လံာ်ယဃ့းစက့လး 48:28 - Sgaw Karen Common Bible

²⁸ လၢတၢ်နီၤဖးတတီၤလၢတၢ်ဟ့ၣ်အီၤဆူကးအဒူၣ်, အကလံၤထံးန့ၣ်, ကီၢ်အဆၢလဲၤဝဲဆူကလံၤထံးမုၢ် နုာ်စးထီၣ်လၢဝ့ၢ်တၤမၢ်ပၢၢ်တုၤလၢကၤဒ့ၣ်အမဲး မုၢ်ခိၣ်ထံအိၣ်အလီၢ်တတီၤ, အန့ၣ်ဝံၤဒီးလဲၤဝဲဆူ ကလံၤစိးမုၢ်နုာ်တကပၤလၢအဲၤကူပတူးအကီၢ်ဆၢတကျိၤ တုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်ယဃ့းစက့လး 48:28 Iomraidhean Croise

လံာ်တၢ်ကဲထီၣ်အခီၣ်ထံး 14:7

ဒီးဟဲက့ၤကဒါက့ၤဝဲ, ဒီးဟဲက့ၤဆူဝ့ၢ်ကၤဒ့ၢ် (လၢအကတီၢ်ဖဲ န့ၣ်ဘၣ်တၢ်သ့ၣ်ညါအီၤဒ်ဝ့ၢ်ဧ့ၣ်မံးၡပး) န့ၣ်လီၤ. အဝဲသ့ၣ်မၤနၢၤပှၤဧမၤလ့းဖိအကီၢ်ဒီဘ့ၣ်ညါဒီးပှၤ အမိၢ်ဖိလၢအအိၣ်အဆိးလၢဝ့ၢ်ဃၤစစိၣ်တါမၢ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်ကွဲးနီၣ်တၢ်ခံဘ့ၣ်တဘ့ၣ် 20:2

ပှၤဟဲစိာ်တၢ်ကစီၣ်တနီၤဟဲဝဲဒီးဒုးသ့ၣ်ညါဘၣ်စီၤပၤယဟိၡၤ ဖးစံးဝဲ, “သုးမုၢ်ဖးဒိၣ်တဖုလၢကီၢ်အဒိၣ်တခီဟဲဝဲလၢပီၣ်လဲၣ်သံ အဝၢ်ဘးခီလၢကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်မၤန့ၢ်ကွံာ်လံဝ့ၢ်ဃၤဃစိၣ်တါမၢ်န့ၣ်လီၤ. (အအံၤမ့ၢ်ဝ့ၢ်ဧ့ၣ်က့ဒၤအမံၤအဂၤတဖျၢၣ်န့ၣ်လီၤ.)

စံးထီၣ်ပတြၢၤ 106:32

ဖဲထံထီၣ်ပၢၢ်မရံၤဘါန့ၣ်, ပှၤဂီၢ်မုၢ်မၤသးထီၣ်ကစၢ်ယွၤ, ဒီးစီၤမိၤၡ့ဘၣ်တၢ်ကိၢ်တၢ်ဂီၤလၢ အဝဲသ့ၣ်အဃိလီၤ.

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်ယဃ့းစက့လး 47:10

စးထီၣ်လၢဧ့ၣ်က့ၤဒံအထံမူထီၣ်ပၢၢ်တဖၣ်ပၢၢ်တုၤလၢဧ့ၣ်ဧ့ကလဲၣ် အထံမူထီၣ်ပၢၢ်တဖၣ်ဒီတကျဲညါန့ၣ်ကအိၣ်ဒီးပှၤမၤညၣ်ဖိတဖၣ် လၢပီၣ်လဲၣ်ဖိအကၢၢ်နံၤ, ဒီးအဝဲသ့ၣ်ကသလၣ်လီၤအပှာ်ဧိၤစၤဧိၤ ဖဲန့ၣ်လၢကမၤဃ့ထီအီၤအဂီၢ်န့ၣ်လီၤ. ဖဲန့ၣ်ညၣ်တဖၣ်ကအိၣ်ဝဲ အကလုာ်ကလုာ်အါဝဲဒ်သိးဒၣ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် အပူၤအသိးန့ၣ်လီၤ.

လံာ်ယဃ့းစက့လး 47:15

ကလံၤစိးအကီၢ်ဆၢန့ၣ်လဲၤဝဲဆူမုၢ်ထီၣ်တခီစးထီၣ်လၢပီၣ်လဲၣ် ဖးဒိၣ်မဲးဒံးထၢၣ်ရ့နယၢၣ်ဆူဝ့ၢ်ဃ့သလိၣ်, ဆူကျဲလဲၤဆူမါသး, ဆူဝ့ၢ်စဒး,

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 20:13

တၢ်အံၤမၤတ့ၢ်အသးဖဲမရံၤဘါ, တၢ်လီၢ်ဖဲကီၢ်အံၣ်စရ့လးအပှၤ ဂီၢ်မုၢ်ကဒူးကဒ့ၣ်တၢ်ထီဒါယွၤဒီးဖဲယွၤဒုးနဲၣ်တ့ၢ်အဝဲသ့ၣ်လၢ အဝဲမ့ၢ်တၢ်စီဆှံန့ၣ်လီၤ.

လံာ်တၢ်ဂံၢ် 34:5

တၢ်လီၢ်ဖဲကတရံးက့ၤလိၤလိၤဆူတၢ်တြီၤအိၣ်လၢကီၢ်အဲၤကူ ပတူးကီၢ်ဆၢဒီးကကတၢၢ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် န့ၣ်လီၤ.”

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).