လံာ်ယဃ့းစက့လး 7:19 - Sgaw Karen Common Bible

¹⁹ အဝဲသ့ၣ်ကစူးကွံာ်အထူဒီးအစ့တဖၣ်, လၢကျဲဘိတဖၣ်အပူၤဒ်တၢ် တဂိာ်တသီၣ်ဘၣ်အသိး, မ့ၢ်လၢစ့မ့ၢ်ဂ့ၤထူမ့ၢ်ဂ့ၤ, ဖဲယွၤလူလီၤအတၢ်သးကဲၤထီၣ်န့ၣ်, အုၣ်က့ၤခီၣ်က့ၤအဝဲသ့ၣ်တသ့ ဘၣ်အဃိန့ၣ်လီၤ. အဝဲသ့ၣ်သူအီၤလၢတၢ်မၤသးမံအတၢ်သူၣ်လီသး ကွံတဖၣ်အဂီၢ်မ့ၢ်ဂ့ၤ, တၢ်မၤပှဲၤအဟၢဖၢတဖၣ်အဂီၢ်မ့ၢ်ဂ့ၤ, တသ့ဘၣ်အဃိလီၤ. ထူဒီးစ့ဆှၢအဝဲသ့ၣ်ဆူ တၢ်ဒဲးဘးအပူၤန့ၣ်လီၤ.

လံာ်ယဃ့းစက့လး 7:19 Iomraidhean Croise

လံာ်စီၤပၤခံဘ့ၣ်တဘ့ၣ် 7:15

ပှၤတဖၣ်န့ၣ်လဲၤဝဲယံၤတုၤလၢထံကျိယၢ်ဒ့ၣ်ဒၣ်လဲာ်, ဒီးလၢကျဲဒီဘိညါန့ၣ်အဝဲသ့ၣ်ထံၣ်ဘၣ်ဝဲတၢ်ကူတၢ်သိးတဖၣ် ဒီးတၢ်ပီးတၢ်လီတဖၣ်လၢပှၤစူၤရံဖိတဖၣ်ပာ်လီၤတဲာ်တ့ၢ်ဝဲ ဖဲအဝဲသ့ၣ်ဃ့ၢ်ပူၤဖျဲးအသးအခါန့ၣ်ဒီးအဝဲသ့ၣ်ဟဲက့ၤကဒါ က့ၤဒီးပာ်ဖျါထီၣ်တၢ်ဂ့ၢ်န့ၣ်ဆူစီၤပၤအအိၣ်လီၤ.

တၢ်ကတိၤဒိ. 10:2

တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 11:4

မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.

လံာ်ပှၤစံၣ်တဲၤတဲလီၤတၢ် 5:10

နမ့ၢ်အဲၣ်စ့ဒီးနသးတမံနီတစုဘၣ်. နမ့ၢ်ဆၢထူးထီၣ်တီၤထီၣ် ဒီး, တၢ်လၢနသးလီအီၤခဲလၢာ်န့ၣ်နမၤတန့ၢ်နီတဘျီဘၣ်. တၢ်အံၤမ့ၢ်တၢ်လၢအဘျုးတအိၣ်န့ၣ်လီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 55:2

ဘၣ်မနုၤအဃိသုကဘၣ်မၤလၢာ်ကျိၣ်လၢာ်စ့လၢတၢ်တတံၤ သူၣ်တံၤသးအဂီၢ်န့ၣ်လဲၣ်. ဘၣ်မနုၤအဃိသုကဘၣ်မၤလၢာ်သုဘူးသုလဲဒီးသူၣ်ဝံၤသၣ်စ့ၤဒံး ဒၣ်တၢ်န့ၣ်လဲၣ်. ဒိကနၣ်ယၤဒီးမၤတၢ်လၢယစံးဘၣ်သုန့ၣ်တက့ၢ်. အန့ၣ်ဒီး, သုကမုာ်လၤသးခုလၢတၢ်အီၣ်အဂ့ၤကတၢၢ်လၢ တၢ်အီၣ်ခဲလၢာ်အကျါလီၤ.

လံာ်သးသယုၢ်တၢ် 4:1

ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.

လံာ်ယဃ့းစက့လး 13:5

အဝဲသ့ၣ်တကဟုကယာ်တၢ်လီၢ်တဖၣ်ဖဲတၢ်ဒူၣ်တဖၣ်လီၤပှီၢ်ကွံာ်ဝဲ မ့ၢ်ဂ့ၤ, တသူၣ်ထီၣ်ဘှီထီၣ်က့ၤတၢ်ဒူၣ်တဖၣ်န့ၣ်မ့ၢ်ဂ့ၤအဃိ, ဖဲတၢ်ဒုးတၢ်ယၤတုၤအိၣ်ဝဲအမုၢ်တနံၤန့ၣ်, ကီၢ်အံၣ်စရ့လးတြီဆၢတၢ်တသ့ဘၣ်န့ၣ်လီၤ.

လံာ်ယဃ့းစက့လး 14:7

တဘျီလၢ်လၢ်ဖဲပှၤအံၣ်စရ့လးဖိတဖၣ်အကျါတဂၤမ့တမ့ၢ်, ပှၤတခီဘီမုၢ်ဖိလၢအအိၣ်ဆိးလၢပှၤအံၣ်စရ့လးဖိတဖၣ်အတၢ်အိၣ် မူကရူၢ်အပူၤ, ဃၣ်ဃီၤကွံာ်အသးလၢယၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဝံၤဒီးလဲၤဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ယၤ, ယွၤအံၤကဟ့ၣ်အီၤအတၢ်စံးဆၢန့ၣ်လီၤ.

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 44:12

ဘၣ်ဆၣ်မ့ၢ်လၢအဝဲသ့ၣ်မၤတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ် လၢကီၢ်အံၣ်စရ့လးအဂီၢ်, ဒီးလၢကျဲဒ်အံၤန့ၣ်အဝဲသ့ၣ်ဆှၢ ဃီၤပှၤဂီၢ်မုၢ်ဆူတၢ်ဒဲးဘးအပူၤအဃိ, ယၤ, ယွၤပၢဘၣ်တၢ် ခဲလၢာ်ကစၢ်ဆိၣ်တၢ်သမှံၤသပှၢ်လၢအဝဲသ့ၣ်ကဘၣ် တၢ်စံၣ်ညီၣ်န့ၣ်လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်စဖါနယၤ 1:3

ကယဲၢ်ပှၤကညီဒီးဆၣ်ဖိကီၢ်ဖိ, ထိၣ်ဧိၤလံာ်ဧိၤဒီးဒ့ၣ်ဧိၤညၣ်ဧိၤ ခဲလၢာ်န့ၣ်လီၤ. ယကမၤတၢ်လၢပှၤအၢပှၤသီအခီၣ်ကဘၣ်တိၢ်ဒီးလီၤဃံၤအဂီၢ်လီၤ. ယကမၤဟးဂီၤကွံာ်ပှၤဟီၣ်ခိၣ်ဖိခဲလၢာ်ဒီးပှၤအမူတအိၣ်တ့ၢ်ဘၣ် နီတဂၤဘၣ်. ယၤ, ယွၤကတိၤလံတၢ်လံ.”

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

ရိမ့ၤ 11:9

ဒီးစီၤဒၤဝံးစံးဝဲ, “မ်အတၢ်အီၣ်အစီၢ်နီၤခိၣ်ကကဲထီၣ် ထုလၢအဘၣ်က့ၤအီၤ, မ်အဝဲသ့ၣ်လီၤဃံၤ, ဒီးမ်အဝဲသ့ၣ်ဘၣ်တၢ်စံၣ်ညီၣ်အီၤတက့ၢ်.