လံာ်စီၤဧ့စြၤ 1:2 - Sgaw Karen Common Bible

² “အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤဧ့စြၤ 1:2 Iomraidhean Croise

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:12

စံးထီၣ်ပတြၢၤယွၤ, အံၣ်စရ့လးအကစၢ်ယွၤ, ကစၢ်လၢအတ့လီၤမူခိၣ်ဒီးဟီၣ်ခိၣ်တဂၤန့ၣ်တက့ၢ်. အဝဲဟ့ၣ်လီၤတ့ၢ်လံစီၤပၤစီၤဒၤဝံးလၢဖိခွါလၢအကူၣ်တၢ်သ့ တဂၤလၢအပှဲၤဒီးတၢ်သ့ၣ်ညါဒီးတၢ်သ့တၢ်ဘၣ်, လၢခဲကနံၣ်အံၤကူၣ်ကျဲၤဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢ ယွၤအဂီၢ်, ဒီးနီတဖျၢၣ်လၢအနီၢ်ကစၢ်ဒၣ်ဝဲအဂီၢ်န့ၣ်လီၤ.

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 4:3

စီၤစရူၤဘၤဘ့လး, စီၤယိၤၡူဒီးဒူၣ်ထၢအခိၣ်တဖၣ်တဲဘၣ်အဝဲ သ့ၣ်, “ပတလိၣ်ဘၣ်သုတၢ်မၤစၢၤလၢတၢ်ဘှီထီၣ်တၢ်လုၢ်ဟံၣ်တ ဖျၢၣ်လၢယွၤ, ပကစၢ်ယွၤအဂီၢ်ဘၣ်. ပကဘှီထီၣ်ဒၣ်ပတၢ်ဒၣ်ဝဲဒ်ကီၢ်ပၤရၣ်အစီၤပၤစီၤကိရ့ၣ်မၤလိာ် တ့ၢ်ပှၤအသိးန့ၣ်လီၤ.”

လံာ်စီၤဧ့စြၤ 5:15

စီၤပၤဖးဒိၣ်တဲဘၣ်တ့ၢ်အီၤလၢကဟံးထီၣ်ကွံာ်တၢ်တဖၣ်န့ၣ်ဒီး က့ၤစိာ်ပာ်က့ၤအီၤလၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤဒီးဘှီ ကဒါက့ၤတၢ်လုၢ်ဟံၣ်ဖဲအလီၢ်လၢအအိၣ်ပာ်စၢၤတ့ၢ်လၢညါန့ၣ်လီၤ.

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤဧ့စြၤ 6:3

“ဖဲစီၤပၤဖးဒိၣ်ကိရ့ၣ်ပၢတၢ်အခီၣ်ထံးတနံၣ်န့ၣ်အဝဲမၤလိာ် တ့ၢ်ဝဲလၢဝ့ၢ်ယရူၤၡလ့ၣ်အတၢ်လုၢ်ဟံၣ်ကဘၣ်တၢ်သူၣ်ထီၣ်ကဒါက့ၤ အီၤဒ်တၢ်လီၢ်တတီၤဖဲတၢ်လုၢ်တၢ်ပာ်တဖၣ်ဘၣ်တၢ်မၤအီၤ, ဒီးတၢ်မၤဘူၣ်တဖၣ်ဘၣ်တၢ်ဆိၣ်ကဲၤအီၤန့ၣ်လီၤ. တၢ်လုၢ်ဟံၣ်န့ၣ်ကဘၣ်ထီအပျၢ်ဃုဆံဒီးကဘၣ်လဲၢ်အပျၢ်ဃုဆံ န့ၣ်လီၤ.

လံာ်စီၤဧ့စြၤ 7:12

“လၢစီၤပၤဖးဒိၣ်အၢ်တၤၡါၡတၤဆူပှၤလုၢ်တၢ်အခိၣ်စီၤဧ့ စြၤ, ပှၤကူၣ်သ့ကူၣ်ဘၣ်လၢယူဒၤအတၢ်သိၣ်တၢ်သီလၢမူခိၣ်အကစၢ်ယွၤ ဟ့ၣ်လီၤဝဲအပူၤ.

လံာ်စီၤနဃ့မယၤ 1:4

ဒီးတုၤယနၢ်ဟူတၢ်သ့ၣ်တဖၣ်အံၤခဲလၢာ်ဝံၤန့ၣ်ဒီးယဆ့ၣ်နီၤ ဟီၣ်ယဲလီၤ. ယဟီၣ်ဒီးယတအီၣ်တအီတၢ်နီတမံၤတဘျုးသီန့ၣ်လီၤ. ဒီးယဃ့ဘါထုကဖၣ်ဆူကစၢ်ယွၤအအိၣ်လီၤ.

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

စံးထီၣ်ပတြၢၤ 136:26

စံးထီၣ်ပတြၢၤကစၢ်ယွၤလၢအအိၣ်ဝဲလၢမူခိၣ်န့ၣ်တက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 85:2

နပျၢ်တ့ၢ်နပှၤဂီၢ်မုၢ်တဖၣ်အတၢ်ဒဲးဘး ဒီးနပျၢ်ကွံာ်အဝဲသ့ၣ်အတၢ်ကမၣ်ခဲလၢာ်န့ၣ်လီၤ. စ့လၤ

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ဒၤနံးယ့လး 1:21

စီၤဒၤနံးယ့လးမၤဒံးတၢ်လၢစီၤပၤအနီပူၤန့ၣ်တုၤလၢစီၤပၤ စီၤကိရ့ၣ်, ပၤရၣ်အစီၤပၤဖးဒိၣ်လၢအဟဲဒုးန့ၢ်ကီၢ်ဘၤဘူၤလိၣ်, ပၢတၢ်အခီၣ်ထံးတနံၣ်န့ၣ်လီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 2:28

ဘၣ်ဆၣ်ဒီးကစၢ်ယွၤလၢအမၤဖျါထီၣ်အတၢ်ခူသူၣ်အဒိၣ်အ ယိာ်အိၣ်ဝဲဒၣ်လၢမူခိၣ်တဂၤလီၤ. အဝဲလီၣ်ဖျါထီၣ်တ့ၢ်တၢ်ကမၤအ သးလၢမုၢ်နံၤလၢခံတဖၣ်အဂ့ၢ်န့ၣ်ဆူနၤ, စီၤပၤနဘူၤကးန့စၢ်အအိၣ်န့ၣ်လီၤ. ခဲကနံၣ်အံၤယကတဲဘၣ်နၤတၢ်မံမီၢ်ဒီးတၢ်ထံၣ်လၢညါခီလၢ နထံၣ်ဘၣ်တ့ၢ်ဖဲနမံသပ့ၤဘၣ်နသးအခါန့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ယိၤနါ 1:9

စီၤယိၤနါစံးဆၢဝဲ, “ယမ့ၢ်ပှၤဧ့ၤဘြံၤဖိလီၤ. ယဘူၣ်ထီၣ်ဘါထီၣ်ယွၤ, မူခိၣ်အကစၢ်ယွၤလၢအတ့လီၤပီၣ်လဲၣ်ဒီးခိန့ၣ်လီၤ.”