လံာ်ယဃ့းစက့လး 6:12 - Sgaw Karen Common Bible

¹² ပှၤတဖၣ်လၢအအိၣ်လၢတၢ်ဖးယံၤ, ကဆူးဆါထီၣ်ဝဲဒီးကသံဝဲလီၤ. ပှၤတဖၣ်လၢအအိၣ်ဘူးအိၣ်တံၢ်ကဘၣ်တၢ်မၤသံအီၤလၢတၢ်ဒုး အပူၤလီၤ. ပှၤတဖၣ်လၢအအိၣ်လီၤတဲာ်ဒံးန့ၣ်ကသၣ်ဝံၤလီၤဒိသံဝဲလီၤ. အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ.

လံာ်ယဃ့းစက့လး 6:12 Iomraidhean Croise

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယံးရမံယၤ 24:10

ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”

လံာ်ယံးရမံယၤ 42:22

လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်ယဃ့းစက့လး 33:27

တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 7:12

တၢ်ဆၢကတီၢ်ဟဲတုၤဝဲလံ. မုၢ်နံၤတနံၤဖဲတၢ်ဆါတၢ်ဒီးတၢ် ပှ့ၤတၢ်အခီပညီတအိၣ်လၢၤဘၣ်န့ၣ်, ဘူးထီၣ်လံ. အဂ့ၢ်ဒ်အံၤ, ကစၢ်ယွၤအတၢ်စံၣ်ညီၣ်ကလီၤဘၣ်လၢပှၤကိးဂၤဒဲး အလိၤဒ်သိးသိးန့ၣ်လီၤ.

လံာ်ယဃ့းစက့လး 7:15

တၢ်ဒုးတၢ်ယၤအိၣ်ဝဲလၢကျဲဘိတဖၣ်အပူၤ, ဒီးတၢ်ဆူးတၢ်ဆါ ဒီးတၢ်သၣ်ဝံၤလီၤဒိလၢဟံၣ်ဃီတဖၣ်အပူၤလီၤ. ပှၤတဂၤဂ့ၤတဂၤ ဂ့ၤလၢအအိၣ်လၢခိန့ၣ်, ကသံဝဲလၢတၢ်ဒုးတၢ်ယၤအပူၤ, ဒီးပှၤတဂၤဂ့ၤတဂၤဂ့ၤလၢအအိၣ်လၢဝ့ၢ်ပူၤန့ၣ်, တၢ်ဆူးတၢ်ဆါဒီးတၢ်သၣ်ဝံၤလီၤဒိကမၤန့ၢ်မၤနၢၤအီၤလီၤ.

လံာ်ဒၤနံးယ့လး 9:7

နဲဒၣ်, ယွၤဧၢ, နမၤတၢ်အဘၣ်တဘိယူၢ်ဃီ, ဘၣ်ဆၣ်ဒီးပဒုးလီၤဘၣ်တၢ်မဲာ်ဆှးလၢပဖီခိၣ်ဒၣ်ပဝဲတဘိယူၢ်ဃီလီၤ. တၢ်အံၤတီဒီးပဝဲကိးဂၤဒဲးလၢအအိၣ်လၢကီၢ်ယူဒၤဒီးဝ့ၢ်ယရူၤ ၡလ့ၣ်အပူၤ, ဒီးကယဲၢ်ပှၤအံၣ်စရ့လးဖိခဲလၢာ်လၢနမၤလီၤ ပြံလီၤပြါအီၤဆူထံကီၢ်အဘူးအယံၤတဖၣ်အဂီၢ်လၢအဝဲသ့ၣ် တတီဘၣ်ဒီးနၤအဃိန့ၣ်လီၤ.