လံာ်ယဃ့းစက့လး 6:3 - Sgaw Karen Common Bible

³ တဲဘၣ်ကီၢ်အံၣ်စရ့လးအကစၢၢ်ကလိတဖၣ်လၢကနၢ်ဟူယွၤအကလုၢ်, ကနၢ်ဟူတၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်တဲဘၣ်ကစၢၢ်ကလိတဖၣ်, တၢ်လူၢ်တဖၣ်, တၢ်တြိတဖၣ်, ဒီးတၢ်တြီၤတဖၣ်န့ၣ်တက့ၢ်. ယကမၢလီၤနးတဘ့ၣ်လၢကမၤဟးဂီၤ တၢ်လီၢ်တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ် န့ၣ်လီၤ.

လံာ်ယဃ့းစက့လး 6:3 Iomraidhean Croise

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 22:29

အိဟီၣ်ခိၣ်ဧၢ, ဟီၣ်ခိၣ်ဧၢ, ဒိကနၣ်တၢ်လၢယွၤစံးတ့ၢ်ဝဲန့ၣ်တက့ၢ်.

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယဃ့းစက့လး 36:8

မ့မ့ၢ်လၢကီၢ်အံၣ်စရ့လးအကစၢၢ်ကလိတဖၣ်အလိၤန့ၣ်သ့ၣ်တဖၣ် အလၣ်ကဒိးထီၣ်ကဒီး, ဒီးသၣ်ထီၣ်လၢသုဝဲယပှၤဂီၢ်မုၢ်အံၣ်စရ့ လးအဂီၢ်န့ၣ်လီၤ. တယံာ်ဘၣ်ဒီးသုကဟဲက့ၤကဒါက့ၤဆူဟံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.

လံာ်ဧၤမိၣ် 7:9

တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.

လံာ်မံကၤ 6:1

ကနၣ်ယွၤအကွီၢ်ထီဒါကီၢ်အံၣ်စရ့လးတက့ၢ်. ဂဲၤထၢၣ်, ယွၤဧၢ, ပာ်ဖျါထီၣ်နကွီၢ်, ဒီးပျဲကစၢၢ်တဖၣ်ဒီးတၢ်လုၢ်တဖၣ်နၢ်ဟူတၢ်လၢနစံးတက့ၢ်.

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.