လံာ်ယဃ့းစက့လး 7:7 - Sgaw Karen Common Bible

⁷ တၢ်အကတၢၢ်ဟဲဝဲလၢသုဝဲပှၤဂီၢ်မုၢ်လၢအအိၣ်ဆိးလၢကီၢ်အံၤ အပူၤအဂီၢ်လီၤ. တၢ်ဆၢကတီၢ်ဘူးထီၣ်လံလၢတၢ်မၤမူးပွဲအသီၣ်တအိၣ်လၢၤဘၣ်လၢ ကစၢၢ်ကလိအတၢ်လုၢ်လီၢ်တဖၣ်န့ၣ်ဘၣ်. ကအိၣ်ဒၣ်ထဲတၢ်သဘံၣ်ဘုၣ်န့ၣ်လီၤ.

လံာ်ယဃ့းစက့လး 7:7 Iomraidhean Croise

လံာ်တၢ်ကဲထီၣ်အခီၣ်ထံး 19:15

ဒီးတုၤမုၢ်ဆ့ၣ်ထီၣ်ဂီၤဂီၤန့ၣ်ကလူးသ့ၣ်တဖၣ်ကျဲးစၢးမၢစီၤ လိာ်မၤဖျဲၣ်မၤချ့အသးဒီးစံးဝဲ, “မၤချ့ချ့” တက့ၢ်. ကိးနမါဒီးနဖိမုၣ်ခံဂၤဒီးဟးထီၣ်ကွံာ်, ဒ်သိးဖဲဝ့ၢ်အံၤဘၣ်တၢ်မၤဟးဂီၤအီၤန့ၣ်သုသးသမူတဖၣ်သု တလီၤမၢ်တဂ့ၤအဂီၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်ယၡါယၤ 13:22

ထွံၣ်မံၤဒီးထွံၣ်ဟီၣ်ခိၣ်တဖၣ်အတၢ်မီၤအသီၣ်ကသီၣ်ဆၢက့ၤလၢ ပၢၤတၢ်အလီၢ်ဒီးနူၢ်ဧိၤစီၤဧိၤအပူၤန့ၣ်လီၤ. ကီၢ်ဘၤဘူၤလိၣ်အဆၢကတီၢ်ဟဲတုၤဝဲလံ. အမုၢ်နံၤတဖၣ်ကလၢာ်ဘူးထီၣ်လံ.”

လံာ်ယၡါယၤ 16:10

လၢစံာ်ပျီလၢဟီၣ်ခိၣ်ညၣ်ထ့ၣ်ဂ့ၤတဖၣ်အပူၤ, ပှၤတသးခုလၢၤ နီတဂၤလၢၤဘၣ်. လၢစပံးလီၢ်တဖၣ်အပူၤပှၤကကိးပသူထီၣ် ဒီးသူၣ်ဝံၣ်သးဆၢတၢ်တအိၣ်လၢၤနီတဂၤလၢၤဘၣ်. ပှၤကယီၢ်စပံးသၣ်လၢကဒုးကဲထီၣ်စပံးထံအဂီၢ်တအိၣ်လၢၤ နီတဂၤလၢၤဘၣ်. တၢ်သးခုအတၢ်ကိးပသူထီၣ်တဖၣ် ဆိကတီၢ်အသးလံ.

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 22:5

အအံၤမ့ၢ်တၢ်ဆၢကတီၢ်တခါလၢတၢ်ပျံၤတၢ်ဖုး, တၢ်ဃၣ်ကွံာ်, ဒီးတၢ်သဘံၣ်ဘုၣ်မၤအသး လၢတၢ်ထံၣ်လၢညါခီအကစၢၢ်ကဆူးအပူၤ, ဒီးယွၤစိဒိၣ်ကမီၤထီ, သ့တၢ်လၢာ်ကစၢ်ဆှၢ လီၤတ့ၢ်အီၤလၢပဖီခိၣ်န့ၣ်လီၤ. ပဝ့ၢ်အခိၣ်ဒူတဖၣ်ဘၣ်တၢ်တီၢ် လီၤပှီၢ်ကွံာ်အီၤ, ဒီးတၢ်ကိးထီၣ်လၢတၢ်မၤစၢၤအဂီၢ်သီၣ် ကဒါက့ၤလၢကစၢၢ်တဖၣ်အကျါန့ၣ်လီၤ.

လံာ်ယံးရမံယၤ 20:7

ယွၤဧၢ, နလံၣ်န့ၢ်လီန့ၢ်ယၤ ဒီးယဘၣ်တၢ်လံၣ်န့ၢ်လီန့ၢ်ယၤလံ. နဂံၢ်ဆူၣ်ဘါဆူၣ်န့ၢ်ယၤတက့ၢ် ဒီးနမၤနၢၤကွံာ်ယၤလီၤ. ပှၤခဲလၢာ်နံၤဘၣ်ဖၣ်လဲယၤ ဒီးဒုၣ်ဒွဲၣ်ပယွဲယၤကိးမုၢ်နံၤမုၢ်နၤဒဲးန့ၣ်လီၤ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယဃ့းစက့လး 12:28

အဃိဒီးတဲဘၣ်အဝဲသ့ၣ်လၢ, ယၤ, ယွၤပၢဘၣ်တၢ်ခဲလၢာ်စံးဝဲ, တၢ်မၤယံာ်မၤနီၢ်တအိၣ်လၢၤဘၣ်. တၢ်လၢယစံးတ့ၢ်န့ၣ်ကဘၣ်တၢ်မၤအီၤလီၤ.” ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 7:12

တၢ်ဆၢကတီၢ်ဟဲတုၤဝဲလံ. မုၢ်နံၤတနံၤဖဲတၢ်ဆါတၢ်ဒီးတၢ် ပှ့ၤတၢ်အခီပညီတအိၣ်လၢၤဘၣ်န့ၣ်, ဘူးထီၣ်လံ. အဂ့ၢ်ဒ်အံၤ, ကစၢ်ယွၤအတၢ်စံၣ်ညီၣ်ကလီၤဘၣ်လၢပှၤကိးဂၤဒဲး အလိၤဒ်သိးသိးန့ၣ်လီၤ.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.