လံာ်ယဃ့းစက့လး 8:1 - Sgaw Karen Common Bible

¹ လၢပတၢ်ကဲကုၢ်ဃုနံၣ်တနံၣ်, လါဃုလါတလါထီၣ်ယဲၢ်သီ အနံၤန့ၣ်, ကီၢ်ယူဒၤအပှၤခိၣ်ပှၤနၢ်လၢတၢ်ကဲကုၢ်အပူၤတဖၣ် ဆ့ၣ်နီၤသကိးဒီးယၤလၢယဟံၣ်ပူၤန့ၣ်လီၤ. သတူၢ်ကလာ်, ယွၤပၢဘၣ်တၢ်ခဲလၢာ်ကစၢ်အစိကမီၤလီၤဘၣ်လၢယလိၤန့ၣ်လီၤ.

လံာ်ယဃ့းစက့လး 8:1 Iomraidhean Croise

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်ယဃ့းစက့လး 14:1

ပှၤအံၣ်စရ့လးဖိအခိၣ်အနၢ်တနီၤဟဲဃ့တၢ်ဟ့ၣ်ကူၣ်ဟ့ၣ်ဖးလၢ ယၤ, ဘၣ်ဃးဒီးယွၤအတၢ်ဘၣ်အသးအဂ့ၢ်န့ၣ်လီၤ.

လံာ်ယဃ့းစက့လး 14:4

ခဲကနံၣ်အံၤကတိၤတၢ်ဒီးအဝဲသ့ၣ်ဒီးတဲဘၣ်အဝဲသ့ၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်န့ၣ်တက့ၢ်. ပှၤအံၣ်စရ့လးဖိကိးဂၤလၢအဟ့ၣ်လီၤအသးဆူတၢ်ဂီၤတၢ်ဖီၣ်တဖၣ် အအိၣ်ဒီးပျဲအဝဲသ့ၣ်ဆှၢအီၤဆူတၢ်ဒဲးဘးအပူၤ, ဝံၤဒီးဟဲဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ကမၤန့ၢ်တၢ်စံးဆၢတမံၤလၢယအိၣ်, တၢ်စံးဆၢလၢအဝဲအတၢ်ဂီၤတၢ်ဖီၣ်တဖၣ်ကြၢးဒိးန့ၢ်ဘၣ်ဝဲန့ၣ်လီၤ.

လံာ်ယဃ့းစက့လး 20:1

တၢ်မၤအသးအံၤမ့ၢ်ဖဲပလဲၤကဲကုၢ်နွံနံၣ်တနံၣ်လါယဲၢ်လါ တလါထီၣ်အသီတဆံအနံၤန့ၣ်လီၤ. ပှၤအံၣ်စရ့လးဖိတဖၣ်အတၢ်အိၣ် မူအကရူၢ်အခိၣ်အနၢ်ဟဲဆူယအိၣ်လၢကကတိၤသကိးတၢ်ဒီးယၤ အဂီၢ်ဘၣ်ဃးဒီးယွၤအတၢ်ဘၣ်သးအဂ့ၢ်, ဒီးအဝဲသ့ၣ်ဆ့ၣ်နီၤလၢယမဲာ်ညါန့ၣ်လီၤ.

လံာ်ယဃ့းစက့လး 24:1

လၢပဘၣ်တၢ်စိာ်မၢကဲကုၢ်ခွံနံၣ်တနံၣ်, လါဆံဆဲၣ်လါတလါထီၣ် ဆံဆဲၣ်နံၤတနံၤန့ၣ်ယွၤကတိၤတၢ်ဒီးယၤလီၤ.

လံာ်ယဃ့းစက့လး 26:1

လၢပဘၣ်တၢ်စိာ်မၢကဲကုၢ်ပှဲၤထီၣ်တဆံတနံၣ်, ... လါထီၣ်အခီၣ်ထံးတသီန့ၣ်, ယွၤကတိၤတ့ၢ်တၢ်ဒီး ယၤလီၤ.

လံာ်ယဃ့းစက့လး 29:1

လၢပဘၣ်တၢ်စိာ်မၢကဲကုၢ်ပှၤအနံၣ်တဆံအပူၤ, လါဆံဆဲၣ်လါတလါထီၣ်တဆံခံသီ အနံၤန့ၣ်ယွၤကတိၤတၢ်ဒီးယၤန့ၣ်လီၤ.

လံာ်ယဃ့းစက့လး 29:17

လၢပဘၣ်တၢ်စိာ်မၢကဲကုၢ်ပှၤပှဲၤထီၣ်ခံဆံနွံနံၣ်လါအခီၣ်ထံးတလါ, လါထီၣ်တသီအနံၤန့ၣ် ယွၤကတိၤတၢ်ဒီးယၤလီၤ.

လံာ်ယဃ့းစက့လး 3:12

အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယဃ့းစက့လး 3:22

ယကလၢၢ်ဘၣ် ယွၤအတၢ်အိၣ်လီၤစိလီၤကမီၤဒီး နၢ်ဟူအဝဲစံးဘၣ် ယၤ, “ဂဲၤဆၢထၢၣ်ဒီး လဲၤဟးထီၣ်ဆူ တၢ်တြီၤပူၤတက့ၢ်. ယကကတိၤ တၢ်ဒီး နၤဖဲန့ၣ်လီၤ.”

လံာ်ယဃ့းစက့လး 30:20

လၢပဘၣ်တၢ်စိာ်မၢကဲကုၢ်ပှဲၤထီၣ်အနံၣ်တဆံတနံၣ်, လါအခီၣ်ထံးတလါထီၣ်နွံသီတသီန့ၣ်ယွၤက တိၤတ့ၢ်တၢ်ဒီးယၤန့ၣ်လီၤ.

လံာ်ယဃ့းစက့လး 31:1

လၢပဘၣ်တၢ်စိာ်မၢကဲကုၢ်ပှၤပှဲၤထီၣ်အနံၣ်တဆံတနံၣ်, လါသၢလါတလါထီၣ်အခီၣ်ထံးတသီအနံၤန့ၣ်ယွၤကတိၤတ့ၢ်တၢ်ဒီး ယၤလီၤ.

လံာ်ယဃ့းစက့လး 32:1

လၢတၢ်စိာ်မၢကဲကုၢ်ပှၤပှဲၤထီၣ်တဆံခံနံၣ်တနံၣ်လါတဆံခံလါတလါ ထီၣ်တသီန့ၣ်, ယွၤကတိၤတ့ၢ်တၢ်ဒီးယၤလီၤ.

လံာ်ယဃ့းစက့လး 32:17

လၢပဘၣ်တၢ်စိာ်မၢကဲကုၢ်ပှၤပှဲၤထီၣ်တဆံခံနံၣ်တနံၣ်လါအခီၣ်ထံး တလါထီၣ်တဆံယဲၢ်သီတသီန့ၣ်ယွၤကတိၤတ့ၢ်တၢ်ဒီးယၤလီၤ.

လံာ်ယဃ့းစက့လး 33:22

မုၢ်တဟါလၢတချုးအဝဲဟဲန့ၣ်, ယကလၢၢ်ဘၣ်ယွၤအတၢ်အိၣ်ဝဲ အတၢ်စိတၢ်ကမီၤန့ၣ်လီၤ. ဖဲပှၤတဂၤန့ၣ်ဟဲတုၤဝဲလၢလီၢ်ခံတ ဂီၤန့ၣ်, ယွၤဟ့ၣ်ကဒါက့ၤယၤစိကမီၤလၢယကကတိၤက့ၤတၢ်န့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ယဃ့းစက့လး 37:1

ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲအ သးဆှၢဃီၤယၤဒီးပာ်လီၤယၤဖဲတြီၤတခါလၢအပှဲၤဒီးတၢ်ဃံတၢ် ကွဲတဖၣ်န့ၣ်လီၤ.

လံာ်ယဃ့းစက့လး 40:1

တၢ်န့ၣ်မ့ၢ်နံၣ်ထီၣ်သီအသီတဆံအနံၤလၢပဘၣ်တၢ်စိာ်မၢကဲကုၢ်ပှၤ ပှဲၤထီၣ်ခံဆံယဲၢ်နံၣ်တနံၣ်ဝံၤအလီၢ်ခံဒီးဖဲဝ့ၢ်ယရူၤၡလ့ၣ်ဘၣ်တၢ်ဒုး န့ၢ်အီၤဝံၤတဆံလွံၢ်တနံၣ်အလီၢ်ခံန့ၣ်လီၤ. လၢမုၢ်နံၤအဝဲန့ၣ်, ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲစိာ်ထီၣ်ကွံာ်ယၤန့ၣ်လီၤ.

လံာ်ယဃ့းစက့လး 7:27

စီၤပၤကဟီၣ်တၢ်ယၢၤတၢ်, စီၤပၤဖိခွါကပျဲကွံာ်တၢ်မုၢ်လၢ်, ဒီးပှၤဂီၢ်မုၢ်ကကနိးကစုာ်ဝဲလၢတၢ်ပျံၤတၢ်ဖုးအပူၤလီၤ. ယကသိၣ်ဃီၣ်သုလၢတၢ်ခဲလၢာ်လၢသုမၤတ့ၢ်အီၤအဃိ, ဒီးစံၣ်ညီၣ်သုဒ်သုစံၣ်ညီၣ်တ့ၢ်ပှၤအဂၤတဖၣ်အသိးန့ၣ်လီၤ. တၢ်ဝဲအံၤကဒုးနဲၣ်သုလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 8:2

ယကွၢ်ထီၣ်တၢ်ဒီးထံၣ်တၢ်ထံၣ်လၢညါခီတမံၤဘၣ်ဃးဒီးပှၤကညီ တဂၤအက့ၢ်အဂီၤလၢအမၤအသးဒ်မ့ၣ်အူအသိးန့ၣ်လီၤ. လၢအယီၢ်ဒ့ဒီးဆူအဖီလာ်န့ၣ်အနီၢ်ခိအိၣ်ဖျါလီၤဂာ်ဒ်မ့ၣ်အူ အသိး, ဒီးလၢအယီၢ်ဒ့ဒီးဆူအဖီခိၣ်န့ၣ်, အဝဲကပီၤထီၣ်ဝဲဒ်တိၢ်ဘီ လၢအဘၣ်တၢ်ထူးကတြ့ၣ်ထီၣ်အီၤအသိးန့ၣ်လီၤ.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.