လံာ်ယဃ့းစက့လး 48:13 - Sgaw Karen Common Bible

¹³ ပှၤလ့ၤဝံဖိတဖၣ်စ့ၢ်ကီးကဘၣ်ဒိးန့ၢ်တၢ်လီၢ်လီၤဆီတကဝီၤလၢ ပှၤလုၢ်တၢ်အခိၣ်သ့ၣ်တဖၣ်အတၢ်လီၢ်အံၤအကလံၤထံးတကပၤ န့ၣ်လီၤ. တၢ်လီၢ်အံၤစ့ၢ်ကီးအတၢ်ထိၣ်ကဘၣ်မ့ၢ်ဝဲလၢမုၢ်ထီၣ် ဆူမုၢ်နုာ်န့ၣ်အပျၢ်ခံကလးယဲၢ်ကထိဒီးလၢကလံၤစိးဆူကလံၤထံး န့ၣ်အပျၢ်တကလးန့ၣ်လီၤ.

လံာ်ယဃ့းစက့လး 48:13 Iomraidhean Croise

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်ယဃ့းစက့လး 45:3

လီၢ်ကဝီၤအံၤတဝာ်လၢအမ့ၢ်အထီအမံၤလာ်တဆံဒီးအဒီၣ်ဃီၤ လွံၢ်မံၤလာ်န့ၣ်ကဘၣ်တၢ်ထိၣ်အီၤန့ၣ်လီၤ. တၢ်လီၢ်စီဆှံကတၢၢ် လၢအမ့ၢ်ယွၤအတၢ်လုၢ်ဟံၣ်, ကအိၣ်ဖဲန့ၣ်လီၤ.

လံာ်ယဃ့းစက့လး 45:5

လီၢ်ကဝီၤအံၤအဂၤတဝာ်န့ၣ်တၢ်ကဘၣ်ပာ်လီၤဆီအီၤဒ်အမ့ၢ် တၢ်လီၢ်လၢပှၤလ့ၤဝံဖိတဖၣ်လၢအမၤတၢ်လၢယွၤအတၢ်လုၢ်ဟံၣ် ပူၤအဂီၢ်န့ၣ်လီၤ. ဖဲန့ၣ်ကအိၣ်ဒီးဝ့ၢ်တဖၣ်လၢအဝဲသ့ၣ်ကအိၣ်ဆိးလၢအပူၤ အဂီၢ်န့ၣ်လီၤ.

လံာ်ယဃ့းစက့လး 48:12

လၢတၢ်န့ၣ်အဃိအဝဲသ့ၣ်ကဘၣ်ဒိးန့ၢ်ဘၣ်တၢ်လီၢ်လီၤဆီတတီၤ လၢအအိၣ်ဝဲဖဲတၢ်လီၢ်ကဝီၤလၢအဘၣ်ဃးဒီးပှၤလ့ၤဝံဖိတဖၣ် အကပၤ, ဒီးတၢ်လီၢ်န့ၣ်မ့ၢ်တၢ်စီဆှံကတၢၢ်န့ၣ်လီၤ.

လံာ်ယဃ့းစက့လး 48:14

တၢ်လီၢ်ကဝီၤလၢအဘၣ်တၢ်လုၢ်ထီၣ်အီၤလၢယွၤန့ၣ်မ့ၢ်လီၢ် အဂ့ၤကတၢၢ်လၢကီၢ်ပူၤဒီးပှၤတဘၣ်ဆါကွံာ်အီၤမ့ၢ်ဂ့ၤ, တဘၣ်လဲလိာ်အီၤမ့ၢ်ဂ့ၤ, တဘၣ်ဟ့ၣ်ဆူပှၤအဂၤတဂၤအအိၣ် မ့ၢ်ဂ့ၤနီတဂၤဘၣ်. တၢ်လီၢ်ကဝီၤအံၤစီဆှံဒီးဘၣ်ဃးဒီးယွၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:34

ဒီးအစံာ်အပှဲၤလၢအဝ့ၢ်အဃၢၤတဖၣ်န့ၣ်တဘၣ်တၢ်ဆါကွံာ်အီၤဘၣ်. အဂ့ၢ်ဒ်အံၤ, မ့ၢ်အတၢ်လီၤထူလီၤယိာ်လီၤ.

လံာ်လူၤကၣ် 10:7

အိၣ်ဖဲဟံၣ်တဖျၢၣ်ဃီန့ၣ်, ဒီးအီၣ်တၢ်အီတၢ်လၢအဝဲသ့ၣ် ဟ့ၣ်သုန့ၣ်တက့ၢ်. အဂ့ၢ်ဒ်အံၤ, ပှၤမၤတၢ်ဖိတဂၤကြၢးဘၣ်တၢ်ဟ့ၣ်အီၤလၢအဘူးအလဲလီၤ. တဘၣ်ဟးဝ့ၤဝီၤလၢဟံၣ်တဖျၢၣ်ဆူအဂၤတဖျၢၣ်န့ၣ်တဂ့ၤ.

လံာ်သိၣ်လီၤသီလီၤတၢ် 12:19

မၤလီၤတံၢ်စ့ၢ်ကီးလၢသုတလဲၤကပာ်ဒီးသးပ့ၤနီၣ်ကွံာ်ဘၣ်ပှၤ လ့ၤဝံဖိတဖၣ်ဖဲသုအိၣ်သုဆိးလၢသုကီၢ်အပူၤအဆၢကတီၢ်ဘၣ် န့ၣ်, တက့ၢ်.