လံာ်ယဃ့းစက့လး 9:8 - Sgaw Karen Common Bible

⁸ ဖဲတၢ်မၤသံမၤဝီမၤဒံးအသးအဖၢမုၢ်န့ၣ်, ယအိၣ်ဖဲန့ၣ်ထဲတဂၤဧိၤလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးထီၣ်, “ယွၤပၢဘၣ်တၢ်ခဲလၢာ်ကစၢ်ဧၢ, မ့ၢ်နသးထီၣ်ဘၣ်မးဝ့ၢ်ယရူၤၡလ့ၣ် ထဲထဲအံၤတုၤဒၣ်လဲာ်နကမၤသံပှၤကိးဂၤဒဲးလၢအအိၣ်လီၤတဲာ် လၢကီၢ်အံၣ်စရ့လးအပူၤန့ၣ်ဧါ.”

လံာ်ယဃ့းစက့လး 9:8 Iomraidhean Croise

လံာ်တၢ်ကဲထီၣ်အခီၣ်ထံး 18:23

ဒီးစီၤအၤဘြၤဟၣ်သုးဘူးအသးဆူယွၤအအိၣ်ဒီးသံကွၢ်ဝဲ, “မ့ၢ်နကမၤဟးဂီၤကွံာ်ပှၤလၢအတၢ်ကမၣ်တအိၣ်ဃုာ်ဒီးပှၤလၢအတၢ် ကမၣ်အိၣ်န့ၣ်သပှၢ်တၢၢ်ဧါ.

လံာ်ကွဲးနီၣ်တၢ်အခီၣ်ထံးတဘ့ၣ် 21:16

စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

လံာ်ယံးရမံယၤ 14:13

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, နသ့ၣ်ညါလၢဝံတဖၣ်တဲဘၣ်ပှၤဂီၢ် မုၢ်လၢတၢ်ဒုးတၢ်ယၤဒီးတၢ်သၣ်ဝံၤလီၤဒိတအိၣ်လၢၤဘၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စံးဝဲ, နအၢၣ်လီၤတ့ၢ်လၢ, သပှၢ်ကတၢၢ်လၢပထံပကီၢ်အပူၤအံၤန့ၣ်, ကအိၣ်ထဲတၢ်ဃူတၢ်ဖိးဧိၤန့ၣ်လီၤ.”

လံာ်ယံးရမံယၤ 14:19

ယွၤဧၢ, မ့ၢ်နညိကွံာ်ကီၢ်ယူဒၤလၢာ်လၢာ်ဆ့ဆ့လံဧါ. မ့ၢ်နသးဟ့ဝ့ၢ်စံယိၣ်အပှၤဂီၢ်မုၢ်လံဧါ. ဘၣ်မနုၤအဃိနမၤဘၣ်ဒိဘၣ်ထံးပှၤအၢအၢသီသီ တုၤဒၣ်လဲာ် တၢ်မၤဘျါက့ၤပှၤတသ့န့ၣ်လဲၣ်. ပကွၢ်လၢ်တၢ်ဃူတၢ်ဖိး, ဘၣ်ဆၣ်တၢ်အဂ့ၤတမၤအသးနီတမံၤဘၣ်. ပမုၢ်လၢ်တၢ်မၤဘျါက့ၤ, ဘၣ်ဆၣ်တၢ်မၤပျံၤမၤဖုးဟဲလၢအလီၢ်န့ၣ်လီၤ.

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ယဃ့းစက့လး 11:13

ဖဲယကတိၤတၢ်လၢဝံအကျိာ်အဖၢမုၢ်န့ၣ်, စီၤပလၤတယၤလီၤဃံၤသံဝဲလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးသတြီထီၣ်, ယွၤပၢဘၣ်တၢ်ဘၣ်တ့ခဲလၢာ်ကစၢ်ဧၢ, တဘၣ်မၤဒ်န့ၣ်တဂ့ၤ. မ့ၢ်နမၤသံပှၤကိးဂၤဒဲးလၢအအိၣ်လီၤတဲာ်လၢကီၢ်အံၣ်စရ့လး အပူၤအံၤန့ၣ်ဧါ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်တၢ်ဂံၢ် 14:5

အန့ၣ်ဒီးစီၤမိၤၡ့ဒီးစီၤအၤဟရိၣ်တီၤလီၤလၢဟီၣ်ခိၣ်လိၤ လၢပှၤဂီၢ်မုၢ်အမဲာ်ညါလီၤ.

လံာ်တၢ်ဂံၢ် 16:4

ဖဲစီၤမိၤၡ့နၢ်ဟူဘၣ်တၢ်အံၤဒီး, အဝဲကွံာ်လီၤအသးလၢဟီၣ် ခိၣ်လိၤဒီးဘါထုကဖၣ်တၢ်လီၤ.

လံာ်တၢ်ဂံၢ် 16:45

“ဆၢထၢၣ်လၢပှၤဂီၢ်မုၢ်အံၤအလီၢ်ခံဒီးယကမၤဟးဂီၤကွံာ်အီၤ တဘျီဃီန့ၣ်လီၤ. အဝဲသ့ၣ်ခံဂၤတီၤလီၤဒီးကျးလီၤအမဲာ်ဆူ ဟီၣ်ခိၣ်လိၤ,

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.