လံာ်ယဃ့းစက့လး 47:7 - Sgaw Karen Common Bible

⁷ ဒီးဖဲယဟဲတုၤဖဲန့ၣ်န့ၣ်ဒီးယထံၣ်ဘၣ်လၢသ့ၣ်တဖၣ်အိၣ်ဝဲအါအါ ဂီၢ်ဂီၢ်လၢထံကျိကၢၢ်ပၤနံၤခံခီလိာ်န့ၣ်လီၤ.

လံာ်ယဃ့းစက့လး 47:7 Iomraidhean Croise

လံာ်စီၤပၤအခီၣ်ထံးတဘ့ၣ် 9:26

စီၤၡလိၤမိၤဘှီထီၣ်စ့ၢ်ကီးကဘီတကရူၢ်ဖဲဝ့ၢ်ဧ့းစယိၣ်က့ ဘ့ၢ်လၢအအိၣ်ဘူးဒီးအ့လိးလၢအအိၣ်ဖဲပီၣ်လဲၣ်က့ၣ်ကျီၤအကၣ် ဘၣ်အနံၤ, လၢကီၢ်အဒိၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:13

အန့ၣ်ဝံၤဒီး, အဝဲထၢထီၣ်စီၤအ့ၤလံယၤအဆ့ကၤဖးဒိၣ်လၢအဟဲ လီၤတဲာ်လၢအအိၣ်, ဒီးက့ၤကဒါက့ၤဝဲဒီးဆၢထၢၣ်ဝဲဖဲ ထံကျိယၢ်ဒ့ၣ်အနံၤန့ၣ်လီၤ.

လံာ်တၢ်ဟးထီၣ်ကွံာ် 15:25

ဒီးစီၤမိၤၡ့ဘါထုကဖၣ်တၢ်လၢအသူၣ်ကံၢ်သးလဲဆူယွၤအအိၣ် ဒီးယွၤဒုးနဲၣ်အီၤလၢသ့ၣ်တကူးလာ်လီၤ. အဝဲကွံာ်နုာ်ဝဲဆူထံအကျါဒီးထံန့ၣ်ကဲထီၣ်ထံလၢတၢ်အီ အီၤသ့န့ၣ်လီၤ. ဖဲန့ၣ်ယွၤဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢကအိၣ်မူထွဲဝဲအဂီၢ်, ဒီးမၤကွၢ်စ့ၢ်ကီးအဝဲသ့ၣ်န့ၣ်လီၤ.

လံာ်ယၡါယၤ 60:13

သ့ၣ်တဖၣ်လၢတၢ်မၤန့ၢ်အီၤလၢသ့ၣ်ဆှိ, သ့ထိးအီၣ်ဒီးသ့ၣ်ဆှိတအၤၡူၢ်, သ့ၣ်အဂ့ၤကတၢၢ်လၢကီၢ်လဘၤနိၣ်အသ့ၣ်ပှၢ်ပူၤတဖၣ် ကဘၣ်တၢ်ဟဲစိာ်အီၤလၢတၢ်ကသူၣ်ထီၣ်က့ၤနၤအဂီၢ်, ဝ့ၢ်ယရူၤၡလ့ၣ်ဧၢ, ဒ်သိးကမၤဃံမၤလၤထီၣ်ယတၢ်လုၢ်ဟံၣ်, ဒ်သိးယဝ့ၢ်ကအိၣ်ဒီးအလၤကပီၤအဂီၢ်န့ၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.