လံာ်ယဃ့းစက့လး 47:8 - Sgaw Karen Common Bible

⁸ အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

လံာ်ယဃ့းစက့လး 47:8 Iomraidhean Croise

လံာ်တၢ်ဟးထီၣ်ကွံာ် 15:25

ဒီးစီၤမိၤၡ့ဘါထုကဖၣ်တၢ်လၢအသူၣ်ကံၢ်သးလဲဆူယွၤအအိၣ် ဒီးယွၤဒုးနဲၣ်အီၤလၢသ့ၣ်တကူးလာ်လီၤ. အဝဲကွံာ်နုာ်ဝဲဆူထံအကျါဒီးထံန့ၣ်ကဲထီၣ်ထံလၢတၢ်အီ အီၤသ့န့ၣ်လီၤ. ဖဲန့ၣ်ယွၤဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢကအိၣ်မူထွဲဝဲအဂီၢ်, ဒီးမၤကွၢ်စ့ၢ်ကီးအဝဲသ့ၣ်န့ၣ်လီၤ.

လံာ်ယၡါယၤ 35:1

မဲးမုၢ်ခိၣ်န့ၣ်ကသူၣ်ခုသးခု, ဒီးဖီတဖၣ်ကဖီထီၣ်ဝဲလၢပှၢ်မုၢ်ကနၢအပူၤလီၤ.

လံာ်ယၡါယၤ 35:6

ပှၤခီၣ်ဟးဂီၤကစံၣ်ထီၣ်ဒီးဂဲၤကလံၣ် ဒီးပှၤအုးအးကတာ်ပျ့ၤတဖၣ် ကကိးထီၣ်ဝဲလၢတၢ်သးခုအပူၤလီၤ. ထံကျိဖိအထံတဖၣ်ကယွၤလီၤဝဲခီဖျိမဲးမုၢ်ခိၣ်လီၤ.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယၡါယၤ 43:20

ဆၣ်ဖိကီၢ်ဖိအမံၤတဖၣ်ဒၣ်လဲာ်ကမၤလၤကပီၤယၤဒီး ထွံၣ်ဟီၣ်ခိၣ်ဒီးထိၣ်ကီၤလၤအူးတဖၣ်ကစံးထီၣ်ပတြၢၤယၤဖဲ ယဒုးယွၤလီၤ ထံကျိတဖၣ်လၢမဲးမုၢ်ခိၣ်အပူၤ ဒီးဟ့ၣ်လီၤထံလၢယပှၤဂီၢ်မုၢ်လၢယဃုထၢအီၤ အဂီၢ်န့ၣ်လီၤ.

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 13:15

အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်ယိၤဟၣ် 5:4

(အဝဲသ့ၣ်အိၣ်ခိးဝဲထံကဟူးဝးထီၣ်မ့ၢ်လၢ တဘျီဘၣ်တဘျီဖဲကစၢ်အကလူးဟဲလီၤဒီးမၤဟူးဝးထီၣ်နိၣ်အံၤ အထံန့ၣ်, ပှၤဆူးပှၤဆါလၢအလဲၤနုာ်လီၤဆူ ထံကျါအဆိကတၢၢ်တဂၤန့ၣ်, ဘျါက့ၤလၢအတၢ်ဆါလၢအအိၣ်ဒီးအီၤအဃိန့ၣ်လီၤ.)

လံာ်သိၣ်လီၤသီလီၤတၢ် 3:17

လၢမုၢ်နုာ်တခီန့ၣ်အဝဲသ့ၣ်အလီၢ်ကဝီၤလဲၤတုၤဝဲတုၤဆူ ထံကျိယၢ်ဒ့ၣ်စးထီၣ်လၢပီၣ်လဲၣ်ကၤလံၤလါလၢကလံၤစိးတခီ, တုၤလီၤဆူပီၣ်လဲၣ်သံလၢကလံၤထံးတခီ, ဒီးဆူကစၢၢ်ပံးစကၤ အခီၣ်ထံးလၢမုၢ်ထီၣ်တခီန့ၣ်လီၤ.

လံာ်သိၣ်လီၤသီလီၤတၢ် 4:49

ကီၢ်န့ၣ်အိၣ်စ့ၢ်ကီးဒီးကယဲၢ်လီၢ်ကဝီၤလၢထံကျိယၢ်ဒ့ၣ် အမုၢ်ထီၣ်တခီ, ယံၤဝဲလၢကလံၤထံးတခီတုၤဆူပီၣ်လဲၣ်သံ, ဒီးလၢမုၢ်ထီၣ်တကပၤန့ၣ်တုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.