လံာ်ယဃ့းစက့လး 48:21 - Sgaw Karen Common Bible

²¹ တၢ်လီၢ်လၢအအိၣ်ဝဲဒီးယွၤအတၢ်လုၢ်ဟံၣ်, ပှၤလုၢ်တၢ်အခိၣ်တဖၣ် အလီၢ်အကျဲ, ပှၤလ့ၤဝံဖိတဖၣ်အလီၢ်အကျဲ, ဒီးဝ့ၢ်အလီၢ် အကျဲတကဝီၤအံၤ, အမုၢ်ထီၣ်ဒီးအမုၢ်နုာ်, တၢ်လီၢ်လၢအအိၣ် လီၤတဲာ်အဂၤတဖၣ်န့ၣ်ဘၣ်ဃးဒီးစီၤပၤဖိခွါလၢအပၢတၢ်န့ၣ်လီၤ.

လံာ်ယဃ့းစက့လး 48:21 Iomraidhean Croise

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ယဃ့းစက့လး 48:10

တၢ်လီၢ်ကဝီၤစီဆှံအံၤမ့ၢ်တၢ်လီၢ်လၢပှၤလုၢ်တၢ်အခိၣ်တဖၣ် ကဘၣ်ဒိးန့ၢ်ဘၣ်အီၤဒ်အတၢ်နီၤဖးအသိးန့ၣ်လီၤ. စးထီၣ်လၢမုၢ်ထီၣ်တုၤဆူမုၢ်နုာ်န့ၣ်အဝဲသ့ၣ် အတၢ်နီၤဖးအလီၢ်အံၤကဘၣ်တၢ်ထိၣ်အီၤအပျၢ်ခံကလးယဲၢ်ကထိ, ဒီးစးထီၣ်လၢကလံၤစိးဆူကလံၤထံးန့ၣ်ကဘၣ်မ့ၢ်ဝဲအပျၢ် တကလးန့ၣ်လီၤ. ယွၤအတၢ်လုၢ်ဟံၣ်န့ၣ်ကဘၣ်အိၣ်ဝဲဒၣ်ဖဲ တၢ်လီၢ်ကဝီၤအံၤအခၢၣ်သးန့ၣ်လီၤ.

လံာ်ယဃ့းစက့လး 48:20

ဒီးလၢတၢ်န့ၣ်အဃိလီၢ်ကဝီၤလၢအအိၣ်လၢတၢ်လီၢ်တတီၤန့ၣ် အခၢၣ်သးလၢအဘၣ်တၢ်ပာ်လီၤဆီအီၤကဘၣ်မ့ၢ်တၢ်လီၢ်တတီၤ လၢအကပၤလွံၢ်ကပၤလိာ်အတၢ်ထိၣ်မ့ၢ်တၢ်ဒ်သိးသိး, လၢတကပၤစုာ်စုာ်ကဘၣ်မ့ၢ်ဝဲအပျၢ်ခံကထိယဲၢ်ကယၤန့ၣ်လီၤ. ဝ့ၢ်အတၢ်လီၢ်ကဝီၤကအိၣ်ဖဲတၢ်လီၢ်အံၤအပူၤန့ၣ်လီၤ.

လံာ်ယဃ့းစက့လး 48:22

တၢ်လီၢ်အံၤအဆၢလၢမုၢ်ထီၣ်တကပၤန့ၣ်, လဲၤဝဲယံၤတုၤလၢမုၢ်ထီၣ်ကီၢ်အဆၢဒီးလၢ မုၢ်နုာ်တကပၤန့ၣ်လဲၤဝဲတုၤဆူပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်ဒီးတၢ်လီၢ်တတီၤလၢအဘၣ်ထွဲဒီး ယူဒၤအဒူၣ်, မ့ၢ်တၢ်လီၢ်အံၤအဆၢလၢကလံၤစိးတကပၤ, ဒီးတၢ်လီၢ်တတီၤလၢအဘၣ်ထွဲဒီးဘံၣ်ယၤမံၣ်အဒူၣ်, မ့ၢ်တၢ်လီၢ်အံၤအဆၢလၢကလံၤထံးတကပၤန့ၣ်လီၤ.

လံာ်ယဃ့းစက့လး 48:8

ကီၢ်အတၢ်နီၤဖးလၢခံတတီၤန့ၣ်ကဘၣ်တၢ်ပာ် လီၤဆီအီၤလၢတၢ်ကသူလီၤဆီအီၤအဂီၢ်န့ၣ်လီၤ. တၢ်လီၢ်န့ၣ်လဲၢ်ဝဲစးထီၣ်လၢကလံၤစိးဆူကလံၤထံးအပျၢ် ခံကလးယဲၢ်ကထိ, ဒီးအထီစးထီၣ်လၢမုၢ်ထီၣ်တုၤဆူမုၢ် နုာ်န့ၣ်ကဘၣ်ဒ်သိးသိးလိာ်အသးဒီးတၢ်လီၢ်အတီၤ တဖၣ်လၢအဘၣ်တၢ်ဟ့ၣ်နီၤအီၤဆူပှၤအဒူၣ်တဖၣ် အအိၣ်န့ၣ်လီၤ. ယွၤအတၢ်လုၢ်ဟံၣ်ကဘၣ်အိၣ်လၢတၢ်လီၢ် တတီၤအံၤအပူၤန့ၣ်လီၤ.

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.