လံာ်ယဃ့းစက့လး 8:18 - Sgaw Karen Common Bible

¹⁸ အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်ယဃ့းစက့လး 8:18 Iomraidhean Croise

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယၡါယၤ 59:1

ဆိကမိၣ်ထီၣ်လၢယွၤအံၤအဂံၢ်ဘါစၢ်ကဲၣ်ဆိးလၢကအုၣ် က့ၤခီၣ်က့ၤသုအဂီၢ်မ့ၢ်ဂ့ၤ, အနၢ်တအၢကဲာ်ဆိးတုၤဒၣ်လဲာ် ကနၢ်ဟူသုတၢ်ကိးထီၣ်လၢတၢ်မၤစၢၤအဂီၢ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်ယံးရမံယၤ 11:11

အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 23:39

ယကဟံးထီၣ်ကွံာ်အဝဲသ့ၣ်သပှၢ်ကတၢၢ်ဒီးကွံာ်ယံၤကွံာ်အဝဲသ့ၣ် ဒီးယၤ, အဝဲသ့ၣ်ဒီးဝ့ၢ်လၢယဟ့ၣ်လီၤတ့ၢ်အဝဲသ့ၣ် ဒီးအမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 44:3

အဂ့ၢ်ဒ်အံၤ, အဝဲသ့ၣ်အပှၤဂီၢ်မုၢ် မၤတ့ၢ်တၢ်အၢတၢ်သီ ဒီး မၤသးဒိၣ်ထီၣ်တ့ၢ်ယၤအဃိလီၤ. အဝဲသ့ၣ် လုၢ်ထီၣ် တ့ၢ်တၢ်ဆူ ကစၢ်အဂၤတဖၣ်ဒီး မၤတ့ၢ်ကစၢ်တဖၣ်လၢ အဝဲသ့ၣ်မ့ၢ်ဂ့ၤ, သုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ် ဂ့ၤတဘူၣ်ထီၣ်ဘါထီၣ်နီတဘျီနီတစုဘၣ် အတၢ်မၤန့ၣ်လီၤ.

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်သးသယုၢ်တၢ် 1:5

အဒုၣ်အဒါတဖၣ်မၤနၢၤကွံာ်အီၤဒီးအိၣ်ဝဲဘီၣ်ထီၣ်ညီထီၣ်ဝဲ လီၤ. အဂ့ၢ်ဒ်အံၤ, ကစၢ်ယွၤဒုးတူၢ်ဘၣ်အီၤတၢ်လၢကယဲၢ်အတၢ်ဒဲးဘး တဖၣ်အဃိလီၤ. အဖိအလံၤတဖၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤဆူတၢ်မၢကဲ ကုၢ်အလီၢ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်ယဃ့းစက့လး 23:25

မ့ၢ်လၢ, ယသးဒိၣ်ထီၣ်နၤအဃိ, ယကပျဲအဝဲသ့ၣ်မၤဘၣ်နၤလၢအတၢ် သးထီၣ်အပူၤန့ၣ်လီၤ. အဝဲသ့ၣ်ကကူးတဲာ်ကွံာ်နနါဒ့တဖၣ်ဒီးနနၢ်တဖၣ်ဒီးကမၤသံကွံာ် နဖိတဖၣ်န့ၣ်လီၤ. မ့ၢ်လီၤ. အဝဲသ့ၣ်ကဟံးန့ၢ်ကွံာ်နဖိခွါတဖၣ်ဒီးနဖိမုၣ်တဖၣ်လၢနအိၣ် ဒီးဒွဲၣ်ကွံာ်မူဒံးအဝဲသ့ၣ်န့ၣ်လီၤ.

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်ယဃ့းစက့လး 9:10

ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

လံာ်ယဃ့းစက့လး 9:5

ဒီးယနၢ်ဟူကစၢ်ယွၤစံးဘၣ်ပှၤအဂၤတဖၣ်, “ပိာ်အဝဲအခံခီဖျိ ဝ့ၢ်ဒီဝ့ၢ်ညါဒီးမၤသံတၢ်တက့ၢ်. ပျၢ်ဖျဲးပှၤနီတဂၤတဂ့ၤ. သးကညီၤပှၤနီတဂၤတဂ့ၤ.

လံာ်မံကၤ 3:4

အကတီၢ်တုၤဝဲလၢသုကကိးထီၣ်တၢ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢသုဘၣ်. တဒိကနၣ်ဘၣ်သုတၢ်ထုကဖၣ်ဘၣ်. အဂ့ၢ်ဒ်အံၤ, သုမၤတ့ၢ်တၢ်အၢတၢ်သီလံ.

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်စကၤရယၤ 1:2

ယွၤသ့တၢ်လၢာ်စံးဘၣ်ဝံစကၤရယၤလၢကတဲဘၣ်ပှၤဂီၢ်မုၢ်ဒ်အံၤ, “ယၤ, ယွၤအံၤ, ယသးဒိၣ်ထီၣ်ဘၣ်သုမိၢ်ပၢ်ဖံဖုလၢပျၢၤတဖၣ်ဒိၣ်မး,

လံာ်စကၤရယၤ 7:13

မ့ၢ်လၢအဝဲသ့ၣ်တဒိကနၣ်တၢ်ဖဲယကတိၤတၢ်အခါဘၣ်အဃိ, ဖဲအဝဲသ့ၣ်ဘါထုကဖၣ်န့ၣ်, ယတစံးဆၢဘၣ်အဝဲသ့ၣ်အတၢ်ထု ကဖၣ်ဘၣ်.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

လံာ်စီၤၡမူၤအ့လးအခီၣ်ထံးတဘ့ၣ် 8:18

ဖဲအဆၢကတီၢ်န့ၣ်တုၤဃီၤဒီး, သုက, ကဒူးကဒ့ၣ်တၢ်ခၣ်ဟ့သးလၢ သုစီၤပၤ, စီၤပၤလၢသုနီၢ်ကစၢ်ဒၣ်ဝဲဃုထၢတ့ၢ်အီၤအဃိလီၤ. ဘၣ်ဆၣ်ယွၤတဒိကနၣ်ဘၣ်သုတၢ်ကဒူးကဒ့ၣ်တဖၣ်ဘၣ်.”