လံာ်ယဃ့းစက့လး 8:14 - Sgaw Karen Common Bible

¹⁴ လၢတၢ်န့ၣ်အဃိ, အဝဲလဲၤဆှၢယၤဆူယွၤအတၢ်လုၢ်ဟံၣ်ကလံၤစိး အတြဲၤဒီးဒုးနဲၣ်ယၤပိာ်မုၣ်တဖၣ်ဟီၣ်တၢ်ယၢၤတၢ်လၢကစၢၢ်တးမူး အတၢ်သံအဃိန့ၣ်လီၤ.

လံာ်ယဃ့းစက့လး 8:14 Iomraidhean Croise

လံာ်ယဃ့းစက့လး 11:12

သုကသ့ၣ်ညါလၢယမ့ၢ်ယွၤ, ဒီးဖဲသုဟံးဃာ်ဒံးပှၤကလုာ်လၢသု ဃၢၤတဖၣ်အတၢ်သိၣ်တၢ်သီတဖၣ်အဖၢမုၢ်န့ၣ်, မ့ၢ်သုထီဒါယတၢ်သိၣ်တၢ်သီတဖၣ်လၢပှၤယူဒၤဖိအဂီၢ်ဒီးတစူၢ် ဘၣ်ယတၢ်မၤလိာ်တဖၣ်ဘၣ်န့ၣ်လီၤ.”

လံာ်ယဃ့းစက့လး 44:4

အန့ၣ်ဝံၤဒီးပှၤတဂၤန့ၣ်ဆှၢဃီၤယၤခီဖျိကလံၤစိးအတြဲၤဖးဒိၣ်, ဆူယွၤအတၢ်လုၢ်ဟံၣ်အမဲာ်ညါန့ၣ်လီၤ. ဖဲယကွၢ်တၢ်အဖၢမုၢ်န့ၣ်, ယထံၣ်ဘၣ်လၢယွၤအတၢ်လုၢ်ဟံၣ်န့ၣ်ပှဲၤဒီးယွၤအိၣ်ဝဲဆိးဝဲ အတၢ်ကပီၤကပြုၢ်ကပြီၤန့ၣ်လီၤ. ယထိၣ်လီၤဃံၤယသးဒီး ကျးလီၤယမဲာ်ဆူဟီၣ်ခိၣ်လိၤ,

လံာ်ယဃ့းစက့လး 46:9

ဖဲပှၤဂီၢ်မုၢ်ဟဲဒ်သိးကဘူၣ်ထီၣ်ဘါထီၣ်ယွၤလၢမူးတခါဂ့ၤတခါဂ့ၤ န့ၣ်, ပှၤတဖၣ်လၢအဟဲနုာ်လၢကလံၤစိးအတြဲၤဖးဒိၣ်န့ၣ်ကဘၣ် ဟးထီၣ်လၢကလံၤထံးအတြဲၤဖးဒိၣ်တခီ, ဖဲအဝဲသ့ၣ်ဘူၣ်ထီၣ်ဘါ ထီၣ်တၢ်ဝံၤ, ဒီးပှၤတဖၣ်လၢအဟဲနုာ်လၢကလံၤထံးအတြဲၤ ဖးဒိၣ်န့ၣ်ကဘၣ်ဟးထီၣ်လၢကလံၤစိးအတြဲၤဖးဒိၣ်န့ၣ်လီၤ. ပှၤတဘၣ်ဟးထီၣ်လၢကျဲတဘိဃီလၢအဟဲနုာ်တ့ၢ်ဝဲန့ၣ်နီတဂၤဘၣ်. မ့မ့ၢ်ကဘၣ်ဟးထီၣ်လၢတြဲၤဖးဒိၣ်လၢ အအိၣ်ကွၢ်ဆၢၣ်မဲာ်လိာ်အသးတခီန့ၣ်လီၤ.

လံာ်ယဃ့းစက့လး 8:13

အန့ၣ်ဒီးယွၤစံးဘၣ်ယၤ, “နကထံၣ်အဝဲသ့ၣ်မၤတၢ်လၢအလီၤသးဘၣ် အၢဒိၣ်န့ၢ်အါန့ၢ်ဒံးတၢ်န့ၣ်တဖၣ်ဒၣ်လဲာ်န့ၣ်လီၤ.”

လံာ်ယဃ့းစက့လး 8:15

အဝဲသံကွၢ်တၢ်ဒီးစံးဝဲ, “ပှၤကညီလၢအသံသ့ဧၢ, မ့ၢ်နထံၣ်တၢ်န့ၣ်ဧါ. နကထံၣ်ဘၣ်ဒံးဒၣ်လဲာ်တၢ်လီၤသးဘၣ်အၢတဖၣ်လၢ အအါန့ၢ်အအံၤတက့ၢ်န့ၣ်လီၤ.”