လံာ်ယဃ့းစက့လး 5:12 - Sgaw Karen Common Bible

¹² နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:12 Iomraidhean Croise

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယံးရမံယၤ 13:24

ယွၤကမၤလီၤပြံလီၤပြါကွံာ်နၤဒ်ဘုလီၢ်လၢအ ဘၣ်တၢ်အူဒံအူဖျိးကွံာ်အီၤလၢမဲးမုၢ်ခိၣ်အကလံၤအသိးန့ၣ် လီၤ.

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 15:9

မိၢ်လၢအဖိလီၤမၢ်ကွံာ်န့ၢ်အီၤနွံဂၤန့ၣ်, သံတယူာ်ဘၣ်အသးဒီးဘၣ်ဂုာ်သါဝဲဒၣ်န့ၣ်လီၤ. အဝဲသ့ၣ်အမုၢ်ဆါအတၢ်ကပီၤကဲထီၣ်တၢ်ခံးတၢ်နၤလီၤ. အဝဲဒၣ်ဘၣ်တၢ်မဲာ်ဆှးဒီးအသး ဘၣ်ဒိဘၣ်ထံးဝဲန့ၣ်လီၤ. ယကပျဲသုဒုၣ်သုဒါတဖၣ်မၤသံသုဝဲ လၢအအိၣ်မူဒံးတဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 21:9

ပှၤတဂၤဂ့ၤတဂၤဂ့ၤလၢအအိၣ်ဝဲလၢဝ့ၢ်ပူၤအံၤန့ၣ်ကသံလၢတၢ်ဒုးသုး အပူၤ, မ့တမ့ၢ်, လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိန့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအဟးထီၣ်ဒီးဟ့ၣ် လီၤအသးဆူပှၤဘၤဘူၤလိၣ်ဖိတဖၣ်လၢ အဟဲထီၣ်ဒုးဝ့ၢ်အခဲအံၤအစုပူၤန့ၣ်, တဘၣ်တၢ်မၤသံအီၤဘၣ်. အစှၤကတၢၢ်အဝဲကပူၤဖျဲး ဒီးအိၣ်မူဘၣ်ဒံးဝဲန့ၣ်လီၤ.

လံာ်ယံးရမံယၤ 24:10

ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”

လံာ်ယံးရမံယၤ 42:22

လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်ယံးရမံယၤ 44:27

ယကမၤတုၤသုတဘီၣ်ထီၣ် ညီထီၣ်လၢၤဘၣ်ဒီးသုကဘၣ်တၢ်မၤဟးဂီၤကွံာ်သုန့ၣ်လီၤ. သုဝဲခဲလၢာ်သုကသံ, လၢတၢ်ဒုးအပူၤ မ့တမ့ၢ်လၢ တၢ်ဆူးတၢ်ဆါအဃိ, တုၤသုတအိၣ်လီၤတဲာ်လၢၤ နီတဂၤဘၣ်န့ၣ်လီၤ.

လံာ်ယံးရမံယၤ 9:15

လၢတၢ်န့ၣ်အဃိ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကမၤဝဲန့ၣ်တက့ၢ်. ယကဟ့ၣ် ယပှၤဂီၢ်မုၢ်တၢ်မုၢ်တၢ်ဘိအခၣ်တဖၣ်လၢကအီၣ်ဝဲအဂီၢ်, ဒီးစုၣ်လၢကအီဝဲအဂီၢ်န့ၣ်လီၤ.

လံာ်ယံးရမံယၤ 9:16

ယကမၤပြံ မၤပြါအဝဲသ့ၣ်လၢပှၤကလုာ်တဖၣ်အကျါ, ပှၤကလုာ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤတဖၣ်မ့ၢ်ဂ့ၤတနၢ်ဟူသ့ၣ်ညါဝဲအဂ့ၢ်, ဒီးယကဆှၢလီၤသုးမုၢ်တဖၣ်ထီဒါအဝဲသ့ၣ်တုၤ ယမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တစုန့ၣ်လီၤ.”

လံာ်ယဃ့းစက့လး 12:14

ယကမၤလီၤပြံလီၤပြါကယဲၢ်ပှၤလၢအအိၣ်လၢအနူၢ်ဧိၤစီၤဧိၤအဂၢၤပူၤ, ဒီးအပှၤဟ့ၣ်ကူၣ်တၢ်တဖၣ်ဒီးအပှၤခိးအသးသမူတဖၣ် ဆူတၢ်လီၢ်ကိးကပၤဒဲး, ဒီးပှၤဂီၢ်မုၢ်ကဃုအဝဲသ့ၣ်လၢကမၤ သံအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 14:19

ယမ့ၢ်မၢလီၤတၢ်ဆါသံသတြိာ်လၢကီၢ်န့ၣ်အဖီခိၣ်ဒီးလၢယတၢ်သး ထီၣ်အပူၤဟံးထီၣ်ကွံာ်သးသမူအါဖျၢၣ်, မၤသံကွံာ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒီး,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်ယဃ့းစက့လး 21:22

ခဲကနံၣ်အံၤ, အဝဲအစုထွဲဖီၣ်ဃာ်ပျၢ်တဘိလၢတၢ်မၤနီၣ်အီၤ, ‘ဝ့ၢ်ယရူၤၡလ့ၣ်’ အဂီၢ်န့ၣ်လီၤ. တၢ်န့ၣ်တဲအီၤလၢအဝဲကလဲၤ ဒီးပာ်လီၤနီၣ်ဘၢၣ်ဖျိတၢ်တဖၣ်, ကကိးသတြီထီၣ်တၢ်ဒုးတၢ်ယၤအတၢ်ကိးပသူ, ကပာ်လီၤနီၣ်ဘၢၣ်ဖျိတၢ်တဖၣ်ထီဒါတြဲၤတဖၣ်ဒီးကမၤကစီၤထီၣ် ဟီၣ်ခိၣ်ပူၣ်တဖၣ်ဒီးကခူၣ်လီၤတၢ်ကျိၤတဖၣ်န့ၣ်လီၤ.

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်ယဃ့းစက့လး 33:27

တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

လံာ်ယဃ့းစက့လး 36:19

ယစံၣ်ညီၣ်ဃၣ်အဝဲသ့ၣ်လၢတၢ်အိၣ်မူအကျဲလၢအဝဲသ့ၣ်အိၣ်မူ တ့ၢ်ဒီးမၤတ့ၢ်ဝဲအဃိဒီးယမၤလီၤပြံလီၤပြါကွံာ်အဝဲသ့ၣ်သကုၤ ပှၤတခီဘီမုၢ်ဖိအထံအကီၢ်တဖၣ်အပူၤန့ၣ်လီၤ.

လံာ်ယဃ့းစက့လး 43:8

စီၤပၤတဖၣ်ဘှီထီၣ်အနူၢ်ဧိၤစီၤဧိၤအကျဲစၢၤအကျိၤထံးဒီးအတြဲၤအ ထူၣ်တဖၣ်သဃဲၤလိာ်အသးဒီးယတၢ်လုၢ်ဟံၣ်အကျဲစၢၤကျိၤထံးဒီးတြဲၤ ထူၣ်တဖၣ်တုၤဒၣ်လဲာ်လၢအဘၢၣ်စၢၤန့ၣ်အိၣ်ဒၣ်ထဲတၢ်ဒူၣ်တဒူၣ် ဧိၤန့ၣ်လီၤ. အဝဲသ့ၣ်မၤမဲာ်ဆှးယမံၤစီဆှံခီဖျိတၢ်လီၤ သးဘၣ်အၢတဖၣ်လၢအဝဲ, သ့ၣ်မၤတ့ၢ်ဝဲအဃိ သတးဒီးလၢယတၢ်သးကဲၤထီၣ်အပူၤန့ၣ်ယမၤဟးဂီၤကွံာ် အဝဲသ့ၣ်န့ၣ်လီၤ.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်ယဃ့းစက့လး 5:17

ယကမၢလီၤတၢ်သၣ်ဝံၤလီၤဒိဒီးဆၣ်ဖိကီၢ်ဖိအမံၤတဖၣ်လၢကမၤ သံသုဖိတဖၣ်, ဒီးယကဆှၤလီၤတၢ်ဆူးတၢ်ဆါ, တၢ်စုဆူၣ်ခီၣ်တကး, ဒီးတၢ်ဒုးတၢ်ယၤလၢကမၤသံသုအဂီၢ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်ယဃ့းစက့လး 6:8

ယကပျဲပှၤတနီၤပူၤဖျဲးကွံာ်လၢတၢ်မၤသံမၤဝီဒီးမၤလီၤပြံလီၤပြါအဝဲသ့ၣ်လၢပှၤကလုာ်တဖၣ်အကျါ,

လံာ်ယဃ့းစက့လး 7:15

တၢ်ဒုးတၢ်ယၤအိၣ်ဝဲလၢကျဲဘိတဖၣ်အပူၤ, ဒီးတၢ်ဆူးတၢ်ဆါ ဒီးတၢ်သၣ်ဝံၤလီၤဒိလၢဟံၣ်ဃီတဖၣ်အပူၤလီၤ. ပှၤတဂၤဂ့ၤတဂၤ ဂ့ၤလၢအအိၣ်လၢခိန့ၣ်, ကသံဝဲလၢတၢ်ဒုးတၢ်ယၤအပူၤ, ဒီးပှၤတဂၤဂ့ၤတဂၤဂ့ၤလၢအအိၣ်လၢဝ့ၢ်ပူၤန့ၣ်, တၢ်ဆူးတၢ်ဆါဒီးတၢ်သၣ်ဝံၤလီၤဒိကမၤန့ၢ်မၤနၢၤအီၤလီၤ.

လံာ်ယဃ့းစက့လး 7:3

ကီၢ်အံၣ်စရ့လးဧၢ, တၢ်အကတၢၢ်ဟဲလံဝဲလံ. နကကလၢၢ်ဘၣ်ယတၢ်သး ဒိၣ်ထီၣ်လီၤ. အဂ့ၢ်ဒ်အံၤ, ယစံၣ်ညီၣ်နၤလၢတၢ်လၢနမၤတ့ၢ်အီၤ အဃိန့ၣ်လီၤ. လၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်ဧၤမိၣ် 9:4

မ့ၢ်ဘၣ်တၢ်စိၣ်အီၤဆူတၢ်မၢကဲကုၢ်အလီၢ်လၢအဒုၣ်အဒါတဖၣ်ဒၣ် လဲာ်ယကမၤလိာ်လၢအဝဲသ့ၣ်ကဘၣ်တၢ်မၤသံကွံာ်အီၤန့ၣ်လီၤ. ယပာ်လီၤတ့ၢ်ယသးလၢယကမၤဟးဂီၤကွံာ်အီၤလီၤ. တမ့ၢ်လၢယကမၤစၢၤအီၤအဂီၢ်ဘၣ်.

လံာ်ဧၤမိၣ် 9:9

ယကဟ့ၣ်လီၤတၢ်မၤလိာ်ဒီးဂံၤဂုၤကီၢ်အံၣ်စရ့လးအပှၤဂီၢ်မုၢ်ဒ် ဘုဧိၤဟုဧိၤဘၣ်တၢ်ဂုၤအီၤလၢကီၢ်လဲၢ်ပူၤအသိးန့ၣ်လီၤ. ယကဂံၤဂုၤအဝဲသ့ၣ်လၢပှၤကလုာ်တဖၣ်ဒီးတၢၤကွံာ်ပှၤ လၢတဂိာ်တသီၣ်တၢ်တဖၣ်လီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

လံာ်သိၣ်လီၤသီလီၤတၢ် 28:65

သုတထံၣ်န့ၢ်ဘၣ်တၢ်ဃူတၢ်ဖိးလၢတၢ်လီၢ်နီတပူၤ, တၢ်လီၢ်လၢတၢ်ကကိးအီၤလၢသုတၢ်န့ၣ်တအိၣ်ဘၣ်နီတပူၤဘၣ်. ယွၤကလုၣ်ဘၢသုဒီးတၢ်ကိၢ်တၢ်ဂီၤ, တၢ်မုၢ်လၢ်လၢာ်ကွံာ်ဒီးတၢ် သးဟးဂီၤန့ၣ်လီၤ.

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.