လံာ်ယဃ့းစက့လး 8:12 - Sgaw Karen Common Bible

¹² ကစၢ်ယွၤသံကွၢ်ယၤ, “ပှၤကညီလၢအသံသ့ဧၢ, မ့ၢ်နထံၣ်ဘၣ်တၢ်လၢ ပှၤအံၣ်စရ့လးဖိအခိၣ်အနၢ်တဖၣ်မၤဝဲလၢတၢ်ခူသူၣ်အပူၤန့ၣ်လံ ဧါ. အဝဲသ့ၣ်ခဲလၢာ်ဘူၣ်ထီၣ်ဘါထီၣ်တၢ်လၢဒၢးတဖျၢၣ်လၢအပှဲၤ ဒီးတၢ်ဂီၤတၢ်ဖီၣ်တဖၣ်အပူၤန့ၣ်လီၤ. အဝဲသ့ၣ်ကတိၤပူၤဖျဲး အသးစံးဝဲလၢ, ယွၤတထံၣ်ပှၤဘၣ်. အဝဲပာ်လီၤတဲာ်ကွံာ်ထံကီၢ်လံ.”

လံာ်ယဃ့းစက့လး 8:12 Iomraidhean Croise

လံာ်စီၤပၤခံဘ့ၣ်တဘ့ၣ် 17:9

ပှၤအံၣ်စရ့လးဖိတဖၣ်မၤတ့ၢ်တၢ်တဖၣ်လၢယွၤ, အဝဲသ့ၣ်အကစၢ်ယွၤတဘၣ်အသးန့ၣ်လီၤ. အဝဲသ့ၣ်ဘှီထီၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်တဖၣ်လၢကယဲၢ်အဝဲသ့ၣ်အဝ့ၢ်ခဲလၢာ်အပူၤ, စးထီၣ်လၢသဝီအဆံးကတၢၢ်ဖိတုၤလီၤလၢဝ့ၢ်အဒိၣ်ကတၢၢ်န့ၣ်လီၤ.

စံးထီၣ်ပတြၢၤ 10:11

အဝဲသ့ၣ်စံးဝဲလၢအသးကံၢ်ပူၤ, “ကစၢ်ယွၤသးပ့ၤနီၣ်လံတၢ်လံ. ပာ်တဒၢလံအမဲာ်လံ. တထံၣ်ယၤနီတစုဘၣ်.”

စံးထီၣ်ပတြၢၤ 14:1

ပှၤဟးဂီၤဖိစံးလၢအသးကံၢ်ပူၤ, “ကစၢ်ယွၤတအိၣ်ဘၣ်.” အဝဲသ့ၣ်ခဲလၢာ်ဟးဂီၤဝဲ ဒီးမၤတၢ်လၢအလီၤသးဘၣ်အၢလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်.

စံးထီၣ်ပတြၢၤ 73:11

အဝဲသ့ၣ်စံးဝဲ, “ကစၢ်ယွၤတသ့ၣ်ညါဘၣ်, တၢ်ထီကတၢၢ်တဂၤတထံၣ်န့ၢ်ဝဲဘၣ်.”

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယၡါယၤ 47:10

နနာ်န့ၢ်လီၤနသးလၢနတၢ်အၢတၢ်သီတဖၣ်အပူၤ ဒီးနဆိကမိၣ်တ့ၢ်လၢပှၤထံၣ်နၤတသ့ နီတဂၤဘၣ်န့ၣ်လီၤ. နတၢ်ကူၣ်သ့ဒီးနတၢ်သ့ၣ်ညါဆှၢကမၣ်နကျဲ, ဒီးနစံးလီၤနသး, ယမ့ၢ်ကစၢ်ယွၤဒီးပှၤဒ်သိးယၤ အဂၤတအိၣ်နီတဂၤဘၣ် န့ၣ်လီၤ.

လံာ်ယဃ့းစက့လး 14:1

ပှၤအံၣ်စရ့လးဖိအခိၣ်အနၢ်တနီၤဟဲဃ့တၢ်ဟ့ၣ်ကူၣ်ဟ့ၣ်ဖးလၢ ယၤ, ဘၣ်ဃးဒီးယွၤအတၢ်ဘၣ်အသးအဂ့ၢ်န့ၣ်လီၤ.

လံာ်ယဃ့းစက့လး 20:1

တၢ်မၤအသးအံၤမ့ၢ်ဖဲပလဲၤကဲကုၢ်နွံနံၣ်တနံၣ်လါယဲၢ်လါ တလါထီၣ်အသီတဆံအနံၤန့ၣ်လီၤ. ပှၤအံၣ်စရ့လးဖိတဖၣ်အတၢ်အိၣ် မူအကရူၢ်အခိၣ်အနၢ်ဟဲဆူယအိၣ်လၢကကတိၤသကိးတၢ်ဒီးယၤ အဂီၢ်ဘၣ်ဃးဒီးယွၤအတၢ်ဘၣ်သးအဂ့ၢ်, ဒီးအဝဲသ့ၣ်ဆ့ၣ်နီၤလၢယမဲာ်ညါန့ၣ်လီၤ.

လံာ်ယဃ့းစက့လး 8:11

ကီၢ်အံၣ်စရ့လးအခိၣ်အနၢ်အဂၤနွံဆံအိၣ်ဝဲဖဲန့ၣ်, အိၣ်ဃုာ်ဒီးစီၤၡၤဖၣ်အဖိခွါစီၤယၤစါနယၤလီၤ. တဂၤစုာ်စုာ်ဟံးဃာ်တၢ်နၢမူအသပၢၤမ့ၣ်အူ, ဒီးတၢ်နၢမူအမ့ၣ်အူလုၣ်ခုၣ်ထီၣ်ဝဲန့ၣ်လီၤ.

လံာ်ယဃ့းစက့လး 8:13

အန့ၣ်ဒီးယွၤစံးဘၣ်ယၤ, “နကထံၣ်အဝဲသ့ၣ်မၤတၢ်လၢအလီၤသးဘၣ် အၢဒိၣ်န့ၢ်အါန့ၢ်ဒံးတၢ်န့ၣ်တဖၣ်ဒၣ်လဲာ်န့ၣ်လီၤ.”

လံာ်ယဃ့းစက့လး 8:15

အဝဲသံကွၢ်တၢ်ဒီးစံးဝဲ, “ပှၤကညီလၢအသံသ့ဧၢ, မ့ၢ်နထံၣ်တၢ်န့ၣ်ဧါ. နကထံၣ်ဘၣ်ဒံးဒၣ်လဲာ်တၢ်လီၤသးဘၣ်အၢတဖၣ်လၢ အအါန့ၢ်အအံၤတက့ၢ်န့ၣ်လီၤ.”

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်စဖါနယၤ 1:12

အကတီၢ်ဖဲန့ၣ်ယကစိာ်မ့ၣ်အူဒၢတဖျၢၣ်ဒီးကဃုတၢ်လၢဝ့ၢ် ယရူၤၡလ့ၣ်အပူၤလီၤ. ယကစံၣ်ညီၣ်ပှၤလၢအသးမံလီၤဒၣ်အသးဒီးနာ်န့ၢ်လီၤအသးလၢ အစံးလီၤအသးလၢ ‘တၢ်အဂ့ၤမ့ၢ်ဂ့ၤ, တၢ်အအၢမ့ၢ်ဂ့ၤယွၤတမၤဘၣ်ပှၤဘၣ်’ သ့ၣ်တဖၣ်န့ၣ်လီၤ.

အ့းဖ့းစူး 5:12

(တၢ်လၢပှၤတဖၣ်အံၤမၤဝဲလၢတၢ်ခူသူၣ်အပူၤန့ၣ်, ပကကတိၤတၢ်လၢအဂ့ၢ်ဒၣ်လဲာ်မ့ၢ်တၢ်လီၤမဲာ်ဆှးဒိၣ်မးလီၤ.)

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”