လံာ်ယဃ့းစက့လး 6:13 - Sgaw Karen Common Bible

¹³ တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 6:13 Iomraidhean Croise

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:4

ဖဲပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်, လၢတၢ်လူၢ်တဖၣ်အဒီခိၣ်ဒီးလၢကယဲၢ်သ့ၣ်လၢအအိၣ်ဒီးအကဒုတဖၣ် အဖီလာ်န့ၣ်စီၤအၤဃးလုၢ်ထီၣ်တၢ်လုၢ်တၢ်ပာ်တဖၣ်ဒီးဆိၣ်ကဲၤတၢ် နၢမူန့ၣ်လီၤ.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 23:41

အဝဲသ့ၣ်ကဆ့ၣ်နီၤလၢလီၢ်ဆ့ၣ်နီၤဃံလၤတဖျၢၣ်အလိၤဒီးလၢအဝဲ သ့ၣ်အမဲာ်ညါန့ၣ်, ကအိၣ်ဒီးစီၤနီၤခိၣ်တဖျၢၣ်လၢအပှဲၤဝဲဒီးတၢ်အဂ့ၤ တဖၣ်လၢအအိၣ်ဃုာ်ဒီးတၢ်နၢမူဒီးသ့ၣ်စၤယံးအသိလၢယဟ့ၣ်တ့ၢ် အဝဲသ့ၣ်န့ၣ်လီၤ.

လံာ်ယဃ့းစက့လး 43:7

ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.

လံာ်ဟိၤၡ့ 4:13

လၢအတၢ်လီၢ်စီဆှံတဖၣ်လၢကစၢၢ်ဒီခိၣ်တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်, ဒီးလၢတၢ်လူၢ်ဒီခိၣ်တဖၣ် န့ၣ်အဝဲသ့ၣ်ဆိၣ်ကဲၤတၢ်နၢမူလၢသ့ၣ်သ့ထိးဖၣ်, သ့ၣ်လးဘန့ၤဒီးဃီၤမုၢ်ပျဲၤတဖၣ်လၢအထီဒီးသလၣ်လီၤအသးအဖီ လာ်, မ့ၢ်လၢအတၢ်ကဒုန့ၣ်မုာ်သူၣ်မုာ်သးဒိၣ်မးအဃိလီၤ. လၢတၢ်န့ၣ်အဃိ, သုဖိမုၣ်တဖၣ်မၤတၢ်ဒ်ပှၤဃဲသဲမုၣ်တဖၣ်ဒီးသုဒဲၣ်မုၣ်တဖၣ်မၤ တၢ်မၤကမၣ်မုၣ်ကမၣ်ခွါန့ၣ်လီၤ.

လံာ်စဖါနယၤ 1:10

ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.