လံာ်ယဃ့းစက့လး 5:4 - Sgaw Karen Common Bible

⁴ ဝံၤဒီး, ဟံးန့ၢ်က့ၤကဒီးအဂၤတနီၤလၢအကျါ, ကွံာ်လီၤအီၤလၢမ့ၣ်အူပူၤဒီးပျဲမ့ၣ်အူအီၣ်ကွံာ်အီၤတက့ၢ်. မ့ၣ်အူကဟဲထီၣ်လၢအဝဲသ့ၣ်အကျါဒီးကရၤလီၤအသးဆူကီၢ်အံၣ် စရ့လးအပှၤကလုာ်ခဲလၢာ်အအိၣ်န့ၣ်လီၤ.

လံာ်ယဃ့းစက့လး 5:4 Iomraidhean Croise

လံာ်စီၤပၤခံဘ့ၣ်တဘ့ၣ် 25:25

ဘၣ်ဆၣ်လၢနံၣ်အဝဲန့ၣ်လါနွံလါတလါအပူၤန့ၣ်စီၤနသၤနံယၤ အဖိခွါဒီးစီၤအလံၡမၤအလံၤခွါစီၤယံးၡမၤဧ့လးလၢအမ့ၢ် စီၤပၤအဒူၣ်ဖိထၢဖိအကျါတဂၤန့ၣ်, လဲၤဝဲဆူဝ့ၢ်မံးစပၤဃုာ်ဒီးပှၤအဂၤတဆံ, ဒုးစီၤကဒါလယၤ, ဒီးမၤသံကွံာ်အီၤန့ၣ်လီၤ. အဝဲမၤသံကွံာ်စ့ၢ်ကီးပှၤအံၣ်စရ့လးဖိဒီးပှၤဘၤဘူၤလိၣ်ဖိ လၢအအိၣ်ဖဲန့ၣ်ဒီးအီၤတဖၣ်န့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 48:45

ပှၤဃ့ၢ်ပူၤဖျဲးအသးလၢအမၤစၢၤလီၤအသးတသ့တဖၣ် ကျဲးစၢးဃုထံၣ်န့ၢ်တၢ်အိၣ်ပှိၤမၤစၢၤလၢဝ့ၢ်ဃ့ၡဘိၣ်အပူၤ, ဝ့ၢ်တဝ့ၢ်လၢ တဘျီစီၤပၤစံဃိၣ်ပၢတ့ၢ်ဝဲအပူၤ, ဘၣ်ဆၣ် ဝ့ၢ်န့ၣ်မ့ၣ်အူကဲၤထီၣ်အီၣ်ကွံာ်အီၤလံ. မ့ၣ်အူအီၣ်ကွံာ်ကီၢ် မိၤအးအပှၤဂီၢ်မုၢ်လၢ အအဲၣ်ဒုးတၢ်တဖၣ် အထံဆၢကီၢ်ဆၢဒီး အကစၢၢ်ကလိအထီၣ်ထီတဖၣ်လံ.

လံာ်ယံးရမံယၤ 52:30

ဒီးလၢအပၢတၢ်ခံဆံသၢနံၣ်တနံၣ်န့ၣ်, ပှၤနွံကယၤလွံၢ်ဆံယဲၢ်ဂၤ ဘၣ်တၢ်စိာ်ကွံာ်အီၤလၢစီၤနဘူစၢ်ရဒၣ်လီၤ. ပှၤခဲလၢာ်မ့ၢ်, ပှၤ လွံၢ်ကထိဃုကယၤဂၤလၢအဘၣ်တၢ်စိာ်ကွံာ်အီၤန့ၣ်လီၤ.

လံာ်ယဃ့းစက့လး 5:3

ဟံးဃာ်တ့ၢ်ခိၣ်သူတနီၤဒီးဘိၣ်ဘံထီၣ်အီၤလၢနဆ့ကၤအခီၣ်ထံး တက့ၢ်.

လံာ်ယဃ့းစက့လး 5:5

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, ကွၢ်ဃီၤတၢ်ဆူဝ့ၢ်ယရူၤရှလ့ၣ်တက့ၢ်. ယပာ်အီၤလၢဟီၣ်ခိၣ်ဒီဘ့ၣ်အသးကံၢ်ပူၤ, အိၣ်ဒီးထံကီၢ်အဂၤတဖၣ်ဝးတရံးအီၤန့ၣ်လီၤ.