လံာ်ယဃ့းစက့လး 48:8 - Sgaw Karen Common Bible

⁸ ကီၢ်အတၢ်နီၤဖးလၢခံတတီၤန့ၣ်ကဘၣ်တၢ်ပာ် လီၤဆီအီၤလၢတၢ်ကသူလီၤဆီအီၤအဂီၢ်န့ၣ်လီၤ. တၢ်လီၢ်န့ၣ်လဲၢ်ဝဲစးထီၣ်လၢကလံၤစိးဆူကလံၤထံးအပျၢ် ခံကလးယဲၢ်ကထိ, ဒီးအထီစးထီၣ်လၢမုၢ်ထီၣ်တုၤဆူမုၢ် နုာ်န့ၣ်ကဘၣ်ဒ်သိးသိးလိာ်အသးဒီးတၢ်လီၢ်အတီၤ တဖၣ်လၢအဘၣ်တၢ်ဟ့ၣ်နီၤအီၤဆူပှၤအဒူၣ်တဖၣ် အအိၣ်န့ၣ်လီၤ. ယွၤအတၢ်လုၢ်ဟံၣ်ကဘၣ်အိၣ်လၢတၢ်လီၢ် တတီၤအံၤအပူၤန့ၣ်လီၤ.

လံာ်ယဃ့းစက့လး 48:8 Iomraidhean Croise

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယဃ့းစက့လး 48:21

တၢ်လီၢ်လၢအအိၣ်ဝဲဒီးယွၤအတၢ်လုၢ်ဟံၣ်, ပှၤလုၢ်တၢ်အခိၣ်တဖၣ် အလီၢ်အကျဲ, ပှၤလ့ၤဝံဖိတဖၣ်အလီၢ်အကျဲ, ဒီးဝ့ၢ်အလီၢ် အကျဲတကဝီၤအံၤ, အမုၢ်ထီၣ်ဒီးအမုၢ်နုာ်, တၢ်လီၢ်လၢအအိၣ် လီၤတဲာ်အဂၤတဖၣ်န့ၣ်ဘၣ်ဃးဒီးစီၤပၤဖိခွါလၢအပၢတၢ်န့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်ယဃ့းစက့လး 48:9

လၢတၢ်လီၢ်တတီၤအံၤအခၢၣ်သးန့ၣ်တၢ်လီၢ်လီၤဆီ တကဝီၤလၢအတၢ်ထိၣ်အထီမ့ၢ်ဝဲအပျၢ်ခံကလးယဲၢ် ကထိဒီးအဒီၣ်ဃီၤမ့ၢ်ဝဲအပျၢ်တကလးန့ၣ်ကဘၣ်တၢ်လုၢ်ထီၣ်အီၤ ဆူယွၤအအိၣ်န့ၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ကလီးစဲ 2:9

ယွၤအန့ဆၢၣ်သကဲာ်ပဝးအလၢအပှဲၤအိၣ်ဝဲလၢခရံာ် အနီၢ်ခိနီၢ်ခီအပူၤဖဲအဝဲဟဲဒ်ပှၤကညီတဂၤအသိးအခါန့ၣ်လီၤ.

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.

လံာ်လီၣ်ဖျါ 22:3

တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.