လံာ်စီၤဧ့စြၤ 1:8 - Sgaw Karen Common Bible

⁸ အဝဲဟ့ၣ်က့ၤတၢ်သ့ၣ်တဖၣ်အံၤဆူစီၤပၤအပှၤပၢၤတၢ်လုၢ်ဒိၣ်ပှ့ၤဒိၣ် အခိၣ်စီၤမံးသြၤဒး, လၢအဂံၢ်ဒီးကွဲးနီၣ်တၢ်ဖိတၢ်လံၤအနီၣ်ဂံၢ်ဒီးကၢပှ့ၤကၢ ကလံၤလၢကီၢ်ယူဒၤအပဒိၣ်ဖးဒိၣ်စီၤၡ့ၡဘးစၢ်အဂီၢ်ဒ်လာ်အံၤလီၤ.

လံာ်စီၤဧ့စြၤ 1:8 Iomraidhean Croise

လံာ်စီၤဧ့စြၤ 1:11

တၢ်အဃၢၤအဃိၢ်ခဲလၢာ်လၢထူဒီးစ့န့ၣ်မ့ၢ်ဝဲယဲၢ်ကထိလွံၢ် ကယၤဒီးတၢ်အဂုၤအဂၤလၢစီၤၡ့ၡဘးစၢ်ဟဲက့ၤစိာ်ဝဲဖဲအဝဲဒီး ပှၤဘၣ်တၢ်စိာ်မၢကဲကုၢ်အဂၤတဖၣ်ဟးထီၣ်လၢကီၢ်ဘၤဘူၤလိၣ်ဒီး ဟဲက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤဧ့စြၤ 2:2

အဝဲသ့ၣ်အခိၣ်အနၢ်တဖၣ်မ့ၢ်ဝဲစီၤစရူၤဘၤဘ့လး, စီၤယိၤရူ, စီၤနဃ့မယၤ, စီၤစရါယၤ, စီၤရ့လယၤ, စီၤမၢ်ဒကဲၤ, စီၤဘံးလၡၣ်, စီၤမံးစပၢ်, စီၤဘံးကဝဲၤ, စီၤရဃူၣ်ဒီးစီၤဘၤနါလီၤ. အအံၤမ့ၢ်ပှၤအံၣ်စရ့လးဖိအဒူၣ်အထၢအတၢ်ကွဲးနီၣ်ဃုာ်ဒီးအနီၣ်ဂံၢ် လၢဒူၣ်ထၢတဒူၣ်စုာ်စုာ်လၢအဟဲက့ၤကဒါက့ၤလၢတၢ်စိာ်မၢကဲကုၢ် န့ၣ်လီၤ.

လံာ်စီၤဧ့စြၤ 5:14

အဝဲဟ့ၣ်က့ၤတၢ်လုၢ်ဟံၣ်အဃၢၤအဃိၢ်ထူဒီးစ့လၢစီၤပၤနဘူၤကး န့စၢ်ဟံးန့ၢ်ကွံာ်လၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤဒီးက့ၤ ပာ်ဝဲလၢတၢ်လုၢ်ဟံၣ်လၢကီၢ်ဘၤဘူၤလိၣ်န့ၣ်လီၤ. စီၤပၤဖးဒိၣ်ကိရ့ၣ်ဟ့ၣ်က့ၤတၢ်အဃၢၤအဃိၢ်တဖၣ်အံၤဆူ ပှၤတဂၤလၢအမံၤမ့ၢ်စီၤၡ့ၡဘးစၢ်, ပှၤလၢအဝဲဃုထၢပာ်လီၤဝဲဒ် ကီၢ်ယူဒၤအပဒိၣ်ဖးဒိၣ်, အစုပူၤန့ၣ်လီၤ.

လံာ်စီၤဧ့စြၤ 5:16

လၢတၢ်န့ၣ်အဃိ, စီၤၡ့ၡဘးစၢ်ဟဲဒီးပာ်လီၤတၢ်လုၢ်ဟံၣ်အခီၣ် ထံးန့ၣ်လီၤ. တၢ်သူၣ်ထီၣ်ဘှီထီၣ်စးထီၣ်အသးဖဲန့ၣ်တုၤခဲ ကနံၣ်အံၤ, ဘၣ်ဆၣ်တၢ်လုၢ်ဟံၣ်န့ၣ်တဝံၤဒံးဘၣ်.

လံာ်စီၤဧ့စြၤ 5:2

တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

လံာ်ယံးရမံယၤ 51:44

ယကစံၣ်ညီၣ်ဘၤဘူၤလိၣ်အယွၤဘ့လးဒီး မၢအဟ့ၣ်က့ၤတၢ်ဖိတၢ်လံၤလၢ အဟုၣ်တ့ၢ်ဝဲတဖၣ်လီၤ. ပှၤကလုာ်တဖၣ်တဘူၣ်ထီၣ်ဘါထီၣ်လၢၤအီၤနီတစုလၢၤဘၣ်. ဝ့ၢ်ဘၤဘူၤလိၣ်အခိၣ်ဒူတဖၣ်လီၤပှီၢ်လံ.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:14

ယွၤထိၣ်ဂဲၤတ့ၢ်ပှၤကိးဂၤဒဲး, ကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢတၢ်မၢကဲကုၢ်အပူၤအသး, ဒ်သိးကမၤတၢ်လၢတၢ်လုၢ်ဟံၣ်န့ၣ်လီၤ. အဝဲသ့ၣ်စးထီၣ်မၤတ့ၢ်တၢ်လၢယွၤသ့တၢ်လၢာ်ကစၢ်, အဝဲသ့ၣ်အကစၢ်ယွၤအတၢ်လုၢ်ဟံၣ်,