လံာ်ယဃ့းစက့လး 7:24 - Sgaw Karen Common Bible

²⁴ ယကဒုးဟဲနုာ်ပှၤကလုာ်လၢအအၢကတၢၢ်တဖၣ်ဖဲအံၤဒီးပျဲ အဝဲသ့ၣ်မၤန့ၢ်ကွံာ်သုဟံၣ်သုဃီတဖၣ်န့ၣ်လီၤ. ဖဲယပျဲပှၤကလုာ်တဖၣ်မၤတကဆှီတၢ်လီၢ်တဖၣ်လၢသုဘူၣ်ထီၣ်ဘါထီၣ် တၢ်န့ၣ်, သုပှၤတဖၣ်လၢအဂံၢ်ဆူၣ်ဘါဆူၣ်ကတၢၢ်န့ၣ်အတၢ် နာ်န့ၢ်လီၤသးကလီၤမၢ်ကွံာ်ဝဲန့ၣ်လီၤ.

လံာ်ယဃ့းစက့လး 7:24 Iomraidhean Croise

လံာ်တၢ်ကဲထီၣ်အခီၣ်ထံး 47:26

လၢတၢ်န့ၣ်အဃိ, စီၤယိၤသးဒုးအိၣ်ထီၣ်တၢ်သိၣ်တၢ်သီတမံၤဘၣ် ထွဲဒီးကီၢ်အဲၤကူပတူးအဟီၣ်ခိၣ်တဖၣ်လၢ, တၢ်ကူးက့ၤလၢအန့ၢ်ယဲၢ်ပူတပူန့ၣ်ကြၢးမ့ၢ်စီၤပၤအတၢ်လီၤ. တၢ်သိၣ်တၢ်သီအံၤအိၣ်ဂၢၢ်ဝဲကျၢၤဝဲတုၤလၢမုၢ်မဆါတနံၤအံၤ လီၤ. ထဲပှၤလုၢ်တၢ်အခိၣ်တဖၣ်အဟီၣ်ခိၣ်ဧိၤန့ၣ်တကဲထီၣ်စီၤပၤအတၢ်စု လီၢ်ခီၣ်ခိၣ်ဘၣ်.

စံးထီၣ်ပတြၢၤ 106:41

အဝဲဒၣ်စူးကွံာ်ညိကွံာ်အဝဲသ့ၣ် ဆူပှၤတဘူၣ်ထီၣ်ဘါထီၣ်ယွၤ အစိကမီၤအပူၤဒီး အဒုၣ်အဒါတဖၣ်ပၢဘၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 74:7

အဝဲသ့ၣ်မၤဟးဂီၤနတၢ်လုၢ်ဟံၣ်ဒီး ဒွဲၣ်အူကွံာ်ဝဲဒၣ်လၢမ့ၣ်အူန့ၣ်လီၤ. နတၢ်ဘူၣ်ထီၣ်ဘါထီၣ်အလီၢ်န့ၣ်အဝဲသ့ၣ် မၤဘၣ်အၢဘၣ်သီကွံာ်ဝဲ န့ၣ်လီၤ.

စံးထီၣ်ပတြၢၤ 83:12

ပှၤလၢအစံးဝဲ, “ထံဧိၤကီၢ်ဧိၤလၢ အဘၣ်ဃးဒီးကစၢ်ယွၤန့ၣ်ပကဟံးန့ၢ်လၢပဂီၢ်လီၤ.”

လံာ်ယၡါယၤ 5:14

ပှၤသံတဖၣ်အကီၢ်န့ၣ်သၣ်ဝံၤလီၤဒိလၢအဝဲသ့ၣ်ဒီးအိးထီၣ်အကိာ် ပူၤဖးလဲာ်န့ၣ်လီၤ. ယူၢ်လီၤကွံာ်ဝ့ၢ်ယရူၤၡလ့ၣ်အပှၤတူၢ်ဒိၣ်ကီၤဒိၣ် တဖၣ်ဃုာ်ဒီးပှၤမုၢ်ဆ့ၣ်မုၢ်ဂီၤလၢ အသီၣ်သဲပိၢ်ကလာ်တဖၣ်န့ၣ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 17:4

သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 6:12

အဝဲသ့ၣ်အဟံၣ်တဖၣ်ကဘၣ်တၢ်ဟ့ၣ်လီၤ ကွံာ်အီၤဆူပှၤဂၤတဖၣ်အစုပူၤ, ဒီးဒ်န့ၣ်အသိး, အစံာ်ပှဲၤတဖၣ်ဒီးအမါတဖၣ်စ့ၢ်ကီး န့ၣ်လီၤ. ယကစံၣ်ညီၣ်ပှၤဂီၢ်မုၢ်လၢကီၢ်အံၤအပူၤလီၤ.

လံာ်သးသယုၢ်တၢ် 5:2

ပတၢ်စုလီၢ်ခီၣ်ခိၣ်န့ၣ်အိၣ်လၢပှၤတခီဘီမုၢ်ဖိတဖၣ် အစုပူၤလီၤ. ပှၤတခီဘီမုၢ်ဖိတဖၣ်အိၣ်ဆိးဝဲလၢ ပဟံၣ်တဖၣ်အပူၤလီၤ.

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ယဃ့းစက့လး 28:7

ယကဟဲစိာ်ဃီၤဒုၣ်ဒါတဖၣ်လၢအတအိၣ်ဒီးတၢ်သးကညီၤဘၣ်လၢ ကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်ကမၤဟးဂီၤကွံာ်တၢ်ဃံတၢ်လၤခဲလၢာ်လၢ နမၤန့ၢ်တ့ၢ်အီၤလၢနတၢ်သ့တၢ်ဘၣ်ဒီး တၢ်ကူၣ်သ့အပူၤန့ၣ်လီၤ.

လံာ်ယဃ့းစက့လး 33:28

ယကဒုးကဲထီၣ်ထံကီၢ်အံၤလၢတၢ်အိၣ်တယုၢ်အိၣ်လီၤဃီအလီၢ် တပူၤလၢအဘျုးတအိၣ်ဘၣ်ဒီးတၢ်စိတၢ်ကမီၤလၢအဝဲသ့ၣ် ပာ်ကဖၢလၢတ့ၢ်အသးဒိၣ်မးလၢအဃိန့ၣ်, ကကတၢၢ်ကွံာ်ဝဲဒၣ် လီၤ. ကီၢ်အံၣ်စရ့လးအကစၢၢ်ကလိတဖၣ်, ကဘၣ်တၢ်ခဲဘၢ အီၤတုၤဒၣ်လဲာ်ပှၤလဲၤထီၣ်က့ၤလီၤခီဖျိအီၤတသ့နီတဂၤဘၣ်န့ၣ်လီၤ.

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”