လံာ်ယဃ့းစက့လး 5:13 - Sgaw Karen Common Bible

¹³ သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 5:13 Iomraidhean Croise

လံာ်ယၡါယၤ 1:21

ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 15:9

မိၢ်လၢအဖိလီၤမၢ်ကွံာ်န့ၢ်အီၤနွံဂၤန့ၣ်, သံတယူာ်ဘၣ်အသးဒီးဘၣ်ဂုာ်သါဝဲဒၣ်န့ၣ်လီၤ. အဝဲသ့ၣ်အမုၢ်ဆါအတၢ်ကပီၤကဲထီၣ်တၢ်ခံးတၢ်နၤလီၤ. အဝဲဒၣ်ဘၣ်တၢ်မဲာ်ဆှးဒီးအသး ဘၣ်ဒိဘၣ်ထံးဝဲန့ၣ်လီၤ. ယကပျဲသုဒုၣ်သုဒါတဖၣ်မၤသံသုဝဲ လၢအအိၣ်မူဒံးတဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်ယဃ့းစက့လး 13:15

တၢ်ဒူၣ်ဒီးပှၤတဖၣ်လၢအဖှူဘၢအီၤလၢထူၣ်ဝါန့ၣ်, ကကလၢၢ်ဘၣ်ယတၢ်သးထီၣ်အသဟီၣ်န့ၣ်လီၤ. ဝံၤဒီးယကတဲဘၣ်သုလၢတၢ်ဒူၣ်န့ၣ်တအိၣ်လၢၤဘၣ်. ဒီးဒ်န့ၣ်အသိး, ပှၤတဖၣ်လၢအဖှူဝါအီၤ,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 17:21

အဝဲအသုးဖိအဂ့ၤကတၢၢ်တဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ် ယၤအပူၤ, ဒီးပှၤလၢအအိၣ်လီၤတဲာ်တဖၣ်ကဘၣ်တၢ်မၤလီၤ ပြံလီၤပြါအီၤဆူတၢ်လီၢ်ကိးကပၤဒဲးန့ၣ်လီၤ. အန့ၣ်ဒီး, သုကသ့ၣ်ညါလၢယၤ, ယွၤအံၤ, ကတိၤလံတၢ်လံန့ၣ်လီၤ.”

လံာ်ယဃ့းစက့လး 20:21

ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 21:17

ယဲစ့ၢ်ကီးယကဒဲယစုတဖၣ်ဒီးယတၢ်သးဒိၣ် ကကတၢၢ်ကွံာ်ဝဲဒၣ်န့ၣ်လီၤ.” ယၤ, ယွၤအံၤကတိၤလံတၢ်လံ.

လံာ်ယဃ့းစက့လး 21:22

ခဲကနံၣ်အံၤ, အဝဲအစုထွဲဖီၣ်ဃာ်ပျၢ်တဘိလၢတၢ်မၤနီၣ်အီၤ, ‘ဝ့ၢ်ယရူၤၡလ့ၣ်’ အဂီၢ်န့ၣ်လီၤ. တၢ်န့ၣ်တဲအီၤလၢအဝဲကလဲၤ ဒီးပာ်လီၤနီၣ်ဘၢၣ်ဖျိတၢ်တဖၣ်, ကကိးသတြီထီၣ်တၢ်ဒုးတၢ်ယၤအတၢ်ကိးပသူ, ကပာ်လီၤနီၣ်ဘၢၣ်ဖျိတၢ်တဖၣ်ထီဒါတြဲၤတဖၣ်ဒီးကမၤကစီၤထီၣ် ဟီၣ်ခိၣ်ပူၣ်တဖၣ်ဒီးကခူၣ်လီၤတၢ်ကျိၤတဖၣ်န့ၣ်လီၤ.

လံာ်ယဃ့းစက့လး 23:25

မ့ၢ်လၢ, ယသးဒိၣ်ထီၣ်နၤအဃိ, ယကပျဲအဝဲသ့ၣ်မၤဘၣ်နၤလၢအတၢ် သးထီၣ်အပူၤန့ၣ်လီၤ. အဝဲသ့ၣ်ကကူးတဲာ်ကွံာ်နနါဒ့တဖၣ်ဒီးနနၢ်တဖၣ်ဒီးကမၤသံကွံာ် နဖိတဖၣ်န့ၣ်လီၤ. မ့ၢ်လီၤ. အဝဲသ့ၣ်ကဟံးန့ၢ်ကွံာ်နဖိခွါတဖၣ်ဒီးနဖိမုၣ်တဖၣ်လၢနအိၣ် ဒီးဒွဲၣ်ကွံာ်မူဒံးအဝဲသ့ၣ်န့ၣ်လီၤ.

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်ယဃ့းစက့လး 43:8

စီၤပၤတဖၣ်ဘှီထီၣ်အနူၢ်ဧိၤစီၤဧိၤအကျဲစၢၤအကျိၤထံးဒီးအတြဲၤအ ထူၣ်တဖၣ်သဃဲၤလိာ်အသးဒီးယတၢ်လုၢ်ဟံၣ်အကျဲစၢၤကျိၤထံးဒီးတြဲၤ ထူၣ်တဖၣ်တုၤဒၣ်လဲာ်လၢအဘၢၣ်စၢၤန့ၣ်အိၣ်ဒၣ်ထဲတၢ်ဒူၣ်တဒူၣ် ဧိၤန့ၣ်လီၤ. အဝဲသ့ၣ်မၤမဲာ်ဆှးယမံၤစီဆှံခီဖျိတၢ်လီၤ သးဘၣ်အၢတဖၣ်လၢအဝဲ, သ့ၣ်မၤတ့ၢ်ဝဲအဃိ သတးဒီးလၢယတၢ်သးကဲၤထီၣ်အပူၤန့ၣ်ယမၤဟးဂီၤကွံာ် အဝဲသ့ၣ်န့ၣ်လီၤ.

လံာ်ယဃ့းစက့လး 6:10

အဝဲသ့ၣ်ကသ့ၣ်ညါဝဲလၢယမ့ၢ်ယွၤ, ဒီးလၢယတၢ်ဟ့ၣ်ပလီၢ်တဖၣ်တမ့ၢ် တၢ်မၤပျံၤမၤဖုးကလီကလီဘၣ်န့ၣ်လီၤ.

လံာ်ယဃ့းစက့လး 6:12

ပှၤတဖၣ်လၢအအိၣ်လၢတၢ်ဖးယံၤ, ကဆူးဆါထီၣ်ဝဲဒီးကသံဝဲလီၤ. ပှၤတဖၣ်လၢအအိၣ်ဘူးအိၣ်တံၢ်ကဘၣ်တၢ်မၤသံအီၤလၢတၢ်ဒုး အပူၤလီၤ. ပှၤတဖၣ်လၢအအိၣ်လီၤတဲာ်ဒံးန့ၣ်ကသၣ်ဝံၤလီၤဒိသံဝဲလီၤ. အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ.

လံာ်ယဃ့းစက့လး 7:3

ကီၢ်အံၣ်စရ့လးဧၢ, တၢ်အကတၢၢ်ဟဲလံဝဲလံ. နကကလၢၢ်ဘၣ်ယတၢ်သး ဒိၣ်ထီၣ်လီၤ. အဂ့ၢ်ဒ်အံၤ, ယစံၣ်ညီၣ်နၤလၢတၢ်လၢနမၤတ့ၢ်အီၤ အဃိန့ၣ်လီၤ. လၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤန့ၣ်လီၤ.

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်ဟိၤၡ့ 10:10

ယကဒုးတၢ်ဒီးပှၤဂီၢ်မုၢ်လၢအမၤတၢ်ဒဲးဘးအံၤဒီးစံၣ်ညီၣ်အဝဲ သ့ၣ်လီၤ. ပှၤကလုာ်တဖၣ်ကပာ်ဖှိၣ်ထီၣ်သကိးအသးထီဒါအဝဲသ့ၣ်, ဒီးအဝဲသ့ၣ်ကဘၣ်တၢ်စံၣ်ညီၣ်အီၤလၢအတၢ်ဒဲးဘးအဃိန့ၣ်လီၤ.

လံာ်စကၤရယၤ 6:8

အန့ၣ်ဒီးကလူးကိးထီၣ်ဆူယအိၣ်, “ကသ့ၣ်တဖၣ်လၢအလဲၤဆူကလံၤစိးတကပၤဆူကီၢ်ဘၤဘူၤလိၣ်န့ၣ် မၤဂၢၢ်က့ၤယွၤအတၢ်သးထီၣ်လံ.”

လံာ်သိၣ်လီၤသီလီၤတၢ် 28:63

ဒ်သိးဒၣ်ယွၤမုာ်လၤသးခုတ့ၢ်လၢတၢ်မၤဘီၣ်ထီၣ်ညီထီၣ်သု အပူၤ, လၢတၢ်မၤအါထီၣ်သုနီၣ်ဂံၢ်အပူၤအသိးန့ၣ်, အဝဲကမုာ်လၤသးခုစ့ၢ်ကီးလၢတၢ်မၤဟးဂီၤသုအပူၤဒီးလၢတၢ် ဟဲစိာ်တၢ်ဟးဂီၤလၢသုလိၤအပူၤန့ၣ်လီၤ. သုကဘၣ်တၢ်ထဲးထုးထီၣ်ကွံာ်သုလၢကီၢ်တဘ့ၣ်လၢသုကဘၣ်မၤပှဲၤ အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.