လံာ်ယဃ့းစက့လး 47:6 - Sgaw Karen Common Bible

⁶ အဝဲစံးဘၣ်ယၤ, “ပှၤကညီလၢအသံသ့ဧၢ, တိၢ်နီၣ်တၢ်တဖၣ်အံၤခဲ လၢာ်လီၤတံၢ်လီၤဆဲးတက့ၢ်.” အန့ၣ်ဝံၤဒီး, ပှၤတဂၤန့ၣ်ဆှၢ ကဒါက့ၤယၤဆူထံကၢၢ်နံၤ,

လံာ်ယဃ့းစက့လး 47:6 Iomraidhean Croise

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်ယဃ့းစက့လး 44:5

ဒီးယွၤစံးဘၣ်ယၤ, “ပှၤကညီလၢအသံသ့ဧၢ, ပာ်သူၣ်ပာ်သးလၢ ကယဲၢ်တၢ်ခဲလၢာ်လၢနထံၣ်ဘၣ်ဒီးနနၢ်ဟူဘၣ်န့ၣ်တက့ၢ်. ယကတဲ ဘၣ်နၤတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢကဘၣ် တၢ်မၤထွဲအီၤလၢယွၤအတၢ်လုၢ်ဟံၣ်အဂီၢ်, မတၤတဖၣ်ဘၣ်တၢ်ပျဲအီၤလၢကနုာ်က့ၤဟးထီၣ်လၢယွၤ အတၢ်လုၢ်ဟံၣ်အပူၤ, ဒီးမတၤကဖၣ်ကဘၣ်တၢ်ပျဲအီၤလဲၣ်န့ၣ်တိၢ် နီၣ်လီၤတံၢ်ဆဲးတက့ၢ်.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်ယဃ့းစက့လး 8:6

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်ဘၣ်တၢ်လၢအမၤ အသးလံကစီဒီဧါ, ကွၢ်ဃီၤတၢ်လၢအလီၤသးဘၣ်အၢတဖၣ်, လၢကီၢ် အံၣ်စရ့လးအပှၤဂီၢ်မုၢ်မၤဝဲဖဲအံၤ, ဒီးနီၣ်ထီၣ်ကွံာ်ယၤယံၤထီၣ်ယံၤထီၣ်ဒီးယတၢ်လီၢ်စီဆှံန့ၣ်တက့ၢ်. နကထံၣ်ဘၣ်ဒံးတၢ်လီၤမဲာ်ဆှးတဖၣ်အါန့ၢ်ဒိၣ်န့ၢ်ဒံးဒၣ်လဲာ်တၢ် အံၤန့ၣ်လီၤ.”

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်စကၤရယၤ 5:2

ကလူးသံကွၢ်ယၤတၢ်လၢယထံၣ်ဘၣ်အီၤအဂ့ၢ်န့ၣ်လီၤ. ယစံးဆၢအီၤ, “ယထံၣ်ဘၣ်လံာ်ထူတထူလၢအယူၤဝဲလၢကလံၤကျါန့ၣ်လီၤ. လံာ်ထူအံၤအထီအိၣ်ဝဲဒၣ်အပျၢ်ခံဆံ, ဒီးအဒီၣ်ဃီၤအိၣ်ဝဲအပျၢ်တဆံလီၤ.”

လံာ်မးသဲ 13:51

ယ့ၣ်ၡူးသံကွၢ်အပျဲၢ်အဘီၣ်တဖၣ်ဒီးစံး, “မ့ၢ်သုနၢ်ပၢၢ်တၢ်တဖၣ်အံၤလံဧါ.” အဝဲသ့ၣ်စံးဆၢအီၤ, “မ့ၢ်, ပနၢ်ပၢၢ်လံ.”