လံာ်ယဃ့းစက့လး 5:17 - Sgaw Karen Common Bible

¹⁷ ယကမၢလီၤတၢ်သၣ်ဝံၤလီၤဒိဒီးဆၣ်ဖိကီၢ်ဖိအမံၤတဖၣ်လၢကမၤ သံသုဖိတဖၣ်, ဒီးယကဆှၤလီၤတၢ်ဆူးတၢ်ဆါ, တၢ်စုဆူၣ်ခီၣ်တကး, ဒီးတၢ်ဒုးတၢ်ယၤလၢကမၤသံသုအဂီၢ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယဃ့းစက့လး 5:17 Iomraidhean Croise

လံာ်စီၤပၤခံဘ့ၣ်တဘ့ၣ် 17:25

ဖဲအဝဲသ့ၣ်ဘၣ်တၢ်ပာ်လီၤအီၤသီသီန့ၣ်, အဝဲသ့ၣ်တဘူၣ်ထီၣ်ဘါ ထီၣ်ယွၤဘၣ်. ဒီးလၢတၢ်န့ၣ်အဃိ, ယွၤဆှၢလီၤခ့ယုၢ်တဖၣ်လၢအမၤသံပှၤတနီၤ လၢအဝဲသ့ၣ်အကျါန့ၣ်လီၤ.

လံာ်တၢ်ဟးထီၣ်ကွံာ် 23:29

ယတနီၣ်ထီၣ်ကွံာ်ဘၣ်အဝဲသ့ၣ်လၢတနံၣ်အတီၢ်ပူၤဘၣ်. ယမ့ၢ်မၤဒီး, ကီၢ်န့ၣ်ကအိၣ်သယုၢ်ဝဲဒီးဆၣ်ဖိကီၢ်ဖိအမံၤတဖၣ် ကအါကဲာ်ဆိးလၢသုဂီၢ်လီၤ.

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယဃ့းစက့လး 14:15

မ့တမ့ၢ်ယကမၢလီၤဆၣ်ဖိကီၢ်ဖိအမံၤတဖၣ်လၢကမၤသံကွံာ်ပှၤဂီၢ် မုၢ်တုၤဒၣ်လဲာ်ထံကီၢ်န့ၣ်ကလီၤပျံၤလီၤဖုးတုၤပှၤဟးထီၣ် က့ၤလီၤတသ့နီတဂၤဘၣ်,

လံာ်ယဃ့းစက့လး 14:19

ယမ့ၢ်မၢလီၤတၢ်ဆါသံသတြိာ်လၢကီၢ်န့ၣ်အဖီခိၣ်ဒီးလၢယတၢ်သး ထီၣ်အပူၤဟံးထီၣ်ကွံာ်သးသမူအါဖျၢၣ်, မၤသံကွံာ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒီး,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 17:21

အဝဲအသုးဖိအဂ့ၤကတၢၢ်တဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ် ယၤအပူၤ, ဒီးပှၤလၢအအိၣ်လီၤတဲာ်တဖၣ်ကဘၣ်တၢ်မၤလီၤ ပြံလီၤပြါအီၤဆူတၢ်လီၢ်ကိးကပၤဒဲးန့ၣ်လီၤ. အန့ၣ်ဒီး, သုကသ့ၣ်ညါလၢယၤ, ယွၤအံၤ, ကတိၤလံတၢ်လံန့ၣ်လီၤ.”

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 21:32

သုကဘၣ်တၢ်မၤဟးဂီၤကွံာ်သုလၢမ့ၣ်အူန့ၣ်လီၤ. သုသွံၣ်ကဂၢ်လီၤအသးလၢသုထံသုကီၢ်ဒၣ်နဲအပူၤဒီးပှၤ တသ့ၣ်နီၣ်ထီၣ်လၢၤသုနီတဘျီလၢၤဘၣ်.” ယွၤကတိၤတ့ၢ်တၢ်လံ.

လံာ်ယဃ့းစက့လး 22:14

မ့ၢ်နဆိကမိၣ်လၢနတၢ်သူၣ်ဒူသးဒူကအိၣ်တ့ၢ်ဒံးမ့ၢ်ဂ့ၤ နအိၣ်ဒံးဒီးတၢ်ဂံၢ်တၢ်ဘါအလၢအပှဲၤမ့ၢ်ဂ့ၤလၢနကယူာ်ထီၣ် နစုဖဲမုၢ်တနံၤလၢယတကနၣ်ဃုာ်လၢၤနၤန့ၣ်ဧါ. ယၤ, ယွၤကတိၤတ့ၢ်တၢ်ဒီးယဟံးဃာ်ဂၢၢ်ကျၢၤယတၢ်ကတိၤန့ၣ်လီၤ.

လံာ်ယဃ့းစက့လး 23:47

ပျဲပှၤဂီၢ်မုၢ်တဖုလၢအတၢထီၣ်တၢလီၤန့ၣ်ကွံာ်သံအဝဲသ့ၣ်လၢ လၢၢ်ဒီးဒုးအဝဲသ့ၣ်လၢနးတဖၣ်, မၤသံကွံာ်အဖိတဖၣ်ဒီးဒွဲၣ် အူကွံာ်အဝဲသ့ၣ်အဟံၣ်တဖၣ်န့ၣ်တက့ၢ်.

လံာ်ယဃ့းစက့လး 26:14

ယကပာ်လီၤတဲာ်ထဲလၢၢ်လ့ၤကဒိတဖျၢၣ် ဧိၤဖဲပှၤမၤညၣ်ဖိတဖၣ် လိဃ့ထီအပှာ်ကသ့ဝဲအဂီၢ်န့ၣ်လီၤ. ဝ့ၢ်န့ၣ်တဘၣ်တၢ်ဘှီထီၣ်က့ၤလၢၤအီၤနီတဘျီလၢၤဘၣ်. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.’ ”

လံာ်ယဃ့းစက့လး 28:23

ယကဆှၢလီၤတၢ်ဆူးတၢ်ဆါတဖၣ်လၢနလိၤဒီး ယကဒုးယွၤလီၤ တၢ်သွံၣ်လၢနကျဲမုၢ်တဖၣ်အပူၤန့ၣ်လီၤ. နကဘၣ်တၢ်ဟဲထီၣ်ဒုးနၤလၢအကပၤကပၤဒီး နပှၤဂီၢ်မုၢ်ကဘၣ်တၢ်မၤသံကွံာ်အီၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:12

ယကမၤဃ့ထီကွံာ်ထံကျိနံၤလါဒီး ပာ်လီၤကီၢ်အဲၤကူပတူးလၢပှၤအၢ ပှၤသီတဖၣ်အစိကမီၤအဖီလာ်န့ၣ်လီၤ. ပှၤတခီဘီမုၢ်ဖိတဖၣ် ကမၤဟးဂူာ်ဟးဂီၤကွံာ်ထံကီၢ်ဒီဘ့ၣ်ညါန့ၣ်လီၤ.” ယၤ, ယွၤကတိၤလံတၢ်လံ.

လံာ်ယဃ့းစက့လး 33:27

တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

လံာ်ယဃ့းစက့လး 37:14

ယကဒၢနုာ်ယတၢ်သါဆူအဝဲသ့ၣ်အပူၤ, မၤမူထီၣ်ကဒါက့ၤအဝဲသ့ၣ် ဒီးပျဲအဝဲသ့ၣ်အိၣ်ဆိးလၢအကီၢ်ဒၣ်ဝဲအပူၤန့ၣ်လီၤ. အန့ၣ်ဒီးအဝဲသ့ၣ်က သ့ၣ်ညါဝဲလၢယမ့ၢ်ယွၤန့ၣ်လီၤ. ယအၢၣ်လီၤတ့ၢ်လၢယကမၤတၢ်အံၤဒီးယကမၤအီၤန့ၣ်လီၤ. ယၤ, ယွၤ, ကတိၤလံတၢ်လံ.”

လံာ်ယဃ့းစက့လး 38:22

ယကစံၣ်ညီၣ်အီၤလၢတၢ်ဆူးတၢ်ဆါဒီးတၢ်ဂၢ်သွံၣ်ဂၢ်စီၤန့ၣ်လီၤ. ဒီးယကလူလီၤမူခိၣ်အထံယွၤဆူၣ်ဃုာ်ဒီးသူၣ်အိၣ်ဒီးမ့ၣ်အူဒီးကး ကလူလီၤဂၢ်လီၤအသးလၢအလိၤ, ဒီးလၢအသုးမုၢ်ဒီးပှၤကလုာ် တဖၣ်လၢအိၣ်လၢအဝဲအအိၣ်တခီအလိၤန့ၣ်လီၤ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ယဃ့းစက့လး 5:16

ယကဒီၣ်တဲာ်ကွံာ်သုတၢ်အီၣ်အကျိၤအကျဲဒီးပျဲသုသၣ်ဝံၤလီၤဒိ လီၤ. သုကကလၢၢ်ဘၣ်တၢ်သၣ်ဝံၤလီၤဒိအတၢ်ဘၣ်ဒိဘၣ်ထံးလၢ အလီၤဂာ်ဒ်ပျၢ်ခိၣ်စူတဖၣ်လၢတၢ်ခးအီၤလၢကမၤဟးဂီၤသုအဂီၢ်, အသိးန့ၣ်လီၤ.

လံာ်ယဃ့းစက့လး 6:1

ယွၤကတိၤတၢ်ဒီးယၤဒီးစံးဝဲ, “ပှၤကညီလၢအသံသ့ဧၢ, ကွၢ်ဃီၤတၢ်ဆူကီၢ်အံၣ်စရ့လးအကစၢၢ်ကလိ တဖၣ်ဒီးဟ့ၣ်အဝဲသ့ၣ်လၢယတၢ်ကစီၣ်တက့ၢ်.

လံာ်ယဃ့းစက့လး 6:12

ပှၤတဖၣ်လၢအအိၣ်လၢတၢ်ဖးယံၤ, ကဆူးဆါထီၣ်ဝဲဒီးကသံဝဲလီၤ. ပှၤတဖၣ်လၢအအိၣ်ဘူးအိၣ်တံၢ်ကဘၣ်တၢ်မၤသံအီၤလၢတၢ်ဒုး အပူၤလီၤ. ပှၤတဖၣ်လၢအအိၣ်လီၤတဲာ်ဒံးန့ၣ်ကသၣ်ဝံၤလီၤဒိသံဝဲလီၤ. အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:22

ဒီးယကဆှၢလီၤဆၣ်ဖိကီၢ်ဖိအမံၤလၢသုကျါဒီးကမၤသံသုဖိ သုလံၤ, ဒီးမၤဟးဂီၤကွံာ်သုဆၣ်ဖိကီၢ်ဖိအဒၢဒီးမၤစှၤလီၤသု ဒ်သိးသုကျဲတဖၣ်ကအိၣ်သယုၢ်အဂီၢ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်သိၣ်လီၤသီလီၤတၢ် 32:24

အဝဲသ့ၣ်ကသံဝဲလၢတၢ်သၣ်ဝံၤလီၤဒိဒီးတၢ်လိၤကိၢ်အဃိ, အဝဲသ့ၣ်ကသံဝဲလၢတၢ်ဆူးတၢ်ဆါတဖၣ်လၢအလီၤပျံၤလီၤဖုးအဃိ န့ၣ်လီၤ. ယကမၢလီၤဆၣ်ဖိကီၢ်ဖိအမံၤတဖၣ်လၢကဟဲထီၣ်အ့ၣ်ဖှီအဝဲသ့ၣ်, ဒီးဂုၢ်တဖၣ်လၢအစုၣ်အၢန့ၣ်ကအ့ၣ်အဝဲသ့ၣ်လီၤ.

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.