤ.

လံာ်စီၤနဃ့မယၤ 13:3

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတၢ်သိၣ်တၢ်သီ အံၤဘၣ်တၢ်ဖးထီၣ်အီၤန့ၣ်, အဝဲသ့ၣ်နီၣ်ထီၣ်ကွံာ်ကယဲၢ်ပှၤတခီ ဘီမုၢ်ခဲလၢာ်လၢအတၢ်ကရၢကရိအပူၤန့ၣ်လီၤ.

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 56:4

ယွၤစံးဘၣ်ပှၤဒ်န့ၣ်အသိးတဂၤ, “နမ့ၢ်ယူးယီၣ်ယၤခီဖျိနတိၢ်န့ၢ်မုၢ်အိၣ်ဘှံးနံၤ, နမ့ၢ်မၤတၢ်လၢအမၤသးမုာ်ယၤ ဒီးဟံးဃာ်ယတၢ်အၢၣ်လီၤအီလီၤ လၢတၢ်သူၣ်တီသးရၤအပူၤဒီး,

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 7:3

ယွၤစံးဝဲဒၣ်, “လဲလိာ်ကျဲလၢသုအိၣ်မူအီၤဒီးတၢ်တဖၣ်လၢသု မၤတ့ၢ်အီၤန့ၣ်တက့ၢ်. ဒီးယကပျဲသုအိၣ်မူဒံးဖဲအံၤဆူညါ န့ၣ်လီၤ.

လံာ်ယဃ့းစက့လး 18:30

ခဲကနံၣ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်တဲဘၣ်သုဝဲ ပှၤအံၣ်စရ့လးဖိတဖၣ်လၢ, ယကစံၣ်ညီၣ်သုဝဲတဂၤဘၣ် တဂၤစုာ်စုာ်ဒ်တၢ်လၢသုမၤတ့ၢ်အီၤအသိးန့ၣ်လီၤ. ဃၣ်ကွံာ်သုသးလၢကယဲၢ်တၢ်အၢတၢ်သီလၢသုမၤအီၤ, ဒီးပျဲသုတၢ်ဒဲးဘးမၤဟးဂီၤသုန့ၣ်တဂ့ၤ.

လံာ်ယိၤဟၣ် 9:24

ပှၤယူဒၤဖိအခိၣ်အနၢ်တဖၣ်ကိးကဒါက့ၤပှၤလၢအမဲာ်ထံၣ်ထီၣ် က့ၤတၢ်တဂၤန့ၣ်ခံဘျီတဘျီဒီးစံးဘၣ်အီၤ, “အၢၣ်လီၤနသးလၢကစၢ်ယွၤအမဲာ်ညါလၢနကတဲတၢ်မ့ၢ် တၢ်တီန့ၣ်တက့ၢ်. ပသ့ၣ်ညါလၢပှၤလၢအမၤဘျါနၤအံၤ မ့ၢ်ပှၤတၢ်ဒဲးဘးဖိတဂၤန့ၣ်လီၤ.”

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”