လံာ်ယဃ့းစက့လး 9:2 - Sgaw Karen Common Bible

² တဘျီဃီ, ပှၤဃုဂၤဟဲထီၣ်ဝဲလၢယွၤအတၢ်လုၢ်ဟံၣ်ကလံၤစိးအတြဲၤအချၢတခီ, တဂၤစုာ်စုာ်စိာ်ဒီးစုကဝဲၤတခါန့ၣ်လီၤ. ပှၤတဂၤလၢအကူသိးဖှီဝါကဆှၣ်အိၣ်ဒီးအဝဲသ့ၣ်, စိာ်ဃုာ်ဒီးတၢ်တမံၤလၢကကွဲးတၢ်အဂီၢ်လီၤ. အဝဲသ့ၣ်ခဲလၢာ်ဟဲဒီးဆၢထၢၣ်ဝဲဖဲတၢ်လုၢ်လီၢ်တိၢ်ဘီအကပၤ န့ၣ်လီၤ.

လံာ်ယဃ့းစက့လး 9:2 Iomraidhean Croise

လံာ်စီၤပၤခံဘ့ၣ်တဘ့ၣ် 15:35

ဘၣ်ဆၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ်တၢ်မၤ ဟးဂီၤကွံာ်အီၤဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံးတၢ်နၢမူဖဲန့ၣ်လီၤ. ပှၤလၢအဘှီထီၣ်ယွၤအတၢ်လုၢ်ဟံၣ်အကလံၤစိးတြဲၤန့ၣ်မ့ၢ်ဝဲစီၤ ယိၤသၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:3

ပှၤသူၣ်ထီၣ်ဘှီထီၣ်ယွၤအတၢ်လုၢ်ဟံၣ်အကလံၤစိးအတြဲၤဖးဒိၣ် န့ၣ်, မ့ၢ်ဝဲစီၤယိၤသၣ်ဒီးအဝဲမၤဂ့ၤထီၣ်လဲၢ်ထီၣ်ဝ့ၢ်အခိၣ်ဒူ လၢဝ့ၢ်ယရူၤၡလ့ၣ်အလီၢ်ကဝီၤလၢတၢ်ကီးအီၤလၢဧိၤဖ့လးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:1

စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်တၢ်ဟးထီၣ်ကွံာ် 40:29

ဒီးဖဲန့ၣ်လၢယၣ်ဘျးသဒၢတၢ်အမဲာ်ညါန့ၣ်, အဝဲပာ်လီၤတၢ်လုၢ် လီၢ်လၢတၢ်ကဆိၣ်ကဲၤအတၢ်လုၢ်တၢ်ပာ်တဖၣ်အဂီၢ်န့ၣ်လီၤ. လၢတၢ်လုၢ်လီၢ်အဖီခိၣ်န့ၣ်အဝဲလုၢ်ထီၣ်ပာ်ထီၣ်တၢ်လုၢ်မ့ၣ်အူဒီးတၢ် လုၢ်ဘုဧိၤဟုဧိၤဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်ယံးရမံယၤ 1:15

အဂ့ၢ်ဒ်အံၤ, ယကိးထီၣ်ပှၤကလုာ်တဖၣ်ခဲလၢာ်လၢကလံၤစိးတခီ ဒ်သိးကဟဲဝဲအဂီၢ်လီၤ. အဝဲသ့ၣ်အစီၤပၤတဖၣ်ကပာ်ထီၣ် အလီၢ်ပစိာ်တဖၣ်ဖဲဝ့ၢ်ယရူၤရှလ့ၣ်အတြဲၤတဖၣ်, ဒီးဝးတရံးအဒူၣ် တဖၣ်, ဒီးဝးတရံးကီၢ်ယူဒၤအဝ့ၢ်တဖၣ်စ့ၢ်ကီးန့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 26:10

ဖဲကီၢ်ယူဒၤအခိၣ်အနၢ်တဖၣ် နၢ်ဟူတၢ်လၢအမၤတ့ၢ် အသးအံၤန့ၣ်, အဝဲသ့ၣ်ဟးထီၣ်ချ့ချ့လၢ စီၤပၤအနူၢ်ပူၤ ဟဲဝဲဆူယွၤအတၢ်လုၢ်ဟံၣ် ဒီးဟံးန့ၢ်တၢ်အလီၢ်တဖၣ် ဖဲယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယံးရမံယၤ 4:6

နဲၣ်ဃီၤကျဲဆူဝ့ၢ်စံယိၣ်တက့ၢ်. ဃ့ၢ်ထီၣ်လၢတၢ်ပူၤဖျဲးအဂီၢ်တက့ၢ်. သုးဆၢသုးကတီၢ်တဂ့ၤ. အဂ့ၢ်ဒ်အံၤ, ယွၤဟဲစိာ်တၢ်တတၢးတနါ ဒီးတၢ်ဟးဂီၤဖးဒိၣ်လၢကလံၤစိးတခီလီၤ.

လံာ်ယဃ့းစက့လး 10:2

ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ယဃ့းစက့လး 9:11

တုၤနုၤတစု, ပှၤတဂၤလၢအကူကၤဖှီဝါကဆှၣ်န့ၣ်ကဟဲက့ၤ ကဒါက့ၤဒီးပာ်ဖျါက့ၤတၢ်ဆူယွၤအအိၣ်ဒီးစံးဝဲ, ယမၤတ့ၢ်လံတၢ်ဒ်နဟ့ၣ်လီၤနကလုၢ်အသိးန့ၣ်လံ.”

လံာ်ယဃ့းစက့လး 9:3

ဝံၤဒီးကီၢ်အံၣ်စရ့လးအကစၢ်ယွၤအတၢ်အိၣ်ဝဲအတၢ်ကပီၤဆဲးက ပြုၢ်ကပြီၤထီၣ်ဝဲလၢတၢ်ဘၣ်တ့လၢအအိၣ်ဒီးအဒံးဆ့တဖၣ် အအိၣ်လၢတၢ်လီၢ်ဖဲအအိၣ်ဝဲ, ဒီးသုးအသးဆူယွၤအတၢ်လုၢ် ဟံၣ်အကျဲစၢၤန့ၣ်လီၤ. ယွၤကိးထီၣ်ဆူပှၤကူသိးတၢ်ဖှီဝါကဆှၣ်တဂၤအအိၣ်ဒီးစံးဝဲ,

လံာ်ဒၤနံးယ့လး 10:5

ယကွၢ်ထီၣ်ဒီးယထံၣ်တ့ၢ်ပှၤတဂၤသိးဆ့ဖှီဝါကဆှၣ်တဖၣ်အိၣ်ဒီးယီၢ် တကိးထူဂ့ၤဂ့ၤတဘိန့ၣ်လီၤ.

လံာ်ဒၤနံးယ့လး 12:6

လၢအကျါတဂၤသံကွၢ်တ့ၢ်မူခိၣ်ကလူးလၢအဆၢထၢၣ်စီၤစုၤ ဒီးအီၤလၢထံခံန့ၣ်ဒီးစံး, “တုၤတၢ်မၤအသးလီၤလိၢ်လီၤလး တဖၣ်ကတၢၢ်ဝဲတစုန့ၣ်မ့ၢ်ကယံာ်ဆံးယံာ်ဒံးလဲၣ်.”

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်လီၣ်ဖျါ 15:6

ကလူးနွံဂၤလၢအအိၣ်ဒီးတၢ်နးတၢ်ဖှီၣ်နွံမံၤန့ၣ်, ဟဲထီၣ်လၢ တၢ်လုၢ်ဟံၣ်အပူၤ, ကူဝဲသိးဝဲလၢဖှီဝါကဆှၣ်လၢအကဆှီဒီး ကတြ့ၣ်ကတြိၣ်, ဒီးကံၢ်တူာ်အသးနါပှၢ်လၢတၢ်အကွီၤထူ တဖၣ်န့ၣ်လီၤ.