လံာ်စီၤဧ့စြၤ 1:1 - Sgaw Karen Common Bible

¹ ဖဲကီၢ်ပၤရၣ်အစီၤပၤဖးဒိၣ်စီၤကိရ့ၣ်ပၢတၢ်အခီၣ်ထံးတနံၣ် န့ၣ်, ယွၤမၤလၢထီၣ်ပှဲၤထီၣ်တၢ်လၢအစံးတ့ၢ်ဝဲခီဖျိဝံယံးရမံယၤ န့ၣ်လီၤ. အဝဲမၢန့ၢ်ဆီၣ်ခံစီၤကိရ့ၣ်ဒ်သိးအကဟ့ၣ်လီၤအကလုၢ်ဒီးဆှၢ လီၤအီၤလၢတၢ်ကွဲးဒ်လၢလာ်အံၤအသိး, လၢကဘၣ်တၢ်ဖးအီၤလၢအကလုၢ်ဖးဒိၣ်လၢတၢ်လီၢ်ကိးပူၤဒဲးလၢ အဘီအမုၢ်အပူၤန့ၣ်လီၤ.

လံာ်စီၤဧ့စြၤ 1:1 Iomraidhean Croise

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤဧ့စြၤ 4:3

စီၤစရူၤဘၤဘ့လး, စီၤယိၤၡူဒီးဒူၣ်ထၢအခိၣ်တဖၣ်တဲဘၣ်အဝဲ သ့ၣ်, “ပတလိၣ်ဘၣ်သုတၢ်မၤစၢၤလၢတၢ်ဘှီထီၣ်တၢ်လုၢ်ဟံၣ်တ ဖျၢၣ်လၢယွၤ, ပကစၢ်ယွၤအဂီၢ်ဘၣ်. ပကဘှီထီၣ်ဒၣ်ပတၢ်ဒၣ်ဝဲဒ်ကီၢ်ပၤရၣ်အစီၤပၤစီၤကိရ့ၣ်မၤလိာ် တ့ၢ်ပှၤအသိးန့ၣ်လီၤ.”

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤဧ့စြၤ 6:3

“ဖဲစီၤပၤဖးဒိၣ်ကိရ့ၣ်ပၢတၢ်အခီၣ်ထံးတနံၣ်န့ၣ်အဝဲမၤလိာ် တ့ၢ်ဝဲလၢဝ့ၢ်ယရူၤၡလ့ၣ်အတၢ်လုၢ်ဟံၣ်ကဘၣ်တၢ်သူၣ်ထီၣ်ကဒါက့ၤ အီၤဒ်တၢ်လီၢ်တတီၤဖဲတၢ်လုၢ်တၢ်ပာ်တဖၣ်ဘၣ်တၢ်မၤအီၤ, ဒီးတၢ်မၤဘူၣ်တဖၣ်ဘၣ်တၢ်ဆိၣ်ကဲၤအီၤန့ၣ်လီၤ. တၢ်လုၢ်ဟံၣ်န့ၣ်ကဘၣ်ထီအပျၢ်ဃုဆံဒီးကဘၣ်လဲၢ်အပျၢ်ဃုဆံ န့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

စံးထီၣ်ပတြၢၤ 106:46

အဝဲထိးဘၣ်ပှၤမၤနးမၤဖှီၣ် အဝဲသ့ၣ်တဖၣ်အသး ဒ်သိးကသးကညီၤက့ၤအဝဲသ့ၣ်န့ၣ်လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယံးရမံယၤ 1:1

လံာ်အံၤမ့ၢ်တၢ်ဂ့ၢ်ဘၣ်ဃးဒီးပှၤလုၢ်တၢ်အခိၣ်တဖၣ်အကျါတဂၤ လၢအအိၣ်လၢဝ့ၢ်ဧၤနသိးလၢကီၢ်ဘံၣ်ယၤမံၣ်အပူၤစီၤဃံးလကံယၤ အဖိခွါစီၤယံးရမံယၤစံးကတိၤတ့ၢ်ဝဲန့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယဃ့းစက့လး 38:5

ပှၤပိာ်ခွါတဖၣ်လၢကီၢ်ပၤရၣ်, ကီၢ်ကူၤၡးဒီးကီၢ်လံးဘယၣ်အိၣ် ဒီးအီၤဒီးအဝဲသ့ၣ်ခဲလၢာ်အိၣ်ဒီးကတီၤတဖၣ်ဒီးခိၣ်ကုာ်သုးတဖၣ် န့ၣ်လီၤ.

လံာ်ဒၤနံးယ့လး 1:21

စီၤဒၤနံးယ့လးမၤဒံးတၢ်လၢစီၤပၤအနီပူၤန့ၣ်တုၤလၢစီၤပၤ စီၤကိရ့ၣ်, ပၤရၣ်အစီၤပၤဖးဒိၣ်လၢအဟဲဒုးန့ၢ်ကီၢ်ဘၤဘူၤလိၣ်, ပၢတၢ်အခီၣ်ထံးတနံၣ်န့ၣ်လီၤ.

လံာ်ဒၤနံးယ့လး 2:1

လၢစီၤပၤစီၤနဘူၤကးန့စၢ်ပၢတၢ်ခံနံၣ်တနံၣ်န့ၣ်မံမီၢ်ဝဲတၢ်မံမီၢ် တမံၤန့ၣ်လီၤ. တၢ်မံမီၢ်န့ၣ်မၤကိၢ်မၤဂီၤအီၤဒိၣ်မးတုၤဒၣ်လဲာ်မံဝဲ တန့ၢ်ဘၣ်,

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်ယိၤဟၣ် 1:23

စီၤယိၤဟၣ်စံးဆၢဝဲဒ်ဝံယၡါယၤစံးဝဲအသိး, “ယမ့ၢ်ပှၤအကလုၢ်သီၣ်လၢအကိးထီၣ်လၢပှၢ်မုၢ်ကနၢ မၤလိၤမၤဘျၢပာ်ကျဲလၢကစၢ်ကလဲၤတၢ်အဂီၢ်တက့ၢ်” န့ၣ်လီၤ.