လံာ်ယဃ့းစက့လး 9:1 - Sgaw Karen Common Bible

¹ အန့ၣ်ဝံၤဒီး, ယနၢ်ဟူကစၢ်ယွၤကိးထီၣ်ဝဲ, “ဟဲဖဲအံၤ, သုဝဲ ပှၤတဖၣ်လၢအကမၤဟးဂီၤဝ့ၢ်ယရူၤၡလ့ၣ်သ့ၣ်ဧၢ, ဟဲစိာ်ဃုာ်သုစုကဝဲၤတဖၣ်တက့ၢ်.”

လံာ်ယဃ့းစက့လး 9:1 Iomraidhean Croise

လံာ်စီၤပၤခံဘ့ၣ်တဘ့ၣ် 10:24

ဝံၤဒီးအဝဲဒီးစီၤယိၤနဒာ်လဲၤနုာ်ဝဲဒ်သိးကလုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်ဒီးတၢ်လုၢ်မ့ၣ်အူတဖၣ်ဆူဘဧၤလးအအိၣ်န့ၣ် လီၤ. အဝဲပာ်လီၤပှၤအဂၤဃိးဆံလၢတၢ်လုၢ်ဟံၣ်အချၢဒီးမၤလိာ်တ့ၢ် အဝဲသ့ၣ်လၢ, “သုကဘၣ်မၤသံကယဲၢ်ပှၤဂီၢ်မုၢ်အံၤခဲလၢာ်ဒီးပှၤတဂၤလၢ်လၢ် လၢအပျဲပူၤဖျဲးပှၤတဖၣ်အံၤအကျါတဂၤဂၤန့ၣ်ကဟ့ၣ်က့ၤတၢ်န့ၣ် အပှ့ၤလၢအဝဲအသးသမူန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:15

အန့ၣ်ဒီးအဝဲဆှၢလီၤကလူးတဂၤလၢကမၤဟးဂီၤကွံာ်ဝ့ၢ်ယရူၤ ၡလ့ၣ်န့ၣ်လီၤ. ဘၣ်ဆၣ်အဝဲလဲလိာ်ကွံာ်အတၢ်ပာ်လီၤအသးဒီးစံးဘၣ်ကလူးန့ၣ်, “ဆိကတီၢ်တက့ၢ်. ဘၣ်လံ.” ကလူးန့ၣ်ဆၢထၢၣ်ဝဲဖဲပှၤယဘူၣ်ဖိစီၤအၤရနၤအကြဲၢ်ပူၤန့ၣ်လီၤ.

လံာ်တၢ်ဟးထီၣ်ကွံာ် 12:23

ဖဲယွၤလဲၤခီဂာ်ကီၢ်အဲၤကူပတူးဒ်သိးကမၤသံပှၤအဲၤကူပတူး ဖိတဖၣ်အခါန့ၣ်ကထံၣ်ဝဲတၢ်သွံၣ်အိၣ်လၢကျိၤတဖၣ်အလိၤဒီးတြဲၤ အထူၣ်တဖၣ်အလိၤဒီးတပျဲဘၣ်အတၢ်သံ အကလူးနုာ်လီၤဆူသုဟံၣ်တဖၣ်အပူၤဒီးမၤသံသုဘၣ်န့ၣ်လီၤ.

လံာ်ယၡါယၤ 6:8

အန့ၣ်ဒီးယနၢ်ဟူယွၤစံးဝဲဒၣ်, “ယကမၢလီၤမတၤတဂၤလဲၣ်. ဒီးမ့ၢ်မတၤကကဲထီၣ်ပပှၤစိာ် တၢ်ကစီၣ်တဂၤလဲၣ်.” ဒီးယစံး, “ယကလဲၤလီၤ. ဆှၢလီၤယၤတက့ၢ်.”

လံာ်ယံးရမံယၤ 4:6

နဲၣ်ဃီၤကျဲဆူဝ့ၢ်စံယိၣ်တက့ၢ်. ဃ့ၢ်ထီၣ်လၢတၢ်ပူၤဖျဲးအဂီၢ်တက့ၢ်. သုးဆၢသုးကတီၢ်တဂ့ၤ. အဂ့ၢ်ဒ်အံၤ, ယွၤဟဲစိာ်တၢ်တတၢးတနါ ဒီးတၢ်ဟးဂီၤဖးဒိၣ်လၢကလံၤစိးတခီလီၤ.

လံာ်ယဃ့းစက့လး 43:3

တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”