လံာ်ယဃ့းစက့လး 6:6 - Sgaw Karen Common Bible

⁶ ကီၢ်အံၣ်စရ့လးအဝ့ၢ်ခဲလၢာ်ကဘၣ်တၢ်မၤဟးဂီၤကွံာ်အီၤဒ်သိး အဝဲသ့ၣ်အတၢ်လုၢ်လီၢ်ခဲလၢာ်ဒီးအတၢ်ဂီၤတၢ်ဖီၣ်တဖၣ်ကဘၣ်တၢ်တိၢ် သဘှံးအီၤဆူအက့အခီတဖၣ်, အဝဲသ့ၣ်အတၢ်လုၢ်ထီၣ်တၢ်နၢမူအလီၢ်တဖၣ်ကဘၣ်တၢ်မၤဟးဂီၤလီၤ ကလဲကွံာ်အီၤ, ဒီးတၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်ကလီၤမၢ်ကွံာ်ဝဲအဂီၢ် န့ၣ်လီၤ.”

လံာ်ယဃ့းစက့လး 6:6 Iomraidhean Croise

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယၡါယၤ 2:18

တၢ်ဂီၤတၢ်ဖီၣ်တဖၣ်ကဟါမၢ်ကွံာ်ဝဲလၢာ်လၢာ်ဆ့ဆ့ဒီးထဲယွၤ တဂၤဧိၤကဘၣ်တၢ်ပာ်ထီၣ်ထီအီၤလၢမုၢ်နံၤအဝဲန့ၣ်, န့ၣ်လီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 64:10

နဝ့ၢ်စီဆှံတဖၣ်လီၤဂာ်ဒီးမဲးမုၢ်ခိၣ်တပူၤ, ဒီးဝ့ၢ်ယရူၤၡလ့ၣ်မ့ၢ်တၢ် ဟးဂီၤလီၤဃီအလီၢ်တပူၤ,

လံာ်ယံးရမံယၤ 10:22

ဒိကနၣ်တက့ၢ်. တၢ်ကစီၣ်ဟဲတုၤဝဲလံ. တၢ်တၢထီၣ်တၢ်လီၤဖးဒိၣ်တမံၤမၤအသးလၢကီၢ်လၢက လံၤစိးတခီအပှၤတကလုာ်အကျါန့ၣ်လီၤ. အဝဲသ့ၣ်အသုးမုၢ်ကဒုးကဲထီၣ်ကီၢ်ယူ ဒၤအဝ့ၢ်တဖၣ်လၢမဲးမုၢ်ခိၣ်, တၢ်လီၢ်တတီၤလၢထွံၣ်ဟီၣ်ခိၣ်အိၣ်ဝဲဆိးဝဲန့ၣ်လီၤ.”

လံာ်ယံးရမံယၤ 17:3

ဒီးလၢကစၢၢ်တဖၣ်အဒီခိၣ်ဖဲကီၢ်အတၢ်လီၤပျီအပူၤန့ၣ်လီၤ. ယကမၢသုဒုၣ်သုဒါတဖၣ်စိာ်ကွံာ်သုတၢ်ထူးတၢ်တီၤဒီးသု တၢ်လုၢ်ဒိၣ်ပှ့ၤဒိၣ်တဖၣ်, လၢတၢ်ဒဲးဘးခဲလၢာ်လၢသုမၤတ့ၢ် သကုၤသုထံသုကီၢ်အဃိန့ၣ်လီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 34:22

ယကဟ့ၣ်လီၤတၢ်ကလုၢ်ဒီး အဝဲသ့ၣ်ကဟဲက့ၤကဒါက့ၤဆူ ဝ့ၢ်အံၤလီၤ. အဝဲသ့ၣ်ကထီၣ်ဒုးအီၤ, ဒီးမၤန့ၢ်အီၤ, ဒီးဒွဲၣ် အူထီၣ်ကွံာ်အီၤန့ၣ်လီၤ. ယကဒုးကဲထီၣ်ကီၢ် ယူဒၤအဝ့ၢ်တဖၣ် လၢမဲးမုၢ်ခိၣ်တတီၤဖဲ ပှၤ တအိၣ်နီတဂၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 51:18

အဝဲသ့ၣ်အလုၢ်အပှ့ၤတအိၣ်ဘၣ် ဒီးကြၢးဘၣ်တၢ်သး ဘၣ်အၢအီၤန့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဖဲ ယွၤဟဲဝဲဒ်သိးကမၤဘၣ်အဝဲသ့ၣ်န့ၣ်လီၤ.

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်ယံးရမံယၤ 9:19

ဒိကနၣ်တၢ်ဟီၣ်တၢ်ယၢၤအသီၣ်လၢဝ့ၢ်စံယိၣ်အပူၤတက့ၢ်. “ပဘၣ်တၢ်မၤဟးဂီၤကွံာ်ပှၤလံ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့လံ. ပကဘၣ်ဟးထီၣ်လၢပထံပကီၢ်လီၤ. ပဟံၣ်ပဃီတဖၣ်ဘၣ်တၢ်ဂုၤလီၤပှီၢ်ကွံာ်အီၤလံ.”

လံာ်ယဃ့းစက့လး 12:19

တဲဘၣ်ပှၤဒီကလုာ်ညါ, အအံၤမ့ၢ်ယွၤပၢဘၣ်တၢ်ခဲလၢာ်ကစၢ်အတၢ် ကစီၣ်ဆူဝ့ၢ်ယရူၤၡလ့ၣ်အပှၤဂီၢ်မုၢ်လၢအအိၣ်ဆိးဒံးဒၣ်လၢအကီၢ် ပူၤအအိၣ်တက့ၢ်. အဝဲသ့ၣ်ကကနိးကစုာ်ဝဲဖဲအအီၣ်တၢ်အခါ, ဒီးကဟူးဝးဝဲလၢတၢ်ပျံၤတၢ်ဖုးအပူၤ, ဖဲအအီတၢ်အခါလီၤ. အဝဲသ့ၣ်အထံအကီၢ်ကဘၣ်တၢ်ဂုာ်န့ၢ်ဆူၣ်အီၤစီဖ့ကလ့ၤ, မ့ၢ်လၢပှၤအိၣ်ဖဲန့ၣ်ကိးဂၤဒဲးမ့ၢ်ပှၤလၢအတဒိကနၣ်တၢ်သိၣ်တၢ် သီအဃိန့ၣ်လီၤ.

လံာ်ယဃ့းစက့လး 16:39

ယကပာ်နၤလၢအဝဲသ့ၣ်အတၢ်စိတၢ်ကမီၤအဖီလာ်, ဒီးအဝဲသ့ၣ်ကမၤလီၤပှီၢ်ကွံာ်တၢ်လီၢ်တဖၣ်ဖဲနမၤပှၤဃဲသဲမုၣ် အတၢ်မၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. အဝဲသ့ၣ်ကစိာ်ကွံာ်နကူနသိးတဖၣ်ဒီးတၢ်မျၢ်ပလဲတဖၣ်ဒီးကပာ် လီၤတဲာ်နၤအိၣ်ဘ့ၣ်ဆ့လၢာ်လၢာ်ဆ့ဆ့န့ၣ်လီၤ.

လံာ်ယဃ့းစက့လး 30:13

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၤဟးဂီၤကွံာ်တၢ်ဂီၤ တၢ်ဖီၣ်တဖၣ်ဒီးယွၤအတမ့ၢ်တတီတဖၣ်လၢဝ့ၢ်မဲဖံးအပူၤန့ၣ်လီၤ. ပှၤလၢအကပၢကီၢ်အဲၤကူပတူး တအိၣ်လၢၤ နီတဂၤဘၣ်ဒီးယကမၤပျံၤမၤဖုးကယဲၢ်ပှၤဂီၢ်မုၢ်ခဲလၢာ်န့ၣ်လီၤ.

လံာ်ယဃ့းစက့လး 35:4

ယကပာ်လီၤတဲာ်သုဝ့ၢ်တဖၣ်လၢတၢ်ဟးဂူာ် ဟးဂီၤအပူၤဒီးသုကီၢ်လၢတၢ်အိၣ်သယုၢ်လီၤဃီအပူၤန့ၣ်လီၤ. အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 5:14

ပှၤကိးဂၤဒဲးလၢပှၤကလုာ်တဖၣ်လၢအအိၣ်ဝးတရံးသုအကျါလၢ အလဲၤတြူာ်ဘၣ်သုန့ၣ်ကဒုၣ်ဒွဲၣ်သုဒီးပာ်ယံၤအသးဒီးသု န့ၣ်လီၤ.

လံာ်ယဃ့းစက့လး 6:4

တၢ်လုၢ်လီၢ်တဖၣ်ကဘၣ်တၢ်ဂုၤလီၤပှီၢ်ကွံာ်အီၤဒီးတၢ်လုၢ်ထီၣ်တၢ် နၢမူအလီၢ်တဖၣ်ကဘၣ်တၢ်မၤကၢ်ကွံာ်အီၤလီၤ. ပှၤဂီၢ်မုၢ်ဖဲန့ၣ်တဖၣ်ခဲလၢာ်ကဘၣ်တၢ်မၤသံအီၤလၢအတၢ်ဂီၤတၢ် ဖီၣ်တဖၣ်အမဲာ်ညါန့ၣ်လီၤ.

လံာ်ယဃ့းစက့လး 6:7

ပှၤဂီၢ်မုၢ်ကဘၣ်တၢ်မၤသံအီၤလၢတၢ်လီၢ်ကိးပူၤဒဲး, ဒီးပှၤတဖၣ်လၢအအိၣ်လီၤတဲာ်တၢ်န့ၣ်, ကသ့ၣ်ညါအၢၣ်လီၤအီလီၤဝဲ လၢယမ့ၢ်ယွၤန့ၣ်လီၤ.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်မံကၤ 1:7

အတၢ်ဂီၤတၢ်ဖီၣ်လၢအလုၢ်ဒိၣ်ပှ့ၤဒိၣ်ခဲလၢာ်ကဘၣ်တၢ်ဒိလီၤကလဲ အီၤ, တၢ်ကိးမံၤလၢအဘၣ်တၢ်ဟ့ၣ်လီၤအီၤဆူ အတၢ်လုၢ်ဟံၣ်အဃဲသဲမုၣ်တဖၣ်ကဘၣ်တၢ်မၤဟး ဂီၤအီၤလၢမ့ၣ်အူလီၤ. အတၢ်ဂီၤတၢ်ဖီၣ်ခဲလၢာ်ကကဲထီၣ်တၢ်ပာ်ဖှိၣ်အလီၢ်အိၣ်သယုၢ်လီၤ. ၡၤမရံပာ်ဖှိၣ်တၢ်လၢဃဲသဲမုၣ်အဘူးအလဲအဂီၢ်, ဒီးခဲအံၤအဒုၣ်အဒါတဖၣ်ကစိာ်ကွံာ်အီၤလၢက ကဲထီၣ်တၢ်လုၢ်ဟံၣ်အဃဲသဲမုၣ်အဂီၢ်လီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်မံကၤ 5:13

ယကမၤဟးဂီၤကွံာ်သုတၢ်ဂီၤစိးပျၤအသးတဖၣ်ဒီးလၢၢ်ထူၣ်စီ ဆှံတဖၣ်လီၤ. သုတဘူၣ်ထီၣ်ဘါထီၣ်လၢၤဘၣ်. တၢ်လၢသုမၤအီၤလၢသုစုဒၣ်ဝဲတဖၣ်န့ၣ်ဘၣ်.

လံာ်ဃဘးကူာ် 2:18

တၢ်ဂီၤတၢ်ဖီၣ်တခါန့ၣ်အဘျုးအိၣ်မနုၤတမံၤလဲၣ်. တၢ်န့ၣ်မ့ၢ်ဒၣ်တၢ်လၢပှၤကညီစိးပျၤတ့ၢ်ဝဲဒီးတ တဲသုလၢတၢ်နီတမံၤဘၣ်. မ့မ့ၢ်ထဲတၢ်လီတၢ်ဝ့ၤလီၤ. ကစၢ်တဂၤလၢအကတိၤတၢ်ဒၣ်လဲာ်တသ့ဘၣ်န့ၣ်, ကမၤတၢ်ဂ့ၤလၢပှၤစိးပျၤအီၤကသန့ၤအသးဒီးအီၤလၢမနုၤတမံၤလဲၣ်.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:4

လၢမုၢ်ဆ့ၣ်ဝါထီၣ်ကဒီးတနံၤဂီၤဂီၤန့ၣ်အဝဲသ့ၣ်ထံၣ်လၢတၢ် ဂီၤန့ၣ်လီၤဃံၤကဒီးလၢယွၤအတၢ်အၢၣ်လီၤအီလီၤအတလါစီဆှံ အမဲာ်ညါန့ၣ်လီၤ. အခဲအံၤတဘျီန့ၣ်အခိၣ်ဒီးအစုတဖၣ်ကၢ်ကွံာ် ဝဲဒီးဒါလီၤအသးလၢတြဲၤအကျဲစၢၤဒီးအိၣ်တ့ၢ်ဒၣ်ထဲအမိၢ်ပှၢ် ဧိၤန့ၣ်လီၤ.