လံာ်ယဃ့းစက့လး 6:9 - Sgaw Karen Common Bible

⁹ ဆူတၢ်လီၢ်ဖဲအဝဲသ့ၣ်ကအိၣ်ဆိးဝဲလၢတၢ်မၢကဲကုၢ်အပူၤန့ၣ် လီၤ. ဖဲန့ၣ်, အဝဲသ့ၣ်ကသ့ၣ်နီၣ်ယၤဒီးသ့ၣ်ညါဝဲလၢယစံၣ်ညီၣ်တ့ၢ် အဝဲသ့ၣ်မၤမဲာ်ဆှးအဝဲသ့ၣ်, မ့ၢ်လၢအဝဲသ့ၣ်လဲၤသဒၣ်ကွံာ်ယၤလၢအတၢ်သးတတီအဃိဒီးအဝဲသ့ၣ် ဘၣ်သူၣ်ဘၣ်သးလၢတၢ်ဂီၤတၢ်ဖီၣ်တဖၣ်ဒိၣ်န့ၢ်အါန့ၢ်ဒံးယၤအဃိ န့ၣ်လီၤ. ဒီးအဝဲသ့ၣ်ကသးဘၣ်အၢလီၤက့ၤအသးဒၣ်ဝဲ, မ့ၢ်လၢတၢ်အၢတၢ်သီ ဒီးတၢ်လီၤရၢၢ်လီၤစၢၢ်တဖၣ်လၢအဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်ယဃ့းစက့လး 6:9 Iomraidhean Croise

လံာ်စီၤပၤခံဘ့ၣ်တဘ့ၣ် 16:10

ဖဲစီၤပၤအၤဃးဟးထီၣ်လဲၤဆူဝ့ၢ်ဒၤမ့ၤစ့းလၢကလဲၤသဂၢၢ် စီၤပၤဖးဒိၣ်တံးကလးပလ့စ့ၢ်အဂီၢ်န့ၣ်အဝဲထံၣ်ဘၣ်တၢ်လုၢ်လီၢ် ဖဲန့ၣ်, ဒီးဆှၢလီၤကဒါက့ၤန့ၢ်ပှၤလုၢ်တၢ်အခိၣ်စီၤအူၤရံယၤလၢတၢ် လုၢ်လီၢ်န့ၣ်အက့ၢ်အဂီၤအဒိတမံၤဃီတခါတုၤလၢက့ၢ်ဂီၤအဆံး ကတၢၢ်အဒိ, လၢာ်အခၢးဒၣ်လဲာ်န့ၣ်လီၤ.

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

စံးထီၣ်ပတြၢၤ 137:1

ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ, ဒီးတုၤပသ့ၣ်နီၣ်ထီၣ်က့ၤစံယိၣ်ဒီး, ပမဲာ်ထံလီၤဝဲန့ၣ်လီၤ.

စံးထီၣ်ပတြၢၤ 78:40

အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

လံာ်ယၡါယၤ 43:24

နတပှ့ၤတၢ်ဆိၣ်ကဲၤနၢမူလၢယဂီၢ်မ့ၢ်ဂ့ၤ, နတမၤမံသူၣ်မံသးယၤလၢနဆၣ်ဖိကီၢ်ဖိတဖၣ်အသိမ့ၢ်ဂ့ၤန့ၣ် ဘၣ်. အခိၣ်တလိာ်, နဒုးဝံယၤယိးယၤလၢနတၢ်ဒဲးဘးတဖၣ် ဒီးမၤလီၤဘှံးလီၤတီၤကွံာ်ယၤလၢတၢ်ကမၣ်တဖၣ်လၢနမၤတ့ၢ်နဲ န့ၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယၡါယၤ 7:13

ဘၣ်ဃးတၢ်အံၤန့ၣ်ဝံယၡါယၤစံးဆၢတၢ်ဒီးစံးဝဲ, “အခဲအံၤ, ဒိကနၣ်တက့ၢ်, စီၤပၤစီၤဒၤဝံးအစၢၤအသွဲၣ်သ့ၣ် ဧၢ, သုမၤလၢာ်ကွံာ်ပှၤကညီအတၢ်သးစူၤန့ၣ်အၢတ့ၢ်မးလံ. မ့ၢ်သုကမၤလၢာ်ကွံာ်ကစၢ်ယွၤအတၢ်သးစူၤစ့ၢ်ကီးဧါ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 51:50

ယွၤစံးဘၣ်အပှၤဂီၢ်မုၢ်လၢ ကီၢ်ဘၤဘူၤလိၣ် အပူၤ, “သုထူၣ်ဖျဲးတ့ၢ်လၢတၢ်သံလံ. အခဲကနံၣ်အံၤ လဲၤတၢ်တက့ၢ်. တဘၣ်အိၣ်ခိးတၢ်တဂ့ၤ. သုမ့ၢ်အိၣ်ယံၤ ဒီးဟံၣ်ဒၣ်လဲာ်န့ၣ်, ဆိကမိၣ်တၢ်ဘၣ်ဃးဒီးယၤ, သုကစၢ်, ဒီးသ့ၣ်နီၣ်ထီၣ်က့ၤ ဝ့ၢ်ယရူၤရှလ့ၣ်န့ၣ်တက့ၢ်.

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ယဃ့းစက့လး 16:43

ဖဲနသးစၢ်အခါယမၤဘၣ်နၤဒ်လဲၣ်န့ၣ်, နသးပ့ၤနီၣ်ကွံာ်အီၤလံ. ဒီးနမၤသးဒိၣ်ထီၣ်ယၤခီဖျိတၢ်ခဲလၢာ်လၢနမၤတ့ၢ်အီၤန့ၣ်လီၤ. လၢတၢ်န့ၣ်အဃိဒီး, ယမၢနဟ့ၣ်တၢ်အပှ့ၤလၢတၢ်သ့ၣ်တဖၣ်အံၤခဲလၢာ် အဂီၢ်လီၤ. ဘၣ်မနုၤအဃိနမၤအါထီၣ်တၢ်ကလုာ်ကလိၤလၢတၢ်အဂၤခဲလၢာ်လၢ နမၤတ့ၢ်လၢအလီၤသးဘၣ်အၢတဖၣ်အဖီခိၣ်န့ၣ်လဲၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 16:61

နကသ့ၣ်နီၣ်ထီၣ်က့ၤလၢနမၤတ့ၢ်တၢ်ဒ်လဲၣ်ဒီးမဲာ်ဆှးလၢတၢ်န့ၣ် အဃိဖဲနမၤန့ၢ်က့ၤနဝဲၢ်မုၣ်ဒီးနပုၢ်မုၣ်အဆၢကတီၢ်န့ၣ်လီၤ. ယကပျဲအဝဲသ့ၣ်ကဲထီၣ်ဒ်ဖိမုၣ်တဖၣ်အသိးလၢနဂီၢ်, ဖဲတၢ်အံၤမ့တမ့ၢ်တၢ်လၢအအိၣ်လၢယတၢ်အၢၣ်လီၤအီၤလီၤဒီးနၤ အပူၤဒၣ်လဲာ်န့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:24

ယမၤတ့ၢ်တၢ်အံၤ, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤလိာ် တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါတၢ်သိၣ်တၢ်သီတဖၣ်, မၤတရီတပါမုၢ်အိၣ်ဘှံးနံၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ် တမံၤဃီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်မၤတ့ၢ် အတၢ်အဃိန့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 20:43

တုၤနုၤတစု, သုကသ့ၣ်နီၣ်ထီၣ်ကယဲၢ်တၢ်လီၤမဲာ်ဆှးတဖၣ်လၢသု မၤတ့ၢ်အီၤဒီးသုမၤဘၣ်အၢလီၤသုသးဒ်လဲၣ်ဒ်လဲၣ်န့ၣ်လီၤ. သုကသးဘၣ်အၢလီၤက့ၤသုသး, မ့ၢ်လၢတၢ်အၢတၢ် သီခဲလၢာ်လၢသုမၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 23:30

နမ့ၢ်ပှၤဃဲသဲမုၣ်တဂၤလၢပှၤကလုာ်တဖၣ်အဂီၢ်ဒီးမၤဘၣ်အၢနသး ဒီးအဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 6:10

အဝဲသ့ၣ်ကသ့ၣ်ညါဝဲလၢယမ့ၢ်ယွၤ, ဒီးလၢယတၢ်ဟ့ၣ်ပလီၢ်တဖၣ်တမ့ၢ် တၢ်မၤပျံၤမၤဖုးကလီကလီဘၣ်န့ၣ်လီၤ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ဧၤမိၣ် 2:13

ဒီးခဲကနံၣ်အံၤ, ယကဆီၣ်လီၤကွံာ်သုဆူဟီၣ်ခိၣ်လိၤ ဒီးသုတၢ်ကအုကစွါအသီၣ်န့ၣ်ကလီၤဂာ်ဒ်လ့ၣ် ကဟၣ်လၢအပှဲၤဒီးဘုကဒိၣ်ကအုကစွါအသိးန့ၣ်လီၤ.

လံာ်မံကၤ 5:13

ယကမၤဟးဂီၤကွံာ်သုတၢ်ဂီၤစိးပျၤအသးတဖၣ်ဒီးလၢၢ်ထူၣ်စီ ဆှံတဖၣ်လီၤ. သုတဘူၣ်ထီၣ်ဘါထီၣ်လၢၤဘၣ်. တၢ်လၢသုမၤအီၤလၢသုစုဒၣ်ဝဲတဖၣ်န့ၣ်ဘၣ်.

လံာ်စကၤရယၤ 10:9

ယမ့ၢ်မၤလီၤပြံလီၤပြါတ့ၢ်အဝဲသ့ၣ်လၢ ပှၤကလုာ်ဂၤအကျါသနာ်က့, အဝဲသ့ၣ်ကသ့ၣ်နီၣ်ထီၣ်က့ၤယၤလၢ ထံယံၤကီၢ်ယံၤအပူၤဒၣ်လဲာ်လီၤ. အဝဲသ့ၣ်ဒီးအဝဲသ့ၣ်အဖိတဖၣ်ကအိၣ်မူတ့ၢ်ဒံးဝဲ ဒီးကဟဲက့ၤကဒါက့ၤသကိးဆူဟံၣ်တပူၤဃီလီၤ.

လံာ်တၢ်ဂံၢ် 15:39

တၢ်အနွံတဖၣ်အံၤကကဲထီၣ်တၢ်ဒုးသ့ၣ်နီၣ်တဖၣ်ဒီးဖဲသုထံၣ်အီၤ တဘျီလၢ်လၢ်န့ၣ်သုကသ့ၣ်နီၣ်ထီၣ်ကယဲၢ်ယတၢ်မၤလိာ်တဖၣ်ဒီးစူၢ် အီၤန့ၣ်လီၤ. အန့ၣ်ဒီးသုတဃၣ်ကွံာ်ဘၣ်သုသးလၢယၤဒီးတပိာ်သုတၢ်အဲၣ်ဒိး တဖၣ်ဒီးတၢ်မိၢ်န့ၢ်သးလီတဖၣ်အခံန့ၣ်ဘၣ်.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.