လံာ်ယဃ့းစက့လး 47:9 - Sgaw Karen Common Bible

⁹ ဖဲထံကျိဖိယွၤလီၤတပူၤလၢ်လၢ်န့ၣ်ဆၣ်ဖိကီၢ်ဖိတဖၣ်ဒီးညၣ် ကအိၣ်ဝဲအကလုာ်ကလုာ်န့ၣ်လီၤ. ထံကျိဖိန့ၣ်ကမၤဘျါထီၣ်ပီၣ်လဲၣ်သံ အထံ, ဒီးဖဲအယွၤလီၤဝဲတပူၤလၢ်လၢ်န့ၣ်ကဟဲစိာ်တၢ်မူန့ၣ်လီၤ.

လံာ်ယဃ့းစက့လး 47:9 Iomraidhean Croise

စံးထီၣ်ပတြၢၤ 103:3

အဝဲဒၣ်န့ၣ်, မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်, ဒီးမ့ၢ်ပှၤလၢအမၤဘျါက့ၤ နတၢ်ဆူးတၢ်ဆါကိးမံၤဒဲး,

စံးထီၣ်ပတြၢၤ 78:16

ဒီးအဝဲဒၣ်ဒုးဟဲထီၣ်ထံထီၣ်ပၢၢ်လၢလၢၢ်ပူၤ, ဒီးဒုးယွၤလီၤထံဒ်ထံကျိတကျိအသိးန့ၣ်လီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်ယၡါယၤ 12:3

ဒ်ထံအဆှံဟဲစိာ်တၢ်သးခုလၢပှၤ လၢတၢ်သူအသးလၢထံအဂီၢ်အသိး, ကစၢ်ယွၤအပှၤဂီၢ်မုၢ်သူၣ်ခုသးခုဖဲအဝဲဒၣ်အုၣ်က့ၤခီၣ်က့ၤ အဝဲသ့ၣ်န့ၣ်လီၤ.”

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်ယိၤဟၣ် 14:19

တစိၢ်ဖိဒီးဟီၣ်ခိၣ်တထံၣ်လၢၤဘၣ်ယၤဘၣ်. ဘၣ်ဆၣ်သု ကထံၣ်ယၤလီၤ. မ့ၢ်ယမူယဲအဃိဒီး, သုကမူစ့ၢ်ကီးလီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 5:14

ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 15:45

အဂ့ၢ်ဒ်အံၤ, တၢ်ကွဲးအသးစံးဝဲ, “ပှၤကညီအဆိကတၢၢ် တဂၤ, စီၤအၤဒၣ်ဘၣ်တၢ်တ့လီၤပာ်လီၤအီၤဒ်သးလၢအမူဝဲ,” မ့မ့ၢ်စီၤအၤဒၣ်လၢခံကတၢၢ်တဂၤမ့ၢ်ဝဲသးလၢအဟ့ၣ်တၢ်မူန့ၣ်လီၤ.