လံာ်ယဃ့းစက့လး 6:5 - Sgaw Karen Common Bible

⁵ ယကမၤလီၤပြံလီၤပြါကီၢ်အံၣ်စရ့လးအပှၤဂီၢ်မုၢ်အစိၣ်တဖၣ် လီၤ. ယကမၤလီၤပြံလီၤပြါအဝဲသ့ၣ်အဃံတဖၣ်ဝးတရံးတၢ်လုၢ်လီၢ်တဖၣ် န့ၣ်လီၤ.

လံာ်ယဃ့းစက့လး 6:5 Iomraidhean Croise

လံာ်စီၤပၤခံဘ့ၣ်တဘ့ၣ် 23:14

စီၤပၤယိၤၡံယၤမၤကၢ်ကွံာ်လၢၢ်အထူၣ်တဖၣ်ဆူအက့အခီ, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်, ဒီးတၢ်လီၢ်လၢအဝဲသ့ၣ်အိၣ်ဆၢထၢၣ်ဝဲန့ၣ်အဝဲမၤဘၢကွံာ်ဒီး ပှၤကညီအဃံအကွဲသ့ၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:16

ဝံၤဒီး, စီၤယိၤၡံယၤကွၢ်တၢ်ဝးဝးဒီးထံၣ်ဘၣ်လၢတၢ်သွၣ်ခိၣ် တနီၤအိၣ်ဝဲလၢတၢ်လူၢ်အဒီခိၣ်န့ၣ်လီၤ. အဝဲမၢပှၤထုးထီၣ်ကွံာ်တၢ်ဃံတၢ်ကွဲတဖၣ်လၢတၢ်သွၣ်ခိၣ်တဖၣ် အပူၤဒီးဒွဲၣ်အူကွံာ်အီၤလၢတၢ်လုၢ်လီၢ်အဖီခိၣ်န့ၣ်လီၤ. လၢကျဲဒ်သိးအံၤန့ၣ်, အဝဲမၤဘၣ်အၢဘၣ်သီကွံာ်တၢ်လုၢ်လီၢ်, ဒီးမၤတၢ်လၢဝံစံးပာ်ဆိတ့ၢ်ဝဲလၢပျၢၤ, ဖဲမူးဧိၤပွဲဧိၤအကတီၢ်လၢစီၤပၤယၤရၤဘၣ်ဆၢထၢၣ်ဝဲဖဲတၢ် လုၢ်လီၢ်အံၤအကပၤအခါန့ၣ်လီၤ. စီၤပၤယိၤၡံယၤကွၢ်တရံးတၢ်ဝးဝး, ဒီးထံၣ်ဘၣ်ဝံတဂၤလၢအတဲဆိတ့ၢ်တၢ်ဂ့ၢ်အံၤအတၢ်သွၣ်ခိၣ်န့ၣ်လီၤ.

စံးထီၣ်ပတြၢၤ 53:5

ဘၣ်ဆၣ်အဝဲသ့ၣ်အိၣ်လၢတၢ်ပျံၤဖးဒိၣ် လၢအတမၤအသးဒ်အံၤနီတဘျီဘၣ်အပူၤန့ၣ်လီၤ. အဂ့ၢ်ဒ်အံၤ, ကစၢ်ယွၤကမၤလီၤပြံလီၤပြါ အပှၤဂီၢ်မုၢ်အဒုၣ်အဒါတဖၣ်အဃံအကွဲလီၤ. အဝဲသ့ၣ်တဖၣ်ကဘၣ်တၢ်မၤမဲာ်ဆှးအီၤအဂ့ၢ်မ့ၢ်လၢ ကစၢ်ယွၤညိကွံာ်တ့ၢ်လံအဝဲသ့ၣ်အဃိန့ၣ်လီၤ.

လံာ်ယံးရမံယၤ 7:32

လၢတၢ်န့ၣ်အဃိ, တၢ်ဆၢကတီၢ်ကဟဲဝဲလၢတၢ်လီၢ်န့ၣ်တၢ်တကိးလၢၤအီၤလၢတိဖ့းမ့ၢ်ဂ့ၤ, ဟံၣ်နိၣ်အတြီၤမ့ၢ်ဂ့ၤလၢၤဘၣ်. မ့မ့ၢ်, တၢ်ကကိးအီၤတၢ်မၤသံ တၢ်အတြီၤန့ၣ်လီၤ. အဝဲသ့ၣ်ကခူၣ်လီၤပှၤဂီၢ်မုၢ်ဖဲန့ၣ်, မ့ၢ်လၢတၢ်လီၢ်အဂၤလၢတၢ်ကခူၣ်လီၤအဝဲသ့ၣ်တအိၣ်ဘၣ်အဃိလီၤ.

လံာ်ယဃ့းစက့လး 43:7

ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.